El Muséu d’Avilés entama 3 talleres infantiles centraos na hestoria de la ciudá

Por cuenta de les fiestes navidiegues y les vacaciones escolares, el Muséu de la Hestoria Urbana d’Avilés entama tres talleres infantiles dientro del ciclu “Navidá nel Muséu”. La temática va tratar sobre la Navidá y la mesma hestoria y personaxes de la ciudá.

Les feches son les siguientes:

Martes, 27 d’avientu: ¡Avilés, pastores!. Avilés convertirase por un día na ciudá de Belén, con paisaxes y personaxes bien familiares.
Xueves, 29 d’avientu: ¡A decorar l’árbol!. Un árbol bien especial: la escultura “Avilés”.
Martes, 3 de xineru: Los Niem-Reyes Magos. Los trés edificios del Centru Niemeyer convertíos nos Reis d’Oriente, con corona y too.

Tolos talleres van empezar a les 11:30 hores y la so duración va ser de 90 minutos. Tán destinaos a neñes y neños de 4 a 10 años y les inscripciones pueden realizase, de manera gratuita, nel Muséu de la Hestoria Urbana d’Avilés (C/ La Ferrería, 35) o nel teléfonu 985 56 55 12. L’almisión va ser por rigorosu orde d’inscripción hasta completar los 25 neños y neñes per sesión.