Caxastur ufierta nun ciclu itinerante el cine d’anguañu màs arriesgáu

La obra social y cultural de Caxastur cierra la so temporada de ciclos cinematográficos con una amuesa de seis llargometraxes del cine actual más arriesgáu que van poder vese dende’l 19 d’ochobre al 10 de payares en dellos centros de la rede de la entidá financiera. ‘Nine songs’ del británicu Michael Winterbotton o ‘La herencia’ del danés Per Fly van poder vese nesti ciclu de cine independiente.

Regina Rubio directora de la obra social y cultural de Caxastur, acompañada del programador de l’amuesa, José Luis Cienfuegos, presentaron el ciclu ‘Ángeles caídos’, l’últimu de la temporada d’actividaes d’esta institución. Dende’l prósimu 19 d’ochobre al 10 de payares va proyectase nos centros culturales Cajastur d’Uviéu, Xixón, Mieres y Sama Llangréu, amás de los filmes citaos de Peer Fly y Michael Winterbotton, otros como ‘Primavera, verano, otroño y invierno’ del coreanu Kim Ki-duk; la producción francesa ‘Lee mis labios’; ‘El tiempo del lobo’ del director austriacu Michael Haenke;o el filme canadiense ‘La gran seducción’.