Cantabria y Asturies van pidir a la Unesco la declaración del Camín de Santiagu del Norte como Patrimoniu de la Humanidá

Los presidentes de les dos comunidaes autonómes vecines aconceyaben estos díes y anunciaron la so propuesta de pidir que’l Camín del Norte, antigua ruta que los peregrinos utilizaben pa llegar a Santiagou de Compostela, seya declarada Patrimoniu de la Humanidá per parte de la Unesco.

El Presidente de Cantabria atribuyó a la collaboración y el “bon trabayu conxuntu” ente los dos países, que yá trabayaron xuntos pa la declaración per parte de la Unesco de les cueves rupestres del Cantábricu como Patrimoniu de la Humanidá.

Vicente Álvarez Areces, confió n’algamar esti “ésitu de la política cultural” pal Camín del Norte, una ruta, recordó, “anterior al Camín de Santiago, utilizáu güei en día polos pelegrinos”.

Los dos presidentes esperen que puea ser evaluáu’l próximu 2010, coincidiendo precisamente cola celebración del Añu Santu Xacobéu.