Entamen en Ribesella les Xornaes Universitaries de Veranu

Esti meudía inauguráronse en Ribesella les Xornaes Universitaries de Veranu con presencia del viceconseyeru d’Educaciòn José Luis Iglesias Riopedre y del rector de la Universidá d’Uviéu Juan Vázquez. Rectores y vicerrectores de tol estáu van debatir a lo llargo de dos díes alrodiu de la financiación de les universidaes y la so contribución al desarrollu.

“Elementos de Dirección Universitaria para el siglo XXI” ye’l títulu d’estes xornaes nes que van partipar ente otros el rector de la Universidá Carlos III de Madrid Gregorio Peces Barba y los responsables de la xestión y dirección d’otros centros universitarios p’abordar los retos de la financiación de les instituciones académiques y les aportaciones que pueden facer a elles les empreses privaes en llabores de mutua colaboración.