El PAN protagoniza’l Teatru Plus nel Centru Municipal Integráu d’El Cotu

PAN ye un espectáculu, onde’l protagonista ye’l PAN! El Pan que nos acompaña dende va sieglos, que nos acompaña en toa nuesa vida, que ye’l “d’acaldía” y que va desenvolvese esti vienres 15, a les 18 hores nelCentru Municipal Integráu El Cotu.

El PAN visto como una cosa viva, el que desque ye una masa fecho d’agua y farina, tien los sos deseos y medranes. El que ye esencial y primordial, pero que tamién tien la so hestoria, que nun ye otra que la hestoria del ser humanu.

“Apriende a andar, hasta que sías el camín, apriende a nadar hasta que sías el rio, apriende a volar hasta que sías el vientu, apriende a rellumar como’l mesmu sol. Da vida ye dar lo que llevamos dientro.”

Espectáculu solista d’Olga Zeceva Curcic
Collaboración na dirección: Alek Aleksandrov
Escenografía y marionetes: Olga Z. Curcic
Música orixinal: José Ramón Feito
Vestuariu: Azucena Ricu
Diseñu de llume: Alberto Ortiz

Teatru Públicu Familiar: Centru Municipal Integráu El Cotu

Cuando: 15 d’ochobre de 2021 a les 18:00