Portada Uncategorized “Ciencia en Redes” atiende a la comunicación notres llingües del Estáu

“Ciencia en Redes” atiende a la comunicación notres llingües del Estáu

by redacción asturnews
Ciencia en Redes 2021

Una mesa redonda sore la comunicación  notres llingües del Estáu, va ser ún de los referentes de la Xornada “Ciencia en redes 2021” qu’entama otra vuelta esti tres de xunu nel Caixaforum de Madrid tres la suspensión pandémica de 2020 y qu’organiza l’Asociación Española de Comunicación Científica. El periodista y profesor universitariu, Próspero Morán, va ser l’encargáu de representar la llingua asturiana na xornada.

La xornada va entamar  colos famosos 10 minutos de gloria, a los que lu va siguir Mario Tascón, quien  esplicará cómo evitar el llinguaxe xurídicu-alministrativu na nuesa comunicación online. Marta Machu-Stadler va falanos sobro los siete años d’andadura de Muyeres con Ciencia, siguíu de Pere Viladot cola so ponencia ‘Qué ye y qué nun ye un muséu online: Guía pa la dixitalización de museos. De siguío va cuntase cola presencia d’Ana Galarraga Aiestaran, Próspero Morán, Rubén Permui y Leonor Parcero na sesión ‘Zientzia, Ciencia, Ciència: Comunicar n’otres llingües del Estáu‘.

Tres el descansu va cuntase coles intervenciones de Javier Salas y Belén Remacha, quien van dialogar sobro la resurrección de les newsletters. De siguío, Victoria Toro, va esponer la campaña viral NoMoreMatildas y Leonor Parcero va esplicar cómo as red sociales funcionen como ferramienta pa predicir el tipu de públicu que va asistir a un eventu abiertu al traviés del casu de Regueifas de Ciencia.

A estes esposiciones siguirá la mesa redonda ‘Dixitalización obligada: qué fixeron los museos de ciencia mientres el confinamientu‘ que va cuntar cola participación d’Ana Ochoa, Pilar López García-Gallu, Marcos Pérez, Ivone Fachada y Sonia Garcinuño. Amás, vamos cerrar la nuesa décima edición de Ciencia en Redes cola participación d’Antonio Calvo Roy y Óscar Menéndez mientres un diálogu sobro les hestoria de los diez años de Ciencia en Redes.

Más información.

Tamién te podria gustar