El galés declárase oficial xunto al inglés nel País de Gales

Anque l’usu del galés per parte de les alministraciones llocales yá yera ampliu, nun foi hasta esti 7 d’avientu pasáu, cuando la Xunta de Gales, parllamentu autonómicu d’esi país británicu, declaró al galés llingua cooficial, xuntu col inglés. La midida más importante ye la creación d’un Comisionáu de la Llingua Galesa que va garantizar que los ciudadanos que quieran puedan rellacionase en galés cola alministración pública.

Según declaró a los medios Alun Jones Ffred, miembru del partíu nacionalista galés, el pasáu martes foi “un día históricu pal idioma galés”. Y ye que la nueva midida va fortalecer la posición del galés, idioma que ye minoritariu nel País de Gales, garantizanzo l’usu de la llingua galesa ensin imposiciones pal que quiera utilizar l’inglés. La mayoría de los cartelos ya indicaciones nel País de Gales tán nos dos idiomes, entá cuando’l galés nun yera oficial.