CaleyAvilés programa nueves visites p’afondar na historia de la villa

La Estaya de la Llingua del Conceyu d’Avilés entama, pela segunda vez, el ciclu d’actividaes CaleyAvilés y nesta ocasión van incluise seis visites guiaes per diferentes sitios de la nuestra ciudá, lo que duplica les visites de la edición anterior.

CaleyAvilés ufre la posibilidá de conocer en llingua asturiana los entornos naturales y urbanos de la villa y la redolada. Esti añu ye la segunda edición que se fai depués del éxitu del añu pasáu.

La mayoría de les visites entamaes en 2016 tuvieron qu’ampliar el númberu de places. Mesmamente, participó n’elles xente d’otros conceyos d’Asturies -sobre manera d’Uviéu y Xixón- que quixeron conocer meyor la historia y los requexos d’una ciudá milenaria.

Ye de reseñar qu’esti ciclu surdió depués del éxitu de les dos visites feches nel 2015 al Parque Ferrera y de la que s’entamó en mayu del 2016 nel Muséu de la Historia Urbana d’Avilés, que coincidió col Día Internacional de los Museos -visita que vuelve a repetise esti añu-.

Tres de les visites de Mayu, están previstes palos meses de branu les que vienen darréu:

• Miércoles, 21 de xunu

-18.00 hores. Parque La Madalena

Sitiu d’alcuentru: Entrada’l parque, onde’l Colexu Enrique Alonso.

• Vienres, 21 de xunetu

-18.00 hores. Cascu Históricu

Sitiu d’alcuentru: Delantre la Casa Conceyu (El Parche)

• Llunes, 21 d’agostu

-18.00 hores. Barriu de Llaranes

Sitiu d’alcuentru: Delantre la Ilesia Santa Bárbara

Ver programa d’actividaes