Desenrrollu Rural abre’l plazu pa que los ellaboradores de quesu de cabra y miel soliciten la marca “Alimentos del Paraíso Natural”

La Conseyería de Mediambiente y Desarrollu Rural tien yá abiertu’l plazu pa que los ellaboradores de quesu de cabra y miel soliciten comercializar estos productos baxo la marca de garantía de calidá “Alimentos del Paraíso Natural”. El Boletín Oficial del Principáu d’Asturies (BOPA) acaba d’espublizar los pliegos de condiciones d’entrambos productos, que recueyen los requisitos que tienen de cumplir los ellaboradores pa poder vender baxo esta marca.

El BOPA acaba d’espublizar los pliegos de condiciones d’entrambos productos, que recueyen los requisitos que tienen de cumplir los ellaboradores pa poder vender baxo esta marca. El Principáu va estudiar toles inscripciones pa comprobar que cumplen los requisitos, como pasu previu a l’autorización. Son los primeros productos ensin DOP nin IXP que yá disponen de los mentaos pliegos y piden acoyese a la marca.

El siguiente pasu ye solicitar formalmente la inscripción y que’l Principáu compruebe que cumplen los requisitos esixíos, como fase previa al autorización definitiva.

L’oxetivu d’esta marca ye garantizar un nivel de calidá pa los productos agroalimentarios producíos, ellaboraos y distribuyíos por usuarios apode autorizaos, asina como facilitar la so identificación nel mercáu. Asina mesmo, los pliegos de condiciones establecen les característiques que tien de reunir el productu pa usar esta marca y definen los métodos de control que garanticen el so cumplimientu.