Portada Uncategorized El ciclu de Cine del Atenéu trai un pocu de Jazz con ‘Bird’

El ciclu de Cine del Atenéu trai un pocu de Jazz con ‘Bird’

by redacción asturnews

Esti miércoles 3 de febreru a les 18:30, el Centru Municipal Integráu Atenéu de La Calzada ufre na Sala d’actos del Atenéu, con amenorgamientu del aforu habitual a 48 butaques, la proyeición de “Bird” nel ciclu de Cine del Atenéu.

El saxofonista Charlie Parker foi’l músicu más revolucionariu del jazz de la edá d’oru. Matose, en 1955, l’alcohol, la heroína y la soledá qu’acompaña a quien s’adelantren al so tiempu. Tenía 34 años. El forense que llevantó’l so cadabre apuntó na so llibreta: “Edá averada, 60”.

El cineasta norteamericanu Clint Eastwood oyólu tocar nun conciertu celebráu en Oakland en 1946 y quedó atrapáu pol so xeniu. Cuatro décades dempués reconstruyó la so vida n’una película que foi presentada nel Festival de Cannes de 1988. “Parker”, dixo Eastwood, “representó la vanguardia na dómina más gloriosa del jazz. Oyí-y tocar cuando yo yera nuevu, nuna banda de la que formaben parte músicos tan grandes como Lester Young y Coleman Hawkins. Pero, ignoro por qué, foi la so imaxe la única que se quedó grabada na mio memoria. Pasaron los años y, cuando lleí la noticia de la so muerte, empecé a interesame pol home qu’había detrás del músicu. Asina afayé que la so vida foi un infiernu y que esto tenía que ver cola audacia del so arte, qu’abrió al jazz les puertes del futuru”.

Centru Municipal Integráu Atenéu de La Calzada Places:
Sala d’actos del Atenéu, con amenorgamientu del aforu habitual a 48 butaques.

Información sobro Inscripción: Necesaria reserva previa, preferentemente al traviés del corréu proyectosculturales@gijon.es, o nel teléfonu 985 18 14 02 (serviciu de cultura del Atenéu) n’horariu de 10.00 a 14.00.

 

 
  Programa completu en pdf

Tamién te podria gustar