Avilés va acoyer la Conferencia Internacional de Parques Tecnolóxicos en 2018

Avilés va acoyer, en payares de 2018, la XVI Conferencia Internacional de l’Asociación de Parques Tecnolóxicos d’España (APTE). El conceyal de Promoción Económica y de Ciudá, Manuel Riola, recoyó la selmana pasada en San Sebastián la bandera qu’en cada edición d’esta Conferencia apúrrese, a manera de testigu, a la próxima ciudá organizadora.

Manuel Riola recoyó la bandera de manos de la representante del actual parque organizador de la Conferencia, Itziar Epalza, y en presencia del presidente de APTE, Felipe Romera. El conceyu, como see del Parque Científico y Tecnolóxico “Avilés, Isla de la Innovación”, va allugar un alcuentru nel que se va reforzar la imaxe d’estos parques como axentes xeneradores de nodos d’innovación arreyaos nel territoriu. Nesta décimu sesta conferencia van analizase les circunstancies qu’arrodien a les empreses tecnolóxiques nun escenariu global apináu d’incertidumes.

Campa destacó qu’esti alcuentru va sirvir pa poner de manifiestu “el papel d’Avilés como ciudá industrial convertida n’elementu tractor d’innovación y conocencia”, esplicó va axuntar n’Avilés a les entidaes xestores de los parques tecnolóxicos del país y adelantró que va tener xuna importante repercusión na ciudá”.

La designación d’Avilés como see de la XVI Conferencia Internacional APTE tuvo llugar el pasáu 6 de xunetu n’Ourense, nel intre de l’Asamblea Xeneral de Parques Tecnolóxicos. Esta elección supon una reconocencia a la estratexa avilesina de ciudá y al so modelu de promoción económica, centráu na innovación industrial y tecnolóxico.

La capital guipuzcoana acoyó ‘l xueves la décimu quinta edición de la Conferencia Internacional de APTE, que desenvolvióse sol títulu de “Más allá del 2020: Tecnoloxíes disruptivas”, y cuntó cola destacada participación de Barak Berkowitz, director d’Operaciones y Estratexa del Massachussets Institute of Technology (MIT) Media Lab.