El mundu de la cultura llamenta la temprana muerte de Zafón

La muerte a los 55 años en Los Ánxeles del novelista barcelonés Carlos Ruiz Zafón sentó como un xarru d’agua frío nel mundu de la cultura. La noticia del so decesu por causa de un cáncer de colon dexó en shock a los miles de fieles llectores que siguíen les sos obres y foi recoyida de momentu en tolos medios, tantu nacionales como internacionales, una y bones l’escritor yera mundialmente reconocíu y almiráu a raigañu del fenómenu superventas que supunxo la publicación de ‘La solombra del vientu’ nel añu 2001, con más de quince millones d’exemplares vendíos.

La editorial Planeta, que trabayó con él mientres venti años, foi de les primeres en llamentar la so perda nes redes sociales: “Cada llibru, cada tomu que ves, tien alma. L’alma de quien lo escribió, y l’alma de quien lo lleeron y vivieron y suañaron con él.” La Solombra del Vientu. Güei finó Carlos Ruiz Zafón, unu de los meyores novelistes contemporaneos. Et recordarem sempre, Carlos!