Entama’l cursu académicu na Universidá d’Uviéu

La Universidá d’Uviéu va celebrar l’actu d’Apertura del Cursu Académicu 2011-2012 esti vienres, 9 de setiembre, a les 12:00 hores, nel Paraninfu del Edificiu Hestóricu. Na ceremonia inaugural, el Secretariu Xeneral de la Universidá, Ignacio González del Rei, va dar llectura a la memoria del cursu académicu anterior, y el caderalgu de Personalidá, Evaluación y Tratamientos Psicolóxicos Mariano Pérez Álvarez va ufiertar la llección inaugural que lleva por títulu ‘Esquizofrenia y cultura moderna’.

L’actu va cuntar colos discursos del Rector Magníficu, Vicente Gotor Santamaría, y del Presidente d’Asturies, Francisco Álvarez-Cascos. Primeramente, como ye tradición, a les 10:30 hores celebrará la misa del Espíritu Santu, oficiada pol Arzobispu d’Uviéu na capiella del Edificiu Hestóricu.

L’Apertura de Cursu ye l’actu que se declara inauguráu oficialmente’l cursu académicu. Les clases van dar empiezu’l 12 de setiembre.