El Festival Arcu Atlánticu 2016 lleva güei la lliteratura al Puertu Deportivu

Un añu más l’Asociación Cultural L’Arribada entama les xornaes lliteraries del Festival Arcu Atlánticu, con alcuentros, debates, presentaciones de llibros, poesía, cine, teatru y munchos más. Y esti llunes preséntense llibros y alderícase sobre la creaciónen llingua asturiana.

Esti llunes, nel Puertu Deportivu, na Carpa Espaciu Pallabres, presentarase a les 18 hores “Biografíes”, un llibru de poemes del escritor asturianu Gonzalo G. Barreñada, publicáu por Ediciones Saltadera. Y darréu a les 19 hores celebrarase una Tertulia baxo’l títulu “Criación lliteraria en llingua asturiana. Estáu y tendencies” Con Antón García, Xuan Xosé Sánchez Vicente y Humberto Gonzali.

Precisamente, nel mesmu espaciu, Xuan Xosé Sánchez Vicente va ser l’encargáu de pesllar la xornada presentando xuntu a Ramón d’Andrés “El caballo” de Francisco Bernaldo de Quirós y Benavides con un estudiu del propiu Xuan Xosé Sánchez Vicente.