El Festival d’Arte na Cai “AstuRisas” volverá enllenar Avilés de maxa, malabares, payasos y acrobacies

El Festival d’Arte na Cai “AstuRisas” volverá enllenar Avilés de maxa, malabares, payasos y acrobacies dende esti xueves hasta’l domingu na plaza d’España.

Anguaño aumenta la ufierta d’esti Festival d’Arte na Cai con 9 compañíes participantes de México, Bélxica, Arxentina y Asturies que como tolos meses de xunetu, va convertir la plaza d’España d’Avilés convertir nun llugar nel que reinen la maxa, los malabares, los payasos y les acrobacies. Les compañíes d’artistes caleyeros tomen la cai al calor del Festival d’Arte na Cai “AstuRisas”, qu’esti 2018 cumple nada menos que 15 años, entamando esti xueves 12 de xunetu y estendiéndose hasta’l domingu día 15.

Entamáu pola conceyalía de Cultura d’Avilés, en collaboración cola Asociación Cultural Abiertu Asturies, nesta XV edición el programa aumentó la so ufierta. Son 9 les compañíes participantes, que lleguen non solo d’Asturies, sinón de México, Bélxica y Arxentina. En total, 25 persones, ente artistes y técnicos, que van garantizar la diversión con espectáculos empobinaos a tolos públicos, especialmente los más pequenos y les families.

L’horariu de les actuaciones na plaza d’España va ser el mesmu mientres tolos díes, de 18 a 21 hores, sacantes esti xueves, qu’empieza xuna hora antes, a les cinco lo más tardar. El programa ye’l siguiente:

    Xueves 12 de xunetu.

De 17 a 18 hores. Ludomóvil “Bagul Abiertu”, con castiellu enchible y karts.
De 18 a 19 hores. Super Keko, “Jorgito”.
De 19 a 20 hores. La maxa de Kleston.
De 20 a 21 hores. El Show de Pablo Picallo, “Match Point”.

    Vienres 13 de xunetu.

De 18 a 19 hores. El Show de Pablo Picallo, “Match Point”.
De 19 a 20 hores. Compañía Vueltaymedia, “Mister Destín”.
De 20 a 21 hores. La maxa de Kleston.

    Sábadu 14 de xunetu.

De 18 a 19 hores. Magu Charly showman.
De 19 a 20 hores. Toni Grafo & CIA.
De 20 a 21 hores. Super Keko, “Jorgito”.

    Domingo 15 de xunetu.

De 18 a 19 hores. Compañía Vueltaymedia, “Mister destín”.
De 19 a 20 hores. El show de Pablo Picallo, “Match Point”.
De 20 a 21 hores. Circu na lluna.

Fora de programa, cuntar con dos artistes convidaos, Leandro Suárez, colos sos malabares, y Virginia Vázquez, colos sos “Hulahops de fueu”.