Escéniques El Ballet Nacional de Marsella tará nel Niemeyer nagostu by asturnet 24 de xunetu, 2012 Yá tán a la venta les llocalidaes pal Ballet Nacional de Marsella, una de les compañíes más conocíes a nivel mundial. L’Auditoriu va acoyer Metamorfosis, la obra maestra d’Ovidio con coreografía de Fréderic Flamand, el 3 d’agostu a les 20:30 hores. L’acercamientu de los mitos va ser la ocasión pa una reflexón sobre les fuerces constitutives de la naturaleza humana, sobre les manifestaciones del deséu, sobre los combates eternos del bien y del mal. Remembrar un llugar antiguu pa entruganos meyor sobre la nuesa contemporaneidá. 24 de xunetu, 2012 0 FacebookTwitterPinterestEmail
Lliteratura João Afonso Machado presenta llibru nel Festival Arcu Atlánticu by asturnet 23 de xunetu, 2012 El poemariu “Sem título” yel llibru últimu del escritor portugués João Afonso Machado, que va presentase en Xixón en rigurosa esclusiva. Sedrá mañana martes 24, a les 19 hores, nel patiu del Centru de Cultura Vieyu Institutu, dientro los actos de la xornada dedicada a la lliteratura de Portugal. João Afonso Machado tien escrito tamién, ente más otros, O morgadio de Pindela (1999), Eles nunca saberão! (2003), Caldeiras de Queiroz de Borba (2003), A correspondência (1886-1916) entre o 2º Visconde de Pindela e António Feijó (2007) y De uma família de mareantes (2010). Sobre Sem título diz lautor nel so blogue Escrever poesia creio ser um impulso. Publicá-la é uma aventura, seguramente. Porque, de quem arrisca, fica a exposição a poesia é o que há de mais pessoal e a submissão a uma critica fácil e, por regra, impiedosa. Este livro faz-me medo, em suma. / Mas está quase nas bancas. O que Deus quiser acontecerá. / Uma palavra de gratidão para o Daniel Gouveia, meu editor, para a Isabel Mendes Ferreira, inigualável poetisa que o prefaciou, e para a minha querida sobrinha Margarida de Saldanha, a quem pedi desenhasse a capa. / Acresce, a poesia soa melhor no tempo frio. Ainda por cima Mas um congresso em Gijon, onde o livro deverá ser apresentado, apressou a edição. Quase em cima das férias balneares. 23 de xunetu, 2012 0 FacebookTwitterPinterestEmail
Conceyos Los servicios de normalización de Llaviana, Illas-Castrillón y Ozcos-Eo siguen pesllaos by asturnet 20 de xunetu, 2012 Dende va dellos años lAsociación de Trabayadores de la Normalización Llingüística vien denunciando la inestabilidá y temporalidá de los Servicios de Normalización de los conceyos dAsturies. Agora denuncien questi añu de los dieciséis SNL que deberíen tar funcionando solo tienen actividá trece y eso que dende primeros de marzo los Conceyos recibieron notificación de la Conseyería de Cultura y Deporte de que teníen aprobaes les ayudes pal mantenimientu de los SNL. A siete meses andaos del 2012 y depués de tener ingresada la sovención, pa esta organización nun sentiende qué ye lo que pasa colos SNL de Llaviana, Illas-Castrillón y Mancomunidá Ozcos-Eo. La organización denuncia la dificultá de la situación pa la normalización llingüística y del agraviu comparativu questo supón pa colos usuarios destos servicios de normalización y pal personal llaboral, y nun entienden por qué “unos conceyos tienen el so SNL abiertu tol añu, otros como Mieres, Siero o Corvera funcionen 6 meses ol casu de Llaviana, y Ozcos-Eo, y Castrillón y Illas que nin siquiera abrieron. Pa lAsociación Trabayadores de la Normalización Llingüística la única respuesta ye que cadecen de la desconsideración, dexadez y falta de compromisu de los responsables de los Conceyos. Recuerden que lúnicu procesu que ta abiertu ye na Mancomunidá Ozcos-Eo dendel mes dabril, polo que-yos abulta que yá ye hora de que se dea una resolución a esa plaza. Nesti momentu, ta abiertul periodu nes que les entidaes llocales soliciten sovención pa la normalización social del asturianu polo que, afirmen, ye tovía más irresponsable nun tener al personal técnicu preparando proyectos, col agravante de que la mayoría de los SNL nun cuenten con financiación del Conceyu. El plazu acabal 30 de xunetu, colo que-yos paez cásique imposible quesos SNL tean funcionando pa cumplir cola convocatoria de la sovención. Va pa casi diez años quabrieron los primeros servicios de normalización nos conceyos dAsturies y nesti tiempu, rematen na nota de prensa univada estos díes a lso medios dende lAsociación de Trabayadores de la Normalización Llingüística trabayamos por atopar soluciones a la inestabilidá llaboral y a la temporalidá de los SNL, presentando propuestes a la Dirección Xeneral de Política Llingüística pa camudar esta situación. La respuesta nestos años últimos foi inorales y nun apurrir soluciones a los problemes que se vienen denunciando, polo que solicitamos a la Dirección Xeneral nueva, diálogu y esfuerzu pa solucionar estos problemes. Pa los miembros desta organización ta parándose, con una falta clara de compromisu, el trabayu pola normalización y dignificación del asturianu y del gallego-asturianu, situación a la que ha pone-y fin lacción decidida de la Dirección Xeneral de Política Llingüística, esixendo a los Conceyos compromisu seriu y efectivu y planificación nel procesu de normalización. La Dirección Xeneral de Política Llingüística, reiteren tien que garantizar que los SNL puedan desenvolver el so trabayu nunes condiciones estables y dignes. El métodu pol que se financien estos servicios nun ye lafayadizu y nengún añu garantizó la continuidá de tolos SNL. Esto ye una situación demostrable, basta con echar un güeyu pa lo que vien pasando munches veces nos conceyos o mancomunidaes que tienen estos servicios. Dende el ATNLL piden a los Conceyos de Llaviana, Illas-Castrillón y a la Mancomunidá Ozcos-Eo, que convoquen les places pa los Servicios de Normalización Llingüística col oxetivu de que la normalización social del asturianu y del gallego-asturianu seya un procesu activu y estable. 20 de xunetu, 2012 0 FacebookTwitterPinterestEmail
Política Conceyu Abiertu reclama un mayor usu de símbolos asturianos en Xixón by asturnet 20 de xunetu, 2012 La formación política Conceyu Abiertu por Xixón encamientó al Conceyu de Xixón, al traviés dun comunicáu, un mayor usu de símbolos asturianos nes aiciones públiques. Dende la organización camiente que se fai un usu descomanáu de la bandera estatal nel conceyu de Xixón, y non solo por mor d’eventos deportivos. Dende Conceyu Abiertu por Xixón ven una preocupante desapaición de la bandiera asturiana nes fiestes populares y actos entamaos por esti ayuntamientu. Ye por ello que dende Conceyu Abiertu por Xixón, encamienten a la población en xeneral, les asociaciones vecinales y autoridaes a da-y un usu y protagonismu mayor, aprovechando eventos tan afayadizos pa ello como son les fiestes populares, el festival Atlánticu o la selmana grande de Xixón. Entienden esta petición como evidente, pero necesaria, yá que dende la casa conceyu nun se cumplen nin les lleis mínimes de protocolu colos símbolos asturianos nin el usu de la toponimia llariega nos actos entamaos nin siquier na propaganda de talos. 20 de xunetu, 2012 0 FacebookTwitterPinterestEmail
Convocatories Convocada una edición nueva del premiu densayu Padre Patac by asturnet 20 de xunetu, 2012 El Gobiernu dAsturies ta acabante convocar la edición 2012 del premiu Padre Patac pa trabayos lliterarios o dinvestigación que versen sobre hestoria, xenealoxía, heráldica, bibliografía o archivística asturianes, nasturianu o castellán. El premiu ta dotáu con 2.500 euros. Pueden presentase orixinales, de polo menos 150 fueyes, hastal 28 de setiembre de 2012. Bases completes del concursu 20 de xunetu, 2012 0 FacebookTwitterPinterestEmail
Plástiques Xuacu Álvarez espón les sos semeyes en Xixón by asturnet 20 de xunetu, 2012 Dientro de les actividaes del Festival Arcu Atlánticu, y entel 23 y 27 de xunetu, va poder vese la esposición fotográfica de Xuacu Álvarez Nosotros los Cantábricos, sedrá nel patiu del Centru de Cultura Vieyu Institutu. 20 de xunetu, 2012 0 FacebookTwitterPinterestEmail
Lliteratura Recital poéticu en Cangas del Narcea by asturnet 20 de xunetu, 2012 Lasociación cultural «Alejandro Casona» de Cangas del Narcea organiza esti vienres a les ocho y media la tarde un recital poéticu nel Teatru Toreno de la villa. Nel actu participarán once poetes, ente los que tarán les poetes nasturianu Marisa López Diz, y Esther García López. Nos descansos va actuar el Cuartetu de Cuerda del Conservatoriu «Julián Orbón» dAvilés. 20 de xunetu, 2012 0 FacebookTwitterPinterestEmail
Música Xixón acueye la primer edición del Festival Arcu Atlánticu by asturnet 20 de xunetu, 2012 LOcéanu como antepaís de toles costes quapaecen pel horizonte marítimu, como un mesmu puntu dalcuentru de miraes y sentimientos, petites y esperences, retos y aventures, alcuentros y rellaciones, asina definen dendel Conceyu de Xixón lespíritu del Festival Arcu Atlánticu, col que pretenden quel conceyu se torne exa dun arcu atlánticu multicolor nel que los sos axentes camuden en puertu dhumanidá, ninvitación al alcuentru y la rellación al traviés del arte, la música, la lliteratura, los xuegos, la folixa Esti yel puntu de partida del Festival Arcu Atlánticu 2012, que va celebrase en Xixón dendel sábadu 21 al domingu 29 de xunetu en distintos sitios y equipamientos de la ciudá. El Festival va axuntar un garapiellu dactividaes nes que va haber manifestaciones culturales, musicales, artístiques, artesanales, lúdiques, deportives y tradicionales del Arcu Atlánticu Européu, amás dalcuentros empresariales que van afalar el contautu ya intercambiu ente los emprendedores de les comunidaes y países atlánticos, camudando la ciudá esos díes en focu y faru atlánticu datraición turística. Esti añu 2012 Portugal va ser el país convidáu y protagonista principal. Les actividaes van tar dientro de 9 exes temátiques: la mar, la lliteratura, la danza, el teatru, les artes audiovisuales, la cultura tradicional, el comerciu, la música y la naturaleza. Y dientro deses exes, bien de propuestes: 7 esposiciones ya instalaciones, xornaes lliteraries, certame gastronómicu, xuegos tradicionales, xornaes y espectáculos de danza, conciertos, regates y exhibición dembarcaciones, talleres de construcción naval El Teatru Xovellanos, el Xardín Botánicu, el Centru de Cultura Vieyu Institutu, el Muséu Barjola, la Plaza Mayor, El Campu Valdés, LAtalaya, la Playa Poniente, el Paséu Begoña, el Puertu Deportivu ., van ser los sitios dalcuentru desti Festival que van facer posible lintercambiu y la participación de tola ciudá. Porgrama completu dactividaes 20 de xunetu, 2012 0 FacebookTwitterPinterestEmail
Hestoria Xixón organiza visites al conceyu de la mano de Xovellanos by asturnet 19 de xunetu, 2012 Los sábados y domingos dende’l 30 de xunu al 2 de setiembre de 2012, el Conceyu de Xixón organiza un Paséu con Xovellanos, una visita empuesta pelos distintos espacios de la ciudá venceyaos con Xovellanos. Nel so percorríu pueden conocese los planes y propuestes urbanístiques pa la villa de Xixón que Xovellanos fizo en 1782 y que van asitiar les bases del so posterior desenvolvimientu urbanísticu. Los paseos, alcordances y comentarios anotaos pol ilustráu en distintes etapes de la so vida sobre aquel «frondoso y risueño país», inda son reconocibles en munchos espacios y monumentos de Xixón. El preciu de la visita ye dun euru. Les inscripciones pueden facese nInfoXixón, nel Puertu Deportivu (Cai Rodríguez San Pedro, e/n – Espigón Central de Fomento) o na Escalerona (Sablera de San Llorienzo – Escalera 4), amás de llamando al teléfonu 985 34 17 71. Horarios de les visites con Xovellanos 19 de xunetu, 2012 0 FacebookTwitterPinterestEmail
Lliteratura Les biblioteques de Xixón asoleyen guíes de llectura de los territorios atlánticos by asturnet 19 de xunetu, 2012 Por cuenta de la celebración en Xixón del Festival del Arcu Atlánticu, la rede municipal de biblioteques de Xixón edita ocho guíes de llectura, que se van distribuyir impreses nel intre de dichu eventu, pero que yá tán accesibles en formatu pdf dende la web del conceyu. Una invitación a enfusase na hestoria, les tradiciones, l’arte, la lliteratura, la música, el paisaxe… de los nuesos vecinos atlánticos. Descarga les guíes de llectura de baldre 19 de xunetu, 2012 0 FacebookTwitterPinterestEmail