Portada Conceyos El programa municipal “Uviéu Inclúi” remata dos nuevos itinerarios formativos

El programa municipal “Uviéu Inclúi” remata dos nuevos itinerarios formativos

by redacción asturnews

El conceyal d’Economía y Empléu, Javier Cuesta apurrió la selmana pasada los diplomes a los 36 participantes nos dos últimos itinerarios formativos qu’ufiertó’l programa municipal “Uviéu Inclúi”. “Una iniciativa que lleva desenvolviendo dellos años en collaboración con ADEIPA (Asociación d’Empreses d’Insertamientu del Principáu d’Asturies), que’l so oxetivu ye desenvolver “programes de formación y empléu para colectivos con problemes d’insertamientu llaboral como pueden ser inmigrantes, muyeres víctimes de violencia de xéneru, paraos de llarga duración o persones con poca formación”.

Nesta ocasión ufiertáronse dos  itinerarios formativos de les families profesionales “Cocina y atención de sala n’hostelería” y “Almacén”. Según destacó’l conceyal el programa Uviéu Inclúi ufierta una formación  bien personalizada, tantu a nivel teóricu como prácticu en distintes empreses que collaboraron de forma altruista”.  Los participantes nesta iniciativa “yá tán en contactu cola Axenda d’Allugamientu para ayudar na so busca d’empléu”. El conceyal aprovechó para felicitar a el trabayadores d’ésti órganu, que, n’apenes añu y mediu consiguieron trabayu a 600 uvieinos con volume de intermedicación bien importante, y a cuerpu de cai: visitando los negocios, captando muncha información de detalle y garantizando que los currúculums que s’unvien inclúin toles competencies que riquen les empreses”.

Los participantes en dambos itinarios formativos quixeron amosar el so agradecimientu al Conceyu apurriendo una  carta al conceyal responsable de l’área.

Tamién te podria gustar