Escéniques Candás celebra un añu más el Salón de Teatru Costumista Asturianu by asturnet 23 d'agostu, 2012 Como cada añu, na segunda quincena del mes d’agostu, de resultes de la política cultural que’l Conceyu de Carreño empecipió na década de los 80, cola organización de Xornaes Teatrales na cai mientres los meses de branu nes que participaron diverses compañíes teatrales Asturianes, tómase la decisión en 1991 d’entamar un Salón de Teatru Costumbrista Asturianu dientro del C.C. Teatro Prendes, col enfotu de promocionar esta faceta artística que naquellos años volvía resurdir. Esti miércoles 22 entamó la edición númberu ventidós. Programa completu d’actividaes de les Xornaes 23 d'agostu, 2012 0 FacebookTwitterPinterestEmail
Música La Tarrancha adelanta un tema del so discu nuevu by asturnet 23 d'agostu, 2012 La Tarrancha llanza un nuevu single a la rede. Como yá ficierel grupu va unos años, enantes dasoleyar el so primer discu-maqueeta, La Tarrancha llanza un single al traviés de la rede como carta de presentación del so próximu discu, Mezigaysuka. Somos ye’l titulu d’esti senciellu, una tema con aires punk-folk que parte de la base d’un cachu d’una muñeira asturiana conocida pol nome de Muñeira de Bargáz. Ye un cantar a nós mesmos, los asturianos y a lluchar , un cantar cargáu de rabia, pero de sentimientu, espliquen. Al contrariu de lo que podríemos pensar, non tol discu que ta a piques de salir va nesa linia, yá que ye un discu variáu, cargáu d’influencies musicales de gran parte del planeta, comenten dendel grupu. La Tarrancha dende un principiu creo un autocuñu par definir el so estilu musical, Mecigayu Ska; una mezcolanza d’influencies sonores que partiendo del los ritmos xamaicanos del Ska y el Reggae van pasando pola música tradicional asturiana a la bretona, de soníos mas folkis a a aires llatinos, del funk al ragga con temes dende bien llimpios a otros cargaos de distorsión y aire más roqueru. Un conceutu musical ventureru, alloñáu de complexos y de convencionalismos comerciales. Somos, al igual quel so próximu discu, ta grabáu en Tutu Estudios de Corvera. Tratase d’un discu autu-producíu qual igual que tola so obra, lleva llicencia semillibre Creative Commons, un formatu llegal fuera l’entramáu de la S.G.A.E., polo que la so música pue ser compartida de forma gratuita pela rede ensin nenguna torga llegal. Tamién ye una aliciente pa los promotores de conciertos y festivales, yá que nel casu de contratalos nun tienen que pagar nengún tantu per cientu a la S.G.A.E. Sentir el tema na rede 23 d'agostu, 2012 0 FacebookTwitterPinterestEmail
Lliteratura Xosé Lluis Campal fai un homenaxe poéticu a Aurora Sánchez by asturnet 22 d'agostu, 2012 El salón dactos de la Fundación José Cardín de Villaviciosa yel llugar escoyíu pa la celebración, esti xueves 23 dagostu, a les siete la tarde, dun recital del escritor Xosé Lluis Campal, a la tamién escritora, y muyer hasta la so muerte va unes selmanes, Aurora Sánchez Fernández. Lactu sedrá a les 8 la tarde. Cartelu del actu 22 d'agostu, 2012 0 FacebookTwitterPinterestEmail
Sociedá Xixón prepara les nueches máxiques del Xardín Botánicu by asturnet 22 d'agostu, 2012 Esti branu celébrase la nona edición d’esti referente del branu xixonés, del que yá esfrutaron más de 50.000 persones notres ediciones. Una visita nocherniega al Xardín Botánicu na que los texos de la instalación, poderosos y llonxevos álcense nel tronu animando a los personaxes fantásticos del Xardín a danciar una vegada que probaron la so máxica cazumbre. So ellos acovécense les fiestes, les tradiciones, la fantasía d’unos personaxes que lleven años y años ablucando a los pasiantes nocherniegos nes nueches máxiques: los trasnos, el sumiciu, la bruxa, el cuélebre, el diañu burllón, la xana, la güestia, les serenes, les llavanderes o’l trasgu. Lactividá inclúi un percorríu por distintes paraxes del Xardín Botánicu Atlánticu, y va celebrase los díes 24, 25, 26, 30 y 31 dagostu y 1 de setiembre, con dos pasaes cada día, a les 22:30 y 23:30 hores, con un preciu de 15 euros, de baldre pa neños hasta 5 años. 22 d'agostu, 2012 0 FacebookTwitterPinterestEmail
Política Andecha convoca un actu pa celebrar el 75 aniversariu de la declaración de Soberanía del Conseyu d’Asturies y Lleón by asturnet 21 d'agostu, 2012 Esti prósimu sábadu 25 d’agostu, nel monolitu comemorativu de la Declaración de Soberanía que s’afaya nel Puertu Tarna, Andecha Astur convoca un actu d’homenaxe nel 75 aniversariu de la declaración de Soberanía del Conseyu Soberanu d’Asturies. Talamente comu vien faciendo dende hai años, Andecha Astur torna a cellebrar la declaración de Soberanía pol Conseyu d’Asturies y Lleón, gracies a la que consiguió independizase de la República Española y entamar un auténticu procesu revolucionariu que namái la fuercia de les armes del exércitu franquista y los sos alliaos alemanes pudieron torgar. Según la convocatoria d’Andecha, “nesti 75 aniversariu de la Declaración de Soberanía, y nunos intres nos que de nueu tamos viendo que l’Estáu español supón el principal problema pa la sobrovivencia del Pueblu Asturianu, y cuandu se fai más qu’evidente que siguir xuncíos al proyeutu políticu d’España namás que supón afondar nel procesu d’asimilación y xenocidiu del nuesu Pueblu, Andecha Astur fai un llamamientu al conxuntu de la sociedá asturiana non solo a participar na reivindicación d’esa fecha y esi fechu hestóricu, sinon a trabayar díi ente díi pa recuperar la nuesa soberanía y poder decidir llibre y democráticamente’l nuesu futuru, ensin más llimitaciones que les que voluntariamente querramos ponemos, llibres de xugos y d’imposiciones españolistes”. 21 d'agostu, 2012 0 FacebookTwitterPinterestEmail
Plástiques Xurde Margarida espón les “sidrografíes” en Xixón by asturnet 21 d'agostu, 2012 Del 20 al 31 d’agostu, el Centru de Cultura Vieyu Institutu acueye nel patiu dos esposiciones. La collaboración ente’l Grupu Ástur de Coleicionismu Sidreru Sidrastur y la Fiesta de la Sidra Natural de Xixón fai posible esta esposición, na que se presenten toles etiquetes de sidra utilizaes polos llagares asturianos dende l’añu 2000, fecha na qu’empieza l’etiquetáu de sidra natural n’Asturies, hasta l’añu 2011. Esíbese acompañada d’una amuesa de les Sidrografíes del fotoperiodista Xurde Margaride. 21 d'agostu, 2012 0 FacebookTwitterPinterestEmail
Mundu Últimes selmanes pa presentase al concursu de cómic Alfonso Iglesias by asturnet 20 d'agostu, 2012 El IV premiu de cómic Alfonso Iglesias acaba’l plazu pa presentar orixinales el 15 de setiembre.El concursu ta abiertu a obres escrites en llingua asturiana con una estensión mínima de 50 páxines. La obra presentada va poder entender el desenvolvimientu duna hestoria única o un conxuntu dhestories (rellacionaes o non ente sí). Les obres han presentase nun formatu non inferior al A4 y non superior al A3. Presentaránse les obres en 2 sobres zarraos onde se va escribir Premiu “Alfonso Iglesias”, de lliteratura comic, el títulu de la obra y el nomatu del autor. La Conseyería de Cultura y Turismu reserval derechu despublizar nesclusiva la primer edición de la obra premiada, entendiendo retribuyíos col premiu los derechos del autor por esa primer edición. 20 d'agostu, 2012 0 FacebookTwitterPinterestEmail
Lliteratura Convocáu un concursu de haikus basaos narreglos ikebana by asturnet 20 d'agostu, 2012 LAsociación Cultural LArribada ta acabante convocar un concursu de haikus al que cada autor pue presentar una destes creaciones por cauna de les semeyes darreglos ikebana espublizaes pola organización nel so blogue. El concursu tien abiertul plazu hastal 10 de setiembre. Los haikus han mandase per corréu lletrónicu, entregándose los premios el día 15 de setiembre na ceremonia de pieslle de la Vagamar de LArribada 2012, nel mesmu actu de la entrega de los Premios Timón desti añu, que tará acompañáu pola Coral Asturiana de Xixón. Nel concursu podrán participar toles persones que quieren y tengan dieciocho o más años. Cada concursante podrá escoyer como máximu cinco semeyes de les dolce espublizaes, y podrá concursar con un haiku por semeya y en llingua asturiana, gallego-asturianu o castellán indistintamente. Cada concursante podrá llograr como máximu trés premios. Los premios consistirán nel reglu del arreglu floral ikebana al que correspuendal haiku col que fuera ganador. Estos arreglos ikebana tarán numberaos y espuestos nel Patiu del Centru de Cultura Antiguu Institutu de Xixón dendel 11 al 15 de septiembre y podrán ser visitaos polos concursantes y por toles persones que lo deseen. Cada concursante mandrá un corréu por haiku, encabezáu col númberu de semeya a la que correspuende y firmáu con nome y apellíos o con númberu de teléfonu, a la dirección larribada@gmail.com entel 15 dagostu y el 10 de setiembre, dambos inclusive. El Xuráu tará formáu por trés persones escoyíes pola directiva de LArribada. Los premios sedrán recoyíos polos interesaos o por daquién na so representación. Si nun hubiera naide en dalgún de los casos, quedarán a criteriu de la directiva de LArribada. Semeyes de los arreglos nos que se tienen de basar los haikus 20 d'agostu, 2012 0 FacebookTwitterPinterestEmail
Lliteratura Xulio Berros, Berto García y Antón García protagonicen el branu lliterariu de Corvera by asturnet 20 d'agostu, 2012 Esta selmana y dientro del Veranu Lliterariu, actividá entamada pol Serviciu de Normalización Llingüística del Conceyu de Corvera, va cuntarse na Biblioteca de Les Vegues, colos escritores Xulio Berros, Berto García y Antón García. Tolos alcuentros van facese n’horariu de 11:30 a 12:30 hores, dirixíos a neños d’ente 4 y 10 años, l’asistencia ye llibre y de baldre. Nellos, los guah.es sienten ún de los cuentos pa neños de los autores y faen darréu con él delles actividaes al rodiu del mesmu. Xulio Berros va falar el martes 21 del so últimu llibru, Toya yá ye grande, col que lleva a Corvera nueves hestories d’esti personaxe. Berto García, escritor corverán, va presentar el miércoles 22 los versos de Florenta, la gata poeta. L´úlitimu autor de la selmana ye Antón García, quaprovechando que’l Camín de Santiagu tamién pasa per Corvera, va llevar el xueves 22 les aventures d’un pelegrín valiente. 20 d'agostu, 2012 0 FacebookTwitterPinterestEmail
Plástiques El Niemeyer acueye una esposición dHerminio by asturnet 16 d'agostu, 2012 Los domingos 12 y 26 d’Agostu a les 12:00 hores, el Centru Niemeyer ufierta visites empuestes pa públicu individual con un percorríu qu’inclúi la Plaza, l’Auditoriu, la Cúpula y l’accesu llibre a la esposición Xeometría del espaciu dHerminio. La visita empuesta tien una duración aprosimao d1 hora: 30 minutos el percorríu col guía y 30 minutos d’esposición. Les places tán llendaes a un máximu de 50 persones polo que ye necesario acutar enantes nel 902 306 600. El preciu de la visita ye de 3 euros. La esposición “Xeometría del Espaciu” dHerminio tamién puede visitase tolos díes hasta’l 2 de setiembre. 16 d'agostu, 2012 0 FacebookTwitterPinterestEmail