Cine EL 3r Festival CinegailesAST va celebrase esti mes dagostu en Xixón by asturnet 24 de xunetu, 2008 written by asturnet 24 de xunetu, 2008 34 Xixón acueye un añu más el 3r Festival Internacional de Cine Gai y Lésbicu d’Asturies – CinegailesAST 2008. El Festival va entamar el próximu xueves 7 d’agostu del 2008 nel Auditoriu del Centru de Cultura Antigu Institutu de Xixón, na cai Xovellanos. Na xornada inaugural del Festival proyectaránse cinco de los curtios nominaos al premiu amás del curtiu ganador na primer edición del Festival: “Sirenito”. Darréu, va ponese la película alemana Vivir (Vívere) d’Angelina Maccarone. El vienres 8 d’agostu van entamar les sesiones cola proyección d’otros nueve curtios nominaos a los premios y la proyección del curtiu ganador del añu pasáu tituláu “Flores en el parque”. Darréuu van proyectase dos películes: la norteamericana Vamos ser amigues de Glenn Gayord y la filipina El florecimientu de Máximo Oliveros d’Aureaus Solito. Los premios concédelos el públicu asistente a caúna de les proyecciones salvo’l premiu d’Honor y el premiu al Meyor Documental qu’esti añu lu concede’l xuráu del Festival. La Gala de Pieslle, cola entrega de premios, va tener llugar el sábadu 9 d’agostu tamién nel Auditoriu del Antigu Institutu a partir de les 5,30 de la tarde, presentada una vez más pol gran actor DiCarlo. Na mesma, va proyectase una de les películes más provocatives, escandaloses y sorprendentes d’esta mesma temporada, según la organización, la realización del norteamericanu Todd Stephens titulada Otra peli gai, que va dar muncho que falar. El Premiu d’Honor d’esta edición del certame ye pal realizador gai norteamericanu Bill Condon (Nueva York, 1955) , autor d’una riestra de películes d’éxitu como Hermana, hermana; Muerte nel agua; Dioses y monstruos; L’home que nun mentiría; Kinsey y la recién producción musical titulada Dreamgirls. Cine 0 FacebookTwitterPinterestEmail Anterior Grupos Folclóricos actuen estos díes en L.luarca y Villaviciosa siguiente Damián Barreiro presenta dellos espacios nasturianu en Televisión Llocal Xixón Tamién te podria gustar La gala de los Goya va celebrase en... Avilés proyecta “Patriarcáu, l’organismu nocivu”, un documental contra... La última Palma d’Oru en Cannes brilla nel... Empiecen les proyecciones pa escolares de la Selmana... La Pola acueye la proyección de “Ente les... El Festival SACU va acoyer l’estrenu del cine-conciertu... La Factoría Cultural proyecta “La Mina en Llapaes” Güei proyéctase en La Pola “You resemble me” Servicios Sociales de Xixón presenta’l documental ‘Guapes Hestories... La BICC proyecta’l documental “Varsavsky – El científicu...