Convócase la segunda edición del concursu de microrrellatos sidreros

L’Asociación d’Hostelería “El Barriu de La Sidra” convoca la segunda edición del so certame lliterariu “sidreru”. Nesta ocasión va haber un premiu en castellán y otru n’asturianu, amás de los accésit qu’envaloren oportunos los miembros del xuráu. El fallu del II Concursu de Microrrellatos sidreru “Barriu De La Sidra” va faese públicu’l 31 de marzu , siendo’l plazu llende d’entrega’l 17 de marzu y los premios de 500 euros pa caúna de les categoríes.

Esti concursu entámenlu en collaboración la revista La Sidra, xunto cola Fundación Asturies Sieglu XXI y El Barriu de La Sidra.

Na primer edición del premiu algamó’l primer puestu Mercedes Alonso Blanco pol rellatu “Viaje de Ida”, mientres que “Las tres mentiras de Sidora”, de José Luis Rendueles, algamó la segunda posición, recibiendo 500 y 300 euros, respectivamente.

Bases completes del concursu