Educación LAcademia pide una enmieda a la Llei de Wert pa evitar la esclusión del asturianu del sistema educativu by asturnet 18 d'avientu, 2012 Una rueda de prensa de la presidenta de lAcademia de la Llingua Asturiana (ALLA), Ana Cano, y lencargáu de la estaya denseñu na mesma, Xosé Antón González Riaño, sirvió pafitar la postura de la institución no que cinca a la nueva llei deducación que preparal ministru José Ignacio Wert. Según denuncien dende lALLA, tal y como ta redactada, lasignatura dasturianu quedaría nuna situación de total marxinación y en compentencia con llingües estranxares tamién en primaria, fechu que yá asocede agora en secundaria, pesie a dir “en contra de la Llei de Promoción y Usu”, como esplicó Riaño. Cano esplicó como nos dos bloques que se recueyen nel proyectu de llei, el dasignatures troncales y el de específiques, caún dellos tendrá un 50% del horariu, pero en nengún d’ellos se contempla lenseñanu de llingua asturiana. El problema ye que lasturianu quedaría “a la voluntá de l’Alministración, y ensin nengún rangu de llei”, lo que supón un peligrosu pasu atrás pal futuru duna asignatura que tien yá problemes a embute na so situación. LALLA pide al Gobiernu dAsturies y a tolos grupos políticos de la Xunta Xeneral una defensa de los drechos llingüísticos de los asturianos”, daqué a lo que según esplicó Ana Cano yá se comprometió la conseyera d’Educación, Ana González pa próximes xuntes nel Ministeriu d’Educación. Ana Cano va pidió yá un conceyu cola responsable del PP dAsturies, Mercerdes Fernández, pa buscar la mediación desta éntel gobiernu del so mesmu color, yá que según la presidenta de lALLA, los populares asturianos “son sensibles a esti asuntu. 18 d'avientu, 2012 0 FacebookTwitterPinterestEmail
Sociedá Los Reis Magos organicen un concursu de cartes en Corvera by asturnet 18 d'avientu, 2012 Talo que se vien faciendo dende va años, el Conceyu de Corvera, al traviés de la Casa de la Llingua-Serviciu de Normalización Llingüística, entama de nuevo y con motivu de la Navidá, el Concursu Carta a los Reis Magos nAsturianu; una actividá cofinanciada ente lAyuntamientu de Corvera y la Conseyería dEducación, Cultura y Deporte dAsturies. El concursu consiste en facer la carta a los Reis Magos nasturianu; dicha carta ta distribuyéndose yá nes escueles del conceyu y la selección de les cartes ganadores va facese per nivel educativu (primer ciclu de primaria, segundu ciclu de primaria y tercer ciclu de primaria). La carta tien quentregase nel Centru Sociocultural de Les Vegues, entel 21 y el 28 desti mes. A los neños ganadores va entregáse-yos el premiu a la meyor carta escrita nasturianu el día 5 de xineru, nacabando la cabalgata, consistiendol premiu nun lote de llibros nasturianu. Van ser los mesmos Reis Magos los que faigan entrega del premiu a los trés neños que resulten escoyíos poles sos cartes. 18 d'avientu, 2012 0 FacebookTwitterPinterestEmail
Música Vinagre de sidra trata de facese un güecu nel festival Viña Rock by asturnet 17 d'avientu, 2012 El grupu asturianu Vinagre de sidra quier tocar nel viniente festival Viña Rock, que se celebra nAlbacete y suma yá diecisiete ediciones. Esti añu los organizadores entamen un concursu na rede pa escoyer a dellos grupos de forma popular. Los grupos que consigan 200 votos nesta primer fase van pasar a la final y podrán optar a tar en Viña Rock 2013. Vota pol grupu Vinagre de sidra equí 17 d'avientu, 2012 0 FacebookTwitterPinterestEmail
Galerías 2008/2014 Academia de la Llingua Asturiana by asturnet 17 d'avientu, 2012 17 d'avientu, 2012 0 FacebookTwitterPinterestEmail
Sociedá Iniciativa pol Asturianu anima a particulares y entidaes a felicitar les fiestes n’asturianu by asturnet 17 d'avientu, 2012 Embaxo’l lema “Nestes fiestes, sé orixinal; ¡Felicita n’asturianu!”, Iniciativa pol Asturianu entama una campaña en redes sociales pa qu’empreses, asociaciones y particulaes feliciten les fiestes usando l’asturinau. Na campaña la organización úfrese “si nun fales asturianu o tienes duldes sobre cómo facelo dende Iniciativa pol Asturianu ayudámoste a facelo”, animando a usar la nuesa llingua pa que “más xente conoza l’asturianu”. La campaña ta espardiéndose en Facebook y Twitter con un ésitu importante. Estes son dalgunes de les fórmules qu’ufren na so páxina web pa felicitar les fiestes a collacios, familia o veceros: ¡Felices Fiestes! ¡Feliz Navidá! o ¡Bon Nadal! ¡Bon Añu 2013! Deseámoste unes prestoses fiestes navidiegues y un bayurosu añu 2012. Nesti Añu Nuevu 2013 queremos deseavos lo meyor. 17 d'avientu, 2012 0 FacebookTwitterPinterestEmail
Sociedá La crisis y los recortes faen echar el pieslle d’Ámbitu y la edición dixital de Les Noticies by asturnet 17 d'avientu, 2012 Publicaciones Ámbitu ta acabante anunciar la fin de la so actividá editorial dempués de más de 16 años. La empresa editora de Lesnoticies.com y hasta non va muncho de la edición en papel desi mesmu periódicu, prescinde de tola plantilla por razones económiques. Según espliquen la crisis que vive’l nuestru país fai inviable la pervivencia d’esti mediu dixital, que se convirtió nun referente de la comunicación n’asturianu. Una nota de prensa y una carta del so fundador, Inaciu Iglesias, pon fin a lactividá desta editorial y esti mediu de comunicación. Ente les razones del pieslle espliquen la mengua tremenda de los ingresos por vía publicitaria y de les ayudes públiques al usu del asturianu. Una mengua denunciada estos meses atrás por organizaciones como la Xunta pola Defensa de la Llingua Asturiana o Iniciativa pol Asturianu y que tán llevando per delantre esperiencies con bien daños al llombu. Publicaciones Ámbitu agradez tamién na nota a los sos llectores, anunciantes, collaboradores y trabayadores de toos estos años el papel que xugaron pa que tanto Les Noticies como LESNOTICIES.COM vieren la lluz y cumplieren cola so periodicidá. Nesti sen, la empresa diz: «Gracies a una inciaciativa privada y al apoyu de les instituciones y de la sociedá asturiana, fuimos quién toos en xunto a dotar a Asturies d’un mediu de comunicación n’asturianu. Con esta experiencia colectiva arriquecimos el nuestru pasáu recién y dexemos el camín abiertu pa que, nel futuru, otros profesionales puedan facer y sigan faciendo comunicación profesional n’asturianu». Publicaciones Ámbitu anunció amás que va editar en feches próximes dellos llibros que tan dientro de la so planificación y, tres d’ello, va acabar tamién cola so actividá editorial y discográfica, anque los sos fondos editoriales y discográficos van siguir comercializándose en llibreríes y tiendes de discos. (03/02/2012) Les Noticies diz adiós a los quioscos esti vienres 17 d'avientu, 2012 0 FacebookTwitterPinterestEmail
Conceyos Iniciativa pol Asturianu denuncia que Xixón nun corrixe la marcha atrás na toponimia de los autobuses by asturnet 14 d'avientu, 2012 LAlcaldía del Conceyu de Xixón, púnxose en contactu al traviés de carta (de 25/10/2012) pa responder a la reclamación presentada por Iniciativa pol Asturianu éntel rexistru del Conceyu dempués de que los autobuses de Xixón, de la compañía pública EMTUSA, dexaren dusar en paraes y nos indicativos de los vehículos la toponimia oficial nel conceyu dende lañu 2006, con casos como Les Mestes, que volvió al derogáu topónimu Las Mestas o El Cerilleru, que pasó a ser Cerillero. Na carta comunicóse a Iniciativa pol Asturianu que va procedese a revisar les posibles variaciones que puedan detectase yá que según lalministración xixonesa la política de toponimia dEMTUSA nun sufrió nengún cambiu, polo que paez quel cambiu nun foi autorizáu dende Alcaldía, sinón que respuende al criteriu de la dirección dEMTUSA. Sicasí, esti cambiu entá nun se produzo. Dende Iniciativa pol Asturianu espliquen qu’esperaron “un tiempu prudencial pa comprobar que se facíen los cambios”, pero dempués de cuasi dos meses, los autobuses de la ciudá siguen ensin cumplir la llegalidá toponímica. Iniciativa pol Asturianu aguarda quel cambiu se produza dinmediato nos autobuses y paraes dEMTUSA, pues lusu de la toponimia oficial nun ye opcional pa les alministraciones públiques, que tienen la obligación de respetar el decretu topónimicu de Xixón, aprobáu col consensu de toles fuercies polítiques del Conceyu de Xixón en 2006. Amás, Iniciativa pol Asturianu recordó, al traviés de nota de prensa, al restu de departamentos del Conceyu de Xixón quentá nun cumplen col usu de la toponimia oficial, que “siguirá denunciando los casos dincumplimientu, al mesmu tiempu que la organización se pon a disposición de los sos responsables pasesoralos nestes cuestiones”. Amás la organización recuerda a los conceyales de tolos departamentos “quusar lasturianu na publicidá dactividaes, cartelería dinstalaciones, anuncios en prensa, xunto al castellán si se quier, nun supón nengún gastu estra, yá quel Conceyu de Xixón cunta con una Oficina de Normalización Llingüística na so estructura, polo que nun usalu ye namás frutu duna intencionalidá y nunca pue echase la culpa a la falta de recursos”. Ye por ello quIniciativa pol Asturianu afaló al Conceyu de Xixón a usar lasturianu “en toles actividaes, de forma tresversal, lo que supondría una importante promoción pa la llingua de los xixoneses y los asturianos, que tantes carencies sufre na so visibilización pública”. 14 d'avientu, 2012 0 FacebookTwitterPinterestEmail
Fiestes La Escuela de Música de Cuaña celebral Festival de Navidá by asturnet 14 d'avientu, 2012 La Escuela de Música y Danza Tradicional del Conceyu de Cuaña, da la bienllegada a la Navidá al traviés de la música esti sábadu 15 davientu na Casa Cultura dOrtiguera. Y pa ello, anguaño, va cuntar con unos invitaos d’esceición, el grupu de música folk Tuenda. El perconocíu grupu ta formáu por Elías García, Pepín de Muñalén y Xosé Antón Fernández Ambás. Esta actividá, enmarcada dientro del ciclu comarcal de conciertos Conceyo de cantares nel Parque Histórico del Navia, ta sovencionada pola Conseyería d’Educación, Cultura y Deporte y llevada a cabu en collaboración cola Fundación Parque Histórico del Navia. Amás los alumnos de la Escuela, nes especialidaes de gaita asturiana, acurdión diatónicu, percusión tradicional asturiana, pianu, guitarra y gaita gallega van ufiertar un ampliu repertoriu tantu de música clásica como tradicional. Van tar acompañaos, nes sos actuaciones respectives, pol profesoráu qu’imparte les distintes asignatures. La entrada ye llibre y de baldre. Amás, mientres el Festival va rifase una cesta navidiega. 14 d'avientu, 2012 0 FacebookTwitterPinterestEmail
Sociedá Carlos Suari presenta lAtles de los Bolos Asturianos en Villaviciosa by asturnet 14 d'avientu, 2012 Suburbia Ediciones, quasoleya esta obra, presenta lAtles de los Bolos Asturianos de Carlos Suari esti sábadu 15 davientu a les 12 la mañana nel Atenéu Obreru de Villaviciosa. Nel actu van participar, amás del autor, y la editora, Silvia Cosío, el Presidente de la Federación Asturiana de Bolos, José Desiderio Díaz López. Dempués del actu fadráse una amuesa de bolos na bolera del Atenéu. LAtles de los Bolos Asturianos (ABA) ye un proyectu de Carlos Suari, llicenciáu en Ciencies de lActividá Física y del Deporte con estudios nAntropoloxía Social y Cultural, y consideráu etnógrafu especializáu nel patrimoniu lúdico-motor y la so aplicación a la enseñanza. Nél, lautor afonda nos raigaños culturales de los xuegos de bolos nAsturies, aprovechando pa facer un rastrexu del repertoriu, replantiando variables y clasificaciones de dalgunes investigaciones previes. 14 d'avientu, 2012 0 FacebookTwitterPinterestEmail
Sociedá La XDLA entrega esti sábadu los XXVIII Premios Andrés Solar en Xixón by asturnet 14 d'avientu, 2012 La entrega de los Premios Andrés Solar va facese esti sábadu 15 davientu a les 19:30 hores, nel Salón dActos del Vieyu Institutu de Xixón. Lactu va contar cola actuación musical de Dani Stylo que va facer reellaboraciones de temes hestóricos de Dixebra, grupu gallardonáu xunto a la Editorial Trabe col Pegollu. La Llei Wert y los recortes en materia de política llingüística llévense nesta ocasión el Madreñazu. Los Premios Andrés Solar algamen nesti 2012 la so XXVIII edición. Como nos sos 28 años de vida, los premios tienen una vertiente doble: per un llau, la Xunta pola Defensa de la Llingua Asturiana, entidá convocante, premia a una entidá o persona que rescamplara pol so llabor en defensa o promoción del asturianu. Esti reconocimientu materialízase nEl Pegollu, que nesta ocasión quier reconocer el llabor incansable d’una formación musical, Dixebra, y una editorial, Trabe, que cumplen 25 y 20 años, respectivamente, como proyectos fundamentales pa entender el desenrrollu cultural, social y económicu de la llingua asturiana nes últimes décades, amás de pol so apueste decidíu pola música y lliteratura a lo llargo de bien d’años, demostrando que lasturianu ye una ferramienta útil y necesaria nel rellatu de la contemporaneidá d’Asturies, espliquen dende la Xunta. Los Premios Andrés Solar tienen tamién una versión negativa, que reconoz a persones o entidaes que rescamplaren pol so llabor negativu pa cola llingua asturiana. Esti duldosu honor represéntase con un Madreñazu, que na edición de 2012 va pa los recortes en materia llingüística y pa la Llei Wert. Y ye, espliquen dende la XDLLA, nos últimos años, con diferentes gobiernos y cola pasividá de los grupos parllamentarios, tamos asistiendo a la aplicación dun programa sistemáticu de desmantelamientu del texíu cultural y mediáticu nasturianu. No que cinca a la llamada Llei Wert, recuerden quintroduz brutales modificaciones que puen suponer un peligru de desaniciu de la enseñanza de la llingua, que yá ta nuna situación de marxinación llaceriosa. 14 d'avientu, 2012 0 FacebookTwitterPinterestEmail