Sociedá Pieslle d’esposiciones en L.lena by asturnet 28 de mayu, 2014 Esti vienres pesllaránse les esposiciones ‘La llingua asturiana na historia’ y ‘Buelgues’ qu’abriera’l Serviciu de Política Llingüística de Ḷḷena “col oxetivu de facer llegar a tola población temátiques interesantes en llingua asturiana” y que puen vese n’horariu de 19 a 21 hores, na sala d’esposiciones Celso Granda de la Casa Cultura de La Pola. La primera esposición percuerre la historia del nuesu idioma y la segunda recueye lámines apegaes al suelu que van faciendo un camín nel que se pueden lleer frases referentes a les llingües maternes. 28 de mayu, 2014 0 FacebookTwitterPinterestEmail
Mundu Mitoloxía asturiana y otres actividaes en La Simiente by asturnet 27 de mayu, 2014 Esta cabera selmana del mes de Mayu Pitayu vien cargá d’actividaes per interesantes, que entamen güei cola habitual proyeción de cine, que nesti casu va a ser “Bestias del sur salvaje”. A partir del Xueves La Semiente va llenase de conteníu con dos charres de temátiques estremaes. El mismu Xueves a partir de les 20:00hores va tar nel centru social Alberto Alvarez Peña falandonos de tradición oral y mitoloxía n’Asturies. Alberto ye dibuxante, escritor y etnógrafu. Autor de llibros como “Asturies Máxica, un viaxe illustrau pela mitoloxía asturiana” o “Simboloxía máxico tradicional”, apurrió illustraciones en obres como el “Libro de la gaita” y ye un de los creadores del Salón del Comic de Xixón. Pal Vienres la temática cultural, dexa-y pasu a lo social, y nesti casu con unos invitaos que vienen dende Burgos. A partir de les 19hores van tar con nos Fernando, Marcos, Aida y Angel, que son miembros de la Asamblea del barriu obreru burgalés de Gamonal, onde va unos meses les protestes vecinales escontra’l Bulevar que allí se taba contruyendo resonaron en tol Estau Español y acabaron llogrando la parallización total de les obres. Además lleguen con un poemariu baxo’l brazu nomau “¿Por qué gritamos?”, del que nos van lleer dalgunos cachinos. Pa finar y confraternizar un poco habrá un pincheu(haber si rascamos daqué pa financiar el viaxe d’esta dente). El Centru Social Autoxestionau La Semiente ta na calle Eladio GJove Nº6 de L’Entregu y ta abiertu a tola xente los Miercoles y Xueves a partir de les 17:30. Les asamblees, que tamién son abiertes son los Llunes a les 20 y toles actividaes son de baldre.” 27 de mayu, 2014 0 FacebookTwitterPinterestEmail
Mundu Cornualles algama’l reconocimientu de Minoría nel Reinu Uníu by asturnet 27 de mayu, 2014 El Gobiernu británicu , dempués de reconocer l’escocés , el galés y l’irlandés, vieno acabante reconocer tamién la cuarta minoría céltica reconocida oficialmente en parte del so territoriu: la de Cornualles, depués de tres intentos anteriores. Por cuenta de la falta de conocencia d’esta minoría d’orixe celta, el términu “cornish” que s’usa pa faer referencia a Cornualles , un condáu de cerca de 500.000 habitantes qu’ocupa’l final de la estrecha península suroccidental de Gran Bretaña , que la so ciudá capital ye Truro, apenes s’escuchara hasta agora n’España. Dempués de 15 años de llucha, siempres del tou pacífica, la pequena comunidá que finalmente cumplió’l so suañu de que la so diversidá llingüístico y cultural sían reconocíos so la Convención Marco pa la Protección de les Minoríes Nacionales del Reinu Uníu. Esti importante llogru foi posible gracies a los esfuerzos de munches organizaciones, incluyendo l’Asociación de Solidaridá de Cornualles y el partíu autonomista Mebyon Kernow . La sentencia ye la culminación d’una llarga llucha pola afirmación d’una identidá distinta de Cornualles que tien 84.000 habitantes nel Censu de 2011. Mientres el mesmu añu, amás , el 41 per cientu de los alumnos de Cornualles describióse como “Cornish”nuna encuesta escolar , que dos años antes diera la resultancia de 34 per ciento. Y el llinguaxe de Cornualles , qu’hasta 2010 fuera clasificáu pola UNESCO como extintu, ta esperimentando una recuperación notable y anguaño son 557 persones les que lu declaren como’l so idioma principal . Los principales oxetivos de la Convención Marco , que foi ratificada per primer vegada hai 15 años, ye garantizar que los derechos de les minoríes nacionales sían respetaos,la llucha contra la discriminación, promover la igualdá y la preservación y el desenvolvimientu de la cultura y la identidá de les minoríes nacionales. Produxérense tres intentos hasta ágora pa incluyir a Cornualles nel Conveniu que nun tuvieren ésitu, la postrera en 2011 . Según les autoridaes , la inclusión nel Conveniu va contribuyir a reconocer el calter distintivu del Cornish y ameyorar la reputación del Reinu Uníu como un país que sofita y protexe la diversidá de los sos ciudadanos; promover los intereses económicos non yá en Cornwall , sinón nel Reinu Uníu nel so conxuntu;fortalecer l’enfotu de los mozos de Cornwall animándo-yos a identificase cola so identidá cultural; y fortalecer la marca Cornwall” y apurrir un mecanismu que dexe a les comunidaes de Cornualles establecer y reforzar los llazos con otros grupos de la mesma condición similares n’Europa y nel mundo. 27 de mayu, 2014 0 FacebookTwitterPinterestEmail
Política Compromisu felicítase pol resultáu de Podemos by asturnet 26 de mayu, 2014 Daniel Fernández, voceru de Compromisu por Asturies, llamaba a votar el vienres a la candidatura de “Podemos” nestes elecciones europees “porque ye la opción que meyor garantiza que Asturies pueda llibrase del corsé de la Constitución del 78 y la ciudadanía recupere los sos derechos y la democracia frente al gobiernu de la Troika” y el resultáu paez amuesar l’acierttu del nacionalismo asturianu mas mozo. Pa Compromisu ye necesariu una voz n’Europa que ruempa’l mitu del falsu consensu de la Constitución española, yá que anguaño más del 65 % del censu electoral nun pudo nin votala, p’abrir una ventana a quAsturies pueda llibrase del corsé que supunxo y que la apostró a una rexón de segunda. Dende Compromisu tamién señalaben que el conceutu de la Troika y el conceutu democracia son a cencielles y llanamente incompatibles y Podemos plantega nestes elecciones europees una opción claramente rupturista con esta situación de vasallaxe y sumisión y qu’apuesta pola recuperación de la soberanía ciudadana lo cual ye totalmente imprescindible pa recuperar tolos derechos que nos robaron a nivel européu, estatal y autonómicu, pa siguir calteniendo los privilexos d’una minoría. Daniel Fernández aseguró que la candidatura asturiana tantu na campaña conxunta nes primaries de Podemos, como darréu na mesma campaña electoral de les europees, ye una amuesa de quAsturies nun tien por qué conformase con un papel de meru observador nos procesos políticos que tamos viviendo anguaño, si non que pue ser un actor principal y determinante nos mesmos. 26 de mayu, 2014 0 FacebookTwitterPinterestEmail
Política Asturies yá tien eurodiputada by asturnet 26 de mayu, 2014 La principal conclusión de la xornada electoral ye de prestu n’IX pola eurodiputada y pola medría de sofitos, colos meyores resultaos nel conxuntu del Estáu. El coordinador xeneral de la formación, Manuel González Orviz, aseguró que les resultancies suponen una clara crecedera d’IX, hasta’l 12,93%, siete puntos más que nes anteriores, siendo amás el meyor porcentaxe del conxuntu del Estáu. El bipartidismu ye, a xuiciu del coordinador xeneral, el gran perdedor d’estes elecciones, con una cayida que supon la base pa “quebrar el bipartidismu”. “Son datos pa tar satisfechos y ser l’andamiaxe pa siguir trabajando”. Al respective de Podemos, González Orviz señaló que, dada la xubida d’IX, los votos tuvieron que llegar dende otres fuerces. Sía que non, esplicó qu’esperaba “atopalos nel espaciu de la izquierda alternativa”. Ángela Vallina esplicó qu’agora empieza una nueva etapa y que se prepara pa trabayar: “queríamos ser la voz d’Asturies y vamos selo”. La eurodiputada electa estimó a tola organización el trabayu desenvueltu yá que, dixo, la so elección ye’l frutu non d’unos candidatos concretos sinón de toa una organización que ta detrás”. 26 de mayu, 2014 0 FacebookTwitterPinterestEmail
Música Elías García y Mapi Quintana asoleyen “Severina” by asturnet 26 de mayu, 2014 El dúu asturianu fomáu pola cantante Mapi Quintana (Blima, Aire) y el bouzoukista Elías García (Llan de Cubel, Tuenda) espublicen, el prósimu día 1 de Xunu, la so primer referencia discográfica: “Severina”. Dempués d’un periodu de descubrimientu y selección de canciones tradicionales recoyíes nel conceyu L.lena, Elías García y Mapi Quintana entamen a estructurar ya arreglar, nel mes de Mayu de 2012, un repertoriu basáu nel material recoyíu, na búsqueda d’un nuevu contestu estéticu pa eses melodíes tradicionales. Al traviés de progresiones armóniques heredaes del jazz y la música europea del sieglu XX, amás de la improvisación ya una aprosimación fresca y novedosa al indie-jazz más contemporáneu, Mapi y Elías consiguen xenerar una nueva ya enriquecúa atmósfera sonora, qu’ofrez nueves perspectives de la música tradicional asturiana na que se basa. Frutu d’esti trabayu, el dúu rexistra, en Payares de 2013, 9 temes grabáos en directu. baxo’l títulu “Severina”. El discu dixital ya ta disponible al traviés del siguiente enllaz, onde podéis escuchalu al completu, de forma totalmente gratuita: http://quintanaygarcia.bandcamp.com. Asimesmo, adelantámosvos que’l conciertu-presentación de “Severina” tendrá llugar nel Teatru Vital Aza (La Pola – Conceyu L.lena) el prósimu día 22 de Xunu, a les 19.30h [entráes prósimamente a la venta] El discu pue escuchase de baldre na web 26 de mayu, 2014 0 FacebookTwitterPinterestEmail
Educación L’Alministración arrenuncia imponer les nueves alxudicaciones by asturnet 26 de mayu, 2014 Énte’l refugu sindical y la convocatoria de movilizaciones, l’Alministración arrenunciaba esto día a imponer al profesoráu interín les axudicaciones a palpu pal cursu 14-15 dando marcha atrás na so propuesta de pidimientu a palpu sigún facía anuncia SUATEA, tres de la xunta de personal docente cola Conseyería aconceyada esti día. Nesta Xunta, SUATEA pidió que nun entrara a valir la FP Básica, al entender que nun se ta en condiciones pa ello. Amás, nel casu de Primaria pide la eliminación del horariu d’enseñanza de les relixones o’l so amenorgamientu al mínimu llegal posible na nuestra comunidá, al tiempu que reclamó l’aumentu del horariu destináu a Llingua Asturiana y Gallego-asturianu. Va dase a conocer el borrador de curriculum de primaria esta mesma selmana, cola espresión del horariu destináu a cada cursu. Tamién se pidió la non realización de la prueba correspondiente a 3º de primaria, yá que ye potestá de la Conseyería la so realización. Depués d’una llarga esplicación de la Directora Xeneral, l’Alministración repite la so intención de facer sumir la “7ª hora” pal alumnáu qu’empiece 1º d’ESO nel programa billingüe pesie al refugu del colectivu. N’entrando perriba nel tema de les oposiciones y n’acabando la reunión confírmase que’l miércoles 28 va publicase’l llistáu de persones almitíes y escluyíes y les pruebes van empezar el 20 de xunu. N’otru orde de coses, dende SUATEA “repitimos la nuestra esmolición pola situación xenerada en Cangas cola dimisión d’un equipu directivu y la propuesta de reestructuración d’espacios docentes públicos que lu xeneró. Tamién mos interesemos pola forma de provisión de puestos pal Conservatorio Superior pal próximu cursu, nel que va haber un nuevu equipu directivu que va tomar posesión en xunetu”. 26 de mayu, 2014 0 FacebookTwitterPinterestEmail
Educación Abrese’l plazu matrícula pala Universidá Asturianu de Branu by asturnet 26 de mayu, 2014 Como cada añu, el Vicerrectorado d’Estensión Universitaria y Comunicación publica la so ufierta de Cursos de Branu, coles mires de proxectar la conocencia a la sociedá asturiana y dientro d’ellos los cursos de la Universidá Asturiana de Branu de l’Academia de la Llingua (UABRA) que se celebren en Cangas del 28 de xunetu al 8 d’agostu. Esti añu hai convocaos, amás de los cursos elemental y avanzáu, el cursu de capacitación pala traducción, unu d’ecoloxía, sobre l’emplegu didáuticu d’Interne, un cuartu sobre cantares y bailes y la segunda fase del Curso de Gallego-Asturiano. La matrícula abrese esti llunes 26 de mayu y va desenvolviese hasta’l 6 de xunu nel llar de l’Academia de la LLingua Asturiana. Los cursos de la UABRA tan empobinaos pol profesor y académicu Xosé Antón González Riaño y la secretaría corresponde al académico Pablo XUán Manzano Rodríguez como ye vezu desde jai tiempo. El curus básicu de llingua asturiana inclúi, con 60 hores llectives, un repás peles Normes ortografiques, la sociollingüística aplicada al casu asturianu, exercicios escritos, situaciones comunicatives escrites y orales, y un averamientu a la Lliteratura Asturiana. Pela so parte, lAvanzáu, col mesmu númberu dhores, adiéntrase nel estudiu de la llingua asturiana estándar y la so presencia na sociedá de lAsturies de güei, plantegando tamién situaciones comunicatives escrites y orales, más complexes, aspeutos de la cultura asturiana y de la Historia d’Asturies, un repás a la Lliteratura asturiana contemporánea y un pequeñu cursu de téuniques de creatividá lliteraria. Los cursos principales finen col de Gallego-Asturiano, que nesta segunda fase ufre 40 horas llectives (35 presenciales y 5 de trabayu personal) teniendo como obxetivu cimera afondar nos aspectos teórico-prácticos que ya enramara la primer fase de les tres que completen el cursi- Cursos d’Afondamientu No que cinca a los Cursos d’Afondamientu Cultural y Llingüísticu, como cada añu va celebrase un cursu de Capacitación pa la Traducción al Asturianu, de 35 hores, del 28 de xunetu al 2 d’agostu, y que va tener lugar ente’l 28 de xunetu y el 2 d’agostu, embaxo la dirección de la decana de Filosofía y Lletres de la Universidá d’Uviéu, Cristina Valdés, y la collaboración de los profesores Xosé Lluis García Arias, Ana Mª Cano y Xosé Antón González Riaño. Nel cursu preséntense davezu los presupuestos teóricos que rixen la traducción a una llingua minoritaria, teniendo en cuenta, de mou especial, l’exerciciu de tornes de testos lliterarios y periodísticos y de testos llegales y científicos. Y a esto xúnese una sesión monográfica sobre estratexes de traducción ingles-asturianu. El cursu dedicáu a les nueves tecnoloxíes va ser esti añu nes mesmes feches que’l de traducción y va titulase Internet como recursu educativu y cultural y va desenvolviese del 28 de xunetu al 2 d’agostu. Nes sos 35 hores va sirvir pa ufiertar nueves y prestoses posibilidaes pa que’l profesoráu de Llingua Asturiana d’Educación Primaria y Secundaria pueda acceder a los recursos qu’ufre la rede y pueda diseñar, llueu, xeres y actividaes d’aula pal deprendizax oral y escritu de la Llingua Asturiana. El so coordinador ye David Melendi y tendrá profesores como Xulio Berros y Xabiel García Pañeda. Los otros dos cursos d’agfondamientu van celebrase del 4 al 8 d’agostu, entapando pol de “cantares, bailes ya instrumentos musicales asturianos” de 30 horas llectives que va completase con 15 práctiques. Embaxo la dirección de José Antonio Gómez, va afondar nel conocimiento de los cantalles, bailes ya instrumentos populares asturianos desde la perspectiva de la so presencia na escuela. El caberu de los cursos d’afondamientu lleva por títulu “Ecoloxía y Mediu ambiente y desenvolverase embaxo la dirección de Carlos Lastra. Los Cursos tán abiertos a toes aquelles persones interesaes nes materies que s’imparten, independientemente de si se trata o non d’universitarios y la matrícula fadráse na Universidá, magar los cursos de la UABRA tendrán inscribise na see de l’Academia de la LLingua. 26 de mayu, 2014 0 FacebookTwitterPinterestEmail
Lliteratura Asturtoons presentó los sos nuevos llibros en Blimea by asturnet 23 de mayu, 2014 Ayeri xueves la Casona del Bravial de Blimea acoyó la presentación de les últimes novedaes de la editorial Asturtoons, los títulos Una mascota pa Carola dEnrique Carballeira, El misteriu del Vassilius Destounis de Jorge Fernández y El misteriu de les histories que sescribíen soles de Xavier Frías Conde. Nel actu de presentación participaron los escritores Enrique Carballeira y Jorge Fernández, que tuvieron acompañaos pola conceyal de Cultura de Samartín del Rei Aurelio, Gema Suárez Torre, y por Hugo Cortina, el responsable de la Oficina de Normalización Llingüística del conceyu. Carballeira , periodista, ilustrador y escritor de LInfiestu ye autor dotros llibros infantiles como El cuélebre y el principín medranosu o El día de los charcos, por citar dalgunos. Pela so parte, Jorge Fernández ye maestru y pedagogu, autor de narrativa curtia, testos teatrales y lliteratura infantil, con títulos como El lladrón de galletes o Einstein y la relatividá, ente otros. Los autores sorrayaron el mal momentu quatraviesal mercáu editorial y la dificultá que supón caltener vivu un proyeutu destes carauterístiques nesta situación. Al final del actu hubo un alderique colos asistentes y los escritores firmaron exemplares de los sos libros. Con esti actu púnxosel ramu a la esposición Asturtoons y les Lletres Asturianes, que pudo visitase nesti centru cultural dendel pasáu 5 de mayu, y na que se fizo un repasu del llabor desta empresa dedicada a la lliteratura infantil asturiana cuando ta a puntu de cumplir 10 años. Alredor desta esposición tamién se llevaron a cabu actividaes con varios centros escolares del conceyu, onde los escolinos pudieron charrar colos autores sobre estos nuevos libros. 23 de mayu, 2014 0 FacebookTwitterPinterestEmail
Europa La European Language Equality Network aconceya en Valencia by asturnet 21 de mayu, 2014 La organización d’entidaes activistes na defensa de llingües llider n’Europa, European Language Equality Network, va axuntase a la so directiva en Valencia. La xunta del Comité Directivu va celebrase’l próximu sábadu 24 de mayu entamada nesta ocasión por Acció Cultural del País Valencia y axuntando a les principales organizaciones de defensa de les llingües rexonales o minoritaries de toa Europa, ente les ques’alcuentra Iniciativa pol Asturianu, entidá miembru de la organización. Los alderiques van centrase na evolución de la Xunión Europea y de la Organización de les Naciones Xuníes pa les llingües rexonales o minoritaries , la ratificación francesa del ECRML, amás de los retos actuales qu’enfrenten les llingües de la península. La xunta va llevase a cabu na mesma fecha que les elecciones europees nun momentu en que les comunidaes llingüístiques minoritaries s’enfrenten a problemes de puesta en peligru y discriminación. Un momentu nel que, acordies col entidá internacioanl el sofitu de la Xunión Europea pa estos idiomes llegó al so puntu más baxu. La rede, formada n’Estrasburgo en 2011, sustituyó a l’antigua Oficina Europea de Llingües Minoritaries (OELM) y güei representa 42 comunidaes llingüístiques de 23 estaos europeos. El so trabayu céntrase na promoción y protección menos utilizaes , rexonales, minoritaries d’Europa , y les llingües en peligru d’estinción, amás de trabayar pa la so revitalización. 21 de mayu, 2014 0 FacebookTwitterPinterestEmail