Ediciones Trabe asoleya un nuevu poemariu de Rubén d’Areñes

Ediciones Trabe ta acabante espublizar el poemariu últimu de Rubén d’Areñes (Areñes, Siero, 1983) que tien yá, al pesar de la so mocedá, una obra lliteraria de llargu alcance, que lu convierte nuna de les voces más significatives de la nueva poesía asturiana. Colaborador de les revistes lliteraries Formientu y Lletres Asturianes, foi ganador nel añu 2006 del Premiu «Elvira Castañón». En 2007 algama con Los venticinco pasos (Universos, 2008) el V Premiu de Poesía «Nené Losada Rico» qu’entama l’Asociación de Muyeres Valdés Siglo XXI.

Les páxines blanques, Premiu «Fernán-Coronas» 2008, inclúi 16 poemes de factura sencilla y cuidáu llinguaxe, nos que la voz poética da cuenta, con serenidá, ensin señaldá nin temor, del tiempu pasáu y de les xeres más difíciles de la vida, les que’l ser humanu ha d’encarar pa siguir medrando.