Portada Lliteratura Bocartes y Oficios ye’l nuevu llibru d’Aurelio González Ovies y Francisco Pimiango

Bocartes y Oficios ye’l nuevu llibru d’Aurelio González Ovies y Francisco Pimiango

by redacción asturnews

Bocartes y Oficios ye’l nuevu llibru d’Aurelio González Ovies y Francisco Pimiango, que ya se pue atopar nes llibreríes col entamar del mes de xunu.

Un preciosu cuentu, al cuidáu del poeta Aurelio González Ovies, maestru de la palabra y del versu. Testu poéticu llenu de fantasía, trescaláu de lluz y de suaños. La fauna marina personificada va sirvir d’entretenimientu y diversión a los pequeños llectores que van asistir estelaos a una Academia na qu’alumnos y profesores son personaxes de ficción qu’habiten el fondu marín. Testu en versu, xenial y risonderu, nel que l’autor utiliza variedá de recursos llingüísticos.

L’álbum ta maxistralmente ilustráu por Francisco Pimiango.

Un llibru rebosante de guapura y musicalidá que va introducir a los neños na maxa de la poesía.  Un mar, maravía” que va espertar la so atención con novedosos xuegos de palabres y versos visuales llenos de coloríu, que dan vida a esta singular  Academia “que non PEZmite nenguna torpeza”.

Por María Esther García López

Bocartes y Oficios, d’Aurelio González Ovies y Francisco Pimiango, álbum ilustráu, nº 6 de la Colección Rimacuentos. Editorial Tinta Moza

Tamién te podria gustar