Portada Conceyos El Miguel de Cervantes de Xixón celebró la so primer asamblea xeneral telemática

El Miguel de Cervantes de Xixón celebró la so primer asamblea xeneral telemática

by redacción asturnews

El colexu Miguel de Cervantes de Xixón celebró la primer asamblea xeneral telemática. Más de 200 families aconceyaron nun eventu de la plataforma TEAMS, na que participó la mesma conseyera d’Educación, Carmen Suárez.

El colexu públicu Miguel de Cervantes, de Xixón, celebró la primer asamblea xeneral telemática qu’entama un centru educativu. Más de 200 families tán axuntaes nun eventu de la plataforma TEAMS, na que participó la mesma conseyera d’Educación. Carmen Suárez unvió un mensaxe d’ánimu a profesoráu, families y alumnos para encarar lo que queda de cursu. Amás, felicitó al equipu directivu por poner en marcha iniciatives tan novedoses como esta.

La plataforma TEAMS usase n’Educación dende va cuatro años y agora convirtióse nuna exa fundamental nos planes de la Conseyería d’Educación asturiana. La so importancia, almitió la conseyera, va siguir creciendo en vistes de que la enseñanza ‘online’ va xugar un papel fundamental el próximu cursu.

Na asamblea xeneral, amás de les families, ta participando tamién l’inspector educativu José Ángel Corujo y el responsable de la Fundación Mar de Borrina, Héctor Colunga. Ésti postreru punxo sobro la mesa la necesidá de que’l sistema educativu esmolecer del bienestar de tolos neños y neñes.

Tamién te podria gustar