Entréguense los premios del primer Concursu de Microrrelato “Día del Llibru”

Güei martes 4 de mayu, va tener llugar l’actu d’entrega de premios del primer Concursu de Microrrelato “Día del Llibru”, entamáu pola Rede de Biblioteques Públiques Municipales d’Avilés. Presidíu por Yolanda Alonso, conceyala de Cultura y Promoción de Ciudá, va ser a les 17.00 hores na Biblioteca Bárganos Candamo.

Los ganadores son Laia López Gutiérrez, na categoría de 6 a 8 años; Daniela García Martínez, na de 9 a 12; Iris Prieto Fernández, na de 13 a 18, y Margarita del Uz, na de mayores de 18 años. Nesti últimu casu, sustitúi al relatu que se diera por ganador, de Raúl Clavero, al nun cumplir con tolos requisitos recoyíos nes bases.

El relatu de Margarita del Uz, unviáu dende Ceuta sol seudónimu Molli Muller, foi’l segundu más valoráu d’ente los primeramente 35 almitíos na categoría de mayores d’edá, finalmente 34, y lleva por títulu “Rellaciones Sintáctiques”.

Presentáronse un total de 117 relatos, de los cualos 20 fueron escluyíos por nun rexir se conforme a les riegles del concursu. La mayoría procedentes d’Avilés, pero tamién s’unviaron testos dende Madrid, Vitoria, Ceuta ya inclusive dende Cosenza, n’Italia.

Toles galardonaes van recibir un diploma acreditativu, según un llote de llibros.

Más información