Gastronomía La Sidra entama la octava edición del Tour del Llagar by asturnet 16 d'agostu, 2012 La revista La Sidra entama un añu más el so Tour del Llagar, una actividá na que van visitase cuatro llagares y onde los participantes tendrán la posibilidá de prebar los toneles y tinos de sidre de la mano del llagareru, que desplicará les estremaes carauterístiques de cauna de les sidres. Trátase d’una esperiencia que los organizadores califiquen de perinteresante p’averase al conocimientu de la sidre, de la mano de los auténticos espertos: los llagareros. Por supuestu, y anque l’aspeutu formativu ye bien importante nesti eventu, tampocu nun faltará cebera pa forrar, y fadremos un par d’espiches, too ello con música’l país, y toles ganes del mundiu de pasalo bien, recuerden. Papuntase ha unviase un corréu lletrónicu a Infolasidra@gmail.com La idega del Tour del Llagar, entamada va 8 años por LA SIDRA va espardiéndose cada vuelta más y va afitándose dientru d’una dinámica de sidre-turismu qu’entá tien munchu camín per delantre. Est añu visitaráse’l Llagar de Contrueces -Xixón-, Sidra Basilio -Les Arriondes (Parres)-, Sidra Crespo -Colunga-, Llagar El Duque -Cabueñes. Xixón- y el Llagar Casa Segundo. 16 d'agostu, 2012 0 FacebookTwitterPinterestEmail
Lliteratura Trabe asoleya A la mar. I Recital de Poesía de la Mar «Peña Lladrona» 2010 by asturnet 16 d'agostu, 2012 El día 10 de xunetu, nel camping Las Gaviotas de Santa María del Mar / El Puertu (Castrillón) celebrósel I Recital de Poesía de la Mar «Peña Lladrona», entamáu pola asociación que lleval nome desta peña castrillonense. Esti llibru, asoleyáu agora por Trabe, yel resultáu de xunir testos y fotografíes marines (obra de Xuacu Álvarez Suárez), nuna amestadura bien interesante y guapa. Diez son los autores que recitaron ellí los sos versos, cuando nasturianu cuando en gallego-asturianu y siempre acompañaos pola música interpretada por Celia González y Hervé Perechón: Xosé Ramón Martín Ardines, Sabela Fernández, Humberto Gonzali, Iván Iglesias, Ignaciu Llope, Ánxel Nava, Esther Prieto y Javier Cayado Valdés. 16 d'agostu, 2012 0 FacebookTwitterPinterestEmail
Música La Llaboral acueye a finales de mes los Monkey Days by asturnet 16 d'agostu, 2012 Love of Lesbian, Lori Meyers, Supersubmarina o los londinenses Fanfarlo encabecen el cartelu de la segunda edición de Monkeydays que cunta amás cola actuación de Standstill, El Columpio Asesino, Novedades Carminha y los asturianos Los Bonsáis y To. Anguaño’l festival inclúi un mercadín y un segundu escenariu, la Sala Acapulco, onde los dj’s Eme Dj y Nasty Mondays van actuar hasta les 07:30 hores. Yá tán a la vienta los bonos diarios a 22 euros (25 en taquilla) y los primeres 500 bonos pa los dos díes al preciu especial de 29 euros. 16 d'agostu, 2012 0 FacebookTwitterPinterestEmail
Sociedá La XDLA critica la falta d’usu de la toponimia oficial en Llaviana by asturnet 15 d'agostu, 2012 L’alcalde de Llaviana, el socialista Adrián Barbón, aseguró nuna entrevista que tola documentación del conceyu usa la toponimia oficial, pero dende la Xunta pola Defensa de la Llingua Asturiana aseguren que “podemos topar dellos exemplos de qu’estes declaraciones nun casen cola realidá”. Recuerden dende la XDLA qu’Adrián Barbón, n’entrevista a Les Noticies, el 10 xunetu de 2012, contestaba asina a una de les entrugues: ¿Cómo se ta aplicando en Llaviana la toponimia oficial? En Llaviana fuimos de los primeros conceyos d’Asturies que fixo la revisión toponímica.[…] Amás, la toponimia oficial úsase en tola documentación de la Casa Conceyu […] La Xunta solliña dellos exemplos que contradicen estes afirmaciones, como ye’l casu de les bases de selección pa la plaza de responsable de normalización llingüística de Llaviana, nes señes del Conceyu que salen en toles fueyes ye “Pola de Laviana”, cuando la denominación oficial ye La Pola Llaviana/Pola de Laviana, recuerden. Na documentos pa otros trámites que puede atopase na páxina web del Conceyu, tampoco apaez un usu que s’axuste a la llegalidá vixente. 15 d'agostu, 2012 0 FacebookTwitterPinterestEmail
Vidios Dos sovenciones paudivisuales nasturianu by asturnet 13 d'agostu, 2012 El BOPA asoleyól resultáu de les sovecniones a obres audiovisuales nasturianu. Ende sur, de la productora De la piedra producciones y documental sobre la hestoria del selmanariu Les Noticies fechu por Ámbitu Ediciones llévaronse la partida presupuestaria de dalgo más de 12.000 euros. Información completa nel BOPA 13 d'agostu, 2012 0 FacebookTwitterPinterestEmail
Lliteratura Trabe convocal Premiu Montesín de Lliteratura Xuvenil by asturnet 13 d'agostu, 2012 Ediciones Trabe ta acabante convocar el Premiu «Montesín» de Lliteratura Xuvenil 2012, nel puen participar toles persones interesaes, soles o en grupu, ensin llende dedá, con obres de lliteratura xuvenil en llingua asturiana, yá seyan noveles, recopilaciones de cuentos, poemes o obres de teatru. Los trabayos presentaos nun tendrán menos de trenta páxines DIN A-4 o foliu mecanografiaes a doble espaciu per una sola llana (1.800 caracteres). Han ser inéditos y han tar ensin premiu notros concursos como conxuntu, quier dicise, puen presentase obres de les quapaecieren fragmentos espublizaos. El premiu tien una dotación de 1.500 euros en conceptu de drechos dautor y la so publicación dientro de la colección Pesllera de la editorial convocante. El xuráu pue partilu, conceder accésit, recomendar la publicación dotres obres o dexalu desiertu según aconseye la calidá de los trabayos presentaos. Les obres han mandase, per corréu postal o en mano, en cuatro copies a Ediciones Trabe, S. L., U. Cai Foncalada, 10 2u A, 33002 dUviéu, enantes de les 24 hores del día 31 dagostu de 2012, faciendo constar la siguiente lleenda: Premiu «MONTESÍN» de Lliteratura Xuvenil 2012. Puen presentase de dos xeitos: firmando col nome, dirección y teléfonu o baxo plica, quier dicise, figurando dientro dun sobre zarráu los datos del autor y fueral títulu de la obra presentada y lalcuñu col que se presenta, dhabelu. El xuráu tará formáu por persones relacionaes col ámbitu de la lliteratura xuvenil asturiana. Como secretariu o secretaria, con voz pero ensin votu, actuará un representante dEdiciones Trabe. Al fallu del xuráu nun se pue retrucar. Faráse públicu enantes del día 20 dochobre de 2012. El xuráu queda autorizáu a abrir la plica de les obres premiaes y de les que recomiende pa publicar. Pal casu de les obres que nun reciban premiu económicu, Ediciones Trabe tien que se poner dalcuerdu col autor o autores enantes dentamar la so edición. Los trabayos que nun se premien volveránse a los autores, en pidiéndolos estos, nos tres meses siguientes a que se dea conocencia del fallu. Desque pase esti plazu ensin que naide los reclame pasarán a formar parte del archivu editorial. 13 d'agostu, 2012 0 FacebookTwitterPinterestEmail
Galerías 2008/2014 L’animación na carpa d’Asturies by asturnet 13 d'agostu, 2012 13 d'agostu, 2012 0 FacebookTwitterPinterestEmail
Mundu Sigue’l branu más lliterariu cola visita d’escritores a Corvera by asturnet 12 d'agostu, 2012 Dempués de contar na primer selmana de “Veranu lliterariu. Alcuentros con escritores en Corvera” cola presencia de trés veteranos na lliteratura infantil n’asturianu (Sidoro Villa, Chechu García y María Luz Pontón), nesta segunda selmana van participar Inaciu Galán y Jorge Fernández, que vienen d’espublizar con Asturtoons les sos primeres referencies dirixíes al públicu más pequeñu. Inaciu Galán va intervenir mañana martes 14 d’agostu na Biblioteca de Les Vegues falando de Nel, el coríu que nun sabía nalar, mentanto que Jorge Fernández va tar el xueves 16 d’agostu nel Centru Sociocultural de Les Vegues, onde va falar d’El lladrón de galletes, cuentu qu’escribió en xunto con Amparo Elena Sarrión. Entrambes dos visites van facese ente les 11:30 y les 12:30 hores, y son d’asistencia llibre y gratuita. 12 d'agostu, 2012 0 FacebookTwitterPinterestEmail
Escéniques Carlos Alba recuperal so taller de monólogu en Candás by asturnet 10 d'agostu, 2012 Esti añu recupérsel taller de monólogu cómicu asturianu, dempués del parón de 2011. Va ser na Casa Cultura de Candás, la selmana del 20 al 24 dagostu, de 18 a 21 hores. El preciu 24 euros. Pa más información sobre´l programa, conteníos, etc, puede llamase al 699459850. 10 d'agostu, 2012 0 FacebookTwitterPinterestEmail
Música Yá se conoz el resultáu de les sovenciones a la música nasturianu by asturnet 10 d'agostu, 2012 Yá puede consultase nel BOPA la resolución de les ayudes convocaes por Cultura pa la edición de música nasturianu y eonaviegu. Consulta la resolución nel BOPA 10 d'agostu, 2012 0 FacebookTwitterPinterestEmail