BlackBerry dexa de fabricar móviles

La compañía de telefonía canadiense Blackberry anunció esti miércoles que va cesar la producción de teléfonos móviles dempués de rexistrar perda per valor de 372 millones de dólares (332 millones d’euros) nel segundu trimestre del so exerciciu fiscal, frente al beneficiu netu de 51 millones de dólares (45 millones d’euros) rexistráu nel mesmu periodu del añu anterior.

“La compañía entama poner fin a tol desenvolvimientu de hardware internu y externalizar esa función a los socios”, aseguró’l presidente executivo y conseyero delegáu de Blackberry, John Chen, mientres la presentación de les cuentes trimestrales, p’añedir que la decisión va dexar a la compañía amenorgar los sos requerimientos de capital y ameyorar el rendimientu del capital invertíu.