Avilés fina l’informe de la so toponimia tradicional

La Comisión de Cultura del Conceyu d’Avilés aprobó güei’l dictame de la toponimia de les sos sparroquies, pueblos, aldees y barrios como pasu previu a la declaración d’oficialidá d’esos nomes.

El documentu inclúi la reconocencia de la denominación pa les sos seis parroquies que se nomarán dende la fecha na que s’espublize’l decretu nel BOPA como Avilés, Miranda, San Cristóbano o San Cristóbal d’Entreviñas, San Xuan de Nieva, Navarro o Valliniello y La Madalena o Corros.

Ente los nomes populares que se recuperen alcuéntrense dellos tan nomaos como L’Arbolón, Les Arobies, Les Meanes, El Parche, El Poblao de La Carriona, El Poblao de Llaranes, Les Arenes, Les Teyeres, Villanueva, La Llosa o La Xuncarosa, que tamién se podrá llamar Barriu de La Luz.