Entama en Cangues d’Onís la ‘Folixa del Quesu y la Miel’

Güei van entamar los actos de la Folixa del Quesu y la Miel, unes xornaes gastronómiques nes que diez restoranes van ufiertar platos variaos y una amplia ufierta rellacionada colos productos protagonistes. El vienres, a partir de les seis de la tarde, na plaza del Ayuntamientu, va celebrase un taller de cocina pa neños, al cargu del Restorán Casa Manuela, La Cueva y el Bodegón del Dobra.

Darréu va acoyese la participación de l’Asociación ‘Emburria’ y a les ocho la tarde va celebrase una preba de quesu y miel. Les actividaes van continuar tola fin de selmana convirtiendo a la primera capital d’Asturies na capital del quesu y la miel per unos díes.

Los actos cuenten cola collaboración de los siguientes establecimientos: Restorán Parador de Cangues d’Onís; Restorán Los Arcos; Restorán La Cueva; Restorán Favila; Restorán Eladia; Restorán Gran Hotel Pelayo; Restorán El Pareón; Restorán Acebéu; Restorán el Bodegón del Dobra y Restorán Casa Manuela.