Sociedá El CMX organiza una nueche enllena dactividaes dociu by asturnet 19 de xunetu, 2012 El Conseyu de Mocedá de Xixón propón una nueche de branu distintu, una nueche onde la mocedá y la cultura son les protagonistes na ciudá. La música, les artes escéniques, el cine y la cultura urbana van tomar la cai y, too ello, cola lluna llena como cómpliz. El 19 de xunetu, a partir de les 22:00 hores, la Primer Nueche en Blanco Nueva del CMX va enllenar les casi de Xixón dactividaes. Programa completu d’actividaes 19 de xunetu, 2012 0 FacebookTwitterPinterestEmail
Sociedá El Pueblu dAsturies tien abierta una esposición sobre la Mázcara ibérica by asturnet 19 de xunetu, 2012 Hastal 30 de setiembre, na Casa de los Valdés, el Muséu del Pueblu dAsturies de Xixon acueye la esposición Mázcara ibérica, entamada por Progestur, asociación fundada en 2003 pa la promoción y espardimientu del patrimoniu cultural portugués, la promoción de les artes populares y la dinamización del turismu cultural tantu en territoriu portugués como foranu. Poles numberoses conexones culturales ente tolos territorios peninsulares, na organización d’esta esposición collabora la Rede Ibérica de la Mázcara, dedicada al estudiu y espardimientu de les fiestes tradicionales que traen rituales nos que participen mazcaraos. La esposición Mázcara ibérica consiste nuna selección fotográfica que presenta una amuesa de diverses fiestes de tola península nes que participen mazcaraos. Estes fiestes reciben nomes variopintos: A bugiada (Valongo, Portugal); Vos caretos da Lagoa (Mira, Portugal); antroxu, zamarrones, guirrios, sidros y guilandeiros (Asturies); jarramplas (Cáceres) Estes fiestes caltienen vives nes rexones portugueses de Lazarim, Vinhais, Sobráu y Mogadouro. Amás, son especialmente significatives nOurense, Zamora, Cáceres y Asturies, anque les mazcaraes d’iviernu conocíes como Antroxos tán esperimentando una gran puxanza en tolos territorios. Les fotografíes qu’integren la esposición Mázcara ibérica tomáronse en directu, mientres la celebración destes fiestes, lo que confier a la esposición frescura y dinamismu, dexando al visitante ser testigu de la vitalidá del fenómenu de la mázcara nuna sociedá urbana na que tovía perviven los elementos culturales más enraigonaos de la sociedá tradicional. La esposición compleméntase con una proyección en vídeu y con delles vitrines nes que s’amuesen los exemplares de mázcares más significativos. Esta esposición complementaráse con un desfile de mázcares ibériques dende Begoña hasta LAtalaya y una animación de cai nel paséu de Begoña. 19 de xunetu, 2012 0 FacebookTwitterPinterestEmail
Patrimoniu Visites guiaes al pasáu romanu dAsturies by asturnet 18 de xunetu, 2012 La Villa Romana de Veranes, en Xixón, organiza visites guaies nes quun faunu ye lanfitrión na villa. Los sábados 21 y 28 de xunetu, y 4 d’agostu va poder participase nesta actividá, de 17.30 a 18.30 h. y de 19.00 a 20.00 hores. Les inscripciones, por siete euros, pueden facese nInfoXixón, nel Puertu Deportivu (Cai Rodríguez San Pedro, e/n – Espigón Central de Fomento) o na Escalerona (Sablera de San Llorienzo – Escalera 4), amás de llamando al teléfonu 985 34 17 71. Acutar la visita en llinia 18 de xunetu, 2012 0 FacebookTwitterPinterestEmail
Convocatories Convoquen el premiu dinvestigación sobre cultura asturiana Juan Uría Ríu by asturnet 18 de xunetu, 2012 El Gobiernu dAsturies convocó yá la edición 2012 del premiu Juan Uría Ríu pa trabayos dinvestigación (de calter hestóricu, etnográficu, filolóxicu, musical…) sobre cultura asturiana, n’asturianu o castellán. El premiu ta dotáu con 2.500 euros. Pueden presentase orixinales, de polo menos 200 fueyes, hastal 28 de setiembre de 2012. Bases completes 18 de xunetu, 2012 0 FacebookTwitterPinterestEmail
Música Xera lleva los temes de Llume al Centru Niemeyer dAvilés by asturnet 18 de xunetu, 2012 El grupu Xera va tocar el sábadu 21 de xunetu nel Centru Niemeyes dAvilés col so espectáculu basáu nos temes del so dicu nuevu Llume. Esti sedrál primer espectáculu fechu n’Asturies en 5.1 en surround, una modalidá de soníu 3D qu’emplega lasitiamientu estratéxicu de dellos altavoces pa crear un efectu denvolvencia acústica real. Los soníos lletrónicos de Xera van entamar a sentise a les ocho la tarde nel auditoriu del complexu cultural avilesín. El grupu fórmenlu Vérval, Flavia, Xuan Naveiras a les gaites; Jesús Fernández Porrúa, a la percusión llétrica, coros y guitarra acústica; y con Gema Palacio Esteban, a los teclaos, theremín y voces. Les entraes pal conciertu pueden consiguise por diez euros na Recepción del Centru Niemeyer, na Recepción de La Llaboral Ciudá de la Cultura en Xixón, en www.cajastur.es, nel teléfonu 902 106 601 y nos caxeros caxAstur Tiquexpress. 18 de xunetu, 2012 0 FacebookTwitterPinterestEmail
Lliteratura LArribada presenta les actividaes lliteraries del Festival Arcu Atlánticu by asturnet 17 de xunetu, 2012 Esti martes 17 de xunetu a les 12,30 hores, na sala de recepciones de la Casa Conceyu xixonesa, van presentase les Xornaes Lliteraries que LArribada entama dientro del Festival Arcu Atlánticu. Ente otres persones, cúntase cola asistencia dHumberto Gonzali (coordinador de les xornaes), Alberto Álvarez Peña ( presidente de la Asociación Cultural LArribada), Antón Caamaño (del grupu de teatru Nun Tris), Carlos Espina ya Illán Gonzali (de Gonzali Producciones), amás de col conceyal de Cultura, Carlos Rubiera, el director de la FMCEyUP, Xosé Nel Riesgo, y el xerente del Xardín Botánicu Atlánticu de Xixón, Jesús Martínez Salvador. 17 de xunetu, 2012 0 FacebookTwitterPinterestEmail
Lliteratura Carreño convocal concursu de rellatos de la mar by asturnet 17 de xunetu, 2012 El Conceyu de Carreño, al traviés de la Conceyalía de Cultura, convoca la XXIII edición del concursu de rellatos de temática marinera, nel que va poder concursar cualesquier escritor mayor de 16 años, que presente’l so trabayu orixinal ya inéditu, nasturianu o en castellán y en prosa. La estensión de los trabayos de creación nun va devasar los venticinco folios en DIN A4 a una cara, mecanografiados a doble espaciu en lletra tipu Times New Roman tamañu 12. Los orixinales, de los quhan mandase seis copies, van unviase roblaos con nomatu, y acompañaos de plica o sobre zarráu colos datos concursante y un resume del so currículu. Daránse dos premios de 3.000 y 1.000 euros. El plazu d’almisión de los exemplares va rematar a les 14 hores del 31 d’Agostu de 2012. La unviada va facer por corréu al: Conceyu de Carreño, Cai Santolaya 1-3, 33430, Candás (Asturies), especificando nel sobre XXIII CONCURSU DE RELLATOS DE LA MAR, Conceyu de Carreño. 17 de xunetu, 2012 0 FacebookTwitterPinterestEmail
Música Dixebra ente los cien grupos más destacaos del entamu de sieglu by asturnet 17 de xunetu, 2012 Por cuenta del décimu aniversariu de la revista Rock Estatal (una de les más importantes dedicada a la escena rockera del Estáu español), nel so últimu númberu, correspondiente a esti mes de xunetu, la publicación inclúi un reportaxe especial tituláu Las 100 bandas más destacadas de la última década, fechu a partir de les opiniones de periodistes especializaos y llectores. Nél apaez un llistáu colos grupos más representativos, influyentes o importantes de los últimos diez años nel rock fechu nel Estáu; ente elles figura reseñada la formación avilesina Dixebra, que respuende a un cuestionariu pequeñu. El grupu asturianu apaez al llau dotros como Barricada, Barón Rojo, Burning, Celtas Cortos, Fito & Fitipaldis, Héroes del Silencio, Loquillo, Los Enemigos, M Clan, Marea, Pereza, Rosendo, Siniestro Total o Soziedad Alkohólica. Na selección ta presente tamién la llingua vasca (con Berri Txarrak, Betagarri, Skalariak y Su Ta Gar) y la catalana (con Albert Pla y Obrint Pas), dándose la circunstancia de que nenguna banda quutilicel gallegu o laragonés formen parte del llistáu. Pero nun ye esta la única presencia de Dixebra na revista, asina na sección de crítica de discos coméntase la so última entrega, el trabayu tituláu XXV. 1987-2012, y nel apartáu dedicáu a los conciertos reséñasel que dieron na Sala Quattro dAvilés, nel mes de marzu, pa conmemorar los sos venticinco años dactividá. 17 de xunetu, 2012 0 FacebookTwitterPinterestEmail
Música Entamal Festival Intercélticu dAvilés y Comarca by asturnet 16 de xunetu, 2012 El Festival Intercélticu d’Avilés y Comarca celébrase cada branu n’Avilés dende 1997. Ta dedicáu a les tradiciones culturales de los llamaos países celtes, con especial pesu de la música y de la danza, anque tamién recueye otres formes d’arte como la pintura, la fotografía, el teatru, la escultura, l’artesanía según deportes, gastronomía, etc. Entamáu pola Asociación Cultural Esbardu esti añu va llenar un añu más les cais de la villa del adelantáu y otros llugares de la comarca de música, baille, monólogos, talleres y otres actividaes. La idea de facer un festival d’esti tipu n’Avilés surde, según cuntaron en bastantes ocasiones los responsables de l’asociación, na primer participación de Esbardu nel reconocíu Festival Intercélticu de Lorient en 1993, onde quedaron ablucaos pola magnitú del mesmu y entamaron a preparar la idea de facer daqué asemeyao n’Asturies, y más concretamente na so ciudá. D’esta manera, nel branu de 1997 el proyectu FIA llogra una de los trés sovenciones aprobaes pol Gobiernu del Principáu d’Asturies, la de menor cuantía, amás dotra otorgada pol Conceyu d’Avilés. L’ésitu y la bona acoyida d’esta primer edición sirvió por que la organización decidir a siguir col festival, a pesar del déficit económicu. Na edición de 2006 el festival cuntó con 1.175 participantes directos, partíos en 150 actos programaos nos 11 díes que duró’l mesmu, xuntando a 800 músicos, baillarinos y actores nun mesmu defile. En 2008 foi estremáu como Fiesta d’Interés Turísticu Rexonal, lo que consolidó esti festival dientro del panorama de la música celta. Porgrama completu dactividaes 16 de xunetu, 2012 0 FacebookTwitterPinterestEmail
Música Llastres acueye la presentación del llibru “Les gaites” by asturnet 16 de xunetu, 2012 Daniel García de la Cuesta va presentar en Llastres (Colunga) el so llibru nuevu, dedicáu a ‘Les Gaites’. Un trabayu nel que, al traviés d’imáxenes y testos, fai un percorríu peles característiques d’esti instrumentu. L’actu sedrá a les seis de la tarde nel salón d’actos d’El Piqueru. 16 de xunetu, 2012 0 FacebookTwitterPinterestEmail