Música Marisa Valle Roso llega a Morea con De lo fondero lalma by asturnet 13 d'avientu, 2012 Esti xueves 13 a a les 20.30 hores nel Teatru Cine Carmen de Morea (Ayer), Marisa Valle Roso va siguir cola so xira De lo fondero lalma. La entrada ye de seis euros. Leventu organízalu A Mansalva Producciones y encuádrase dientro de la xira promocional de presentación del primer discu en solitariu de la cantadora de tonada. 13 d'avientu, 2012 0 FacebookTwitterPinterestEmail
Sociedá Aurora García Rivas y Belén Rico Prieto reciben el premiu Terra Viva 2012 by asturnet 13 d'avientu, 2012 LAsociación San Tirso del Eo entregó a Aurora García Rivas y Belén Rico Prieto, el premiu Terra Viva 2012 pol so llabor na difusión del gallego-asturianu. Dambes dos son escritores nesta llingua ñacíes en San Tiso dAbres y pa esta entidá, dambes contribuyeron a recuperación e preservación da cultura da Comarca Eo-Navia a través do uso da lengua materna e a recreación dos xeitos de vida do medio rural. Califiquen a estes dos autores como un referente da muller rural e un estimulo pra os novos creadores en galego-asturiano. 13 d'avientu, 2012 0 FacebookTwitterPinterestEmail
Sociedá La revista NAst. Cartafueyos dEnsayu presenta númberu nuevu en Xixón by asturnet 13 d'avientu, 2012 Esti vienres, 14 davientu, va presentase públicamentel númberu 8 de la revista NAst. Cartafueyos dEnsayu. Lactu de presentación, abiertu al públicu, va tener llugar en Xixón, nel Llar Social LAyalga (cai Decanu Prendes Pando, 11, baxu), a les 20’00 hores, y nel mesmu participarán tanto miembros de lAsociación Cultural NAst, coleutivu quasoleya la revista, como dellos de los autores quandechen cola mesma. Nesta octava entrega de los cartafueyos densayu, pa la que se cuntó col sofitu de la Conseyería dEducación, Cultura y Deporte, recuéyense los trabayos Nacionalidá y marxismu. Estratexa y táutica de los pueblos nel so camín haza la lliberación nacional y de clas (Fonsu Fernández Román); Gausón Fernande: el paxellu ye símbolu intemporal dasturianía(entrevista fecha por José Luis Campal Fernández); Hestoria duna espublización nacionaliega: El Fielatu (Daniel Cueli Canto); Pregón de la XIII Fiesta de la Oficialidá de la Llingua Asturiana. Bimenes – 2009 (Roberto González-Quevedo González). Pieslla los conteníos desti númberu lensayu Un proyeutu unitariu pal nacionalismu asturianu (Marcos Abel Fernández Marqués), recuperáu de la revista El Fielatu onde s’asoleyó va venti años. La revista ta dirixida por Daniel Cueli Canto. 13 d'avientu, 2012 0 FacebookTwitterPinterestEmail
Mundu Iniciativa pol Asturianu refuga la eliminación de sovenciones y pide una llei detiquetaxe by asturnet 13 d'avientu, 2012 Iniciativa pol Asturianu refugó dafechu los planes de la conseyera d’Educación y Cultura, Ana González, que dicen “van suponer un ataque al texíu asociativu y empresarial que s’espresa en llingua asturiana”. Cuéntase con desaniciar les llinies de sovenciones en concurrencia competitiva p’asociaciones, empreses y p’actividaes cinematográfiques, “dalgo que se fizo d’espaldes a tol coleutivu asturfalante y ensin posibilidá nenguna de negociación”, denuncien. Pa Iniciativa “la convocatoria taba bien lloñe de ser ideal y anque dende Iniciativa pol Asturianu sacepta que yeren necesarios cambeos nun ye desta manera como han facese”. Pa la organización “ha de tenese en cuenta a los afectaos y escuchase toles voces, non acabar coles ayudes de forma unillateral y ensin alternatives”. D’esta miente, epsliquen “va tocase la llinia de flotación de munches empreses del sector cultural n’asturianu, como les editoriales, que yá taben pasando la so propia crisis y van ver amenorgaes les sos posibilidaes de visibilización de la so producción”. Sicasí, consideren positiva “la medría del presupuestu n’otres partíes, principalmente l’apoyu a la música n’asturianu qu’ensin dulda sofitará la medría y promoción d’esta estaya de la cultura asturiana”. Per otru llau, talanten que ye indispensable iguar la problemática del etiquetaxe n’asturianu, al qu’afecten estos recortes yá que les empreses qu’etiquetaben de forma billingüe dexen de recibir sovenciones pa sufragar el coste qu’ello suponía. Pa Iniciativa pol Asturiana ye necesaria “una protección llegal, en forma de Llei d’etiquetaxe asemeyada a la que tienen otros territorios, pa que les empreses que lo deseen puedan etiquetar esclusivamente n’asturianu y asina reconocer los derechos llingüísticos de les y los falantes del nuestru idioma, asina como apoyar letiquetaxe billingüe y lusu del asturianu nel sector priváu con midíes que pueden salir a costu cero y dar importantes frutos na normalización del idioma”. 13 d'avientu, 2012 0 FacebookTwitterPinterestEmail
Turismu Turismu da-y puxu a la proyección d’Asturies nes redes sociales by asturnet 12 d'avientu, 2012 La Conseyería d’Economía y Empléu, al traviés de la Sociedá Rexonal de Turismu (SRT), robló un alcuerdu cola agrupación Travel Inspirers, en virtú del que tolos sos miembros van viaxar a Asturies demientres los próximos meses pa potenciar la proyección d’Asturies nes redes sociales. L’acción entama esta selmana cola visita de José Ramón Álvaro, fotógrafu y periodista del blogue Viajes, rock y fotos, y va siguir el próximu día 19 cola visita de Jordi Busque, fotoperiodista especializáu en viaxes que va retratar la naturaleza asturiana. L’asociación Travel Inspirers ta formada por 12 bloggers profesionales del periodismu, la fotografía, el vídeu y el marketing en llinia, con acreditada esperiencia na ellaboración de cróniques de viaxes, espardimientu de destinos y escoyeta de conseyos útiles a la de viaxar. Los sos blogues son un claru reflexu de la profesionalidá na información de marques y destinos y na creación de productos rellacionaos col sector de viaxes. Xúntalos la pasión por viaxar y rellatar la esperiencia vivida coles mires de tresmitir el gustu por conocer nuevos destinos y abrir nuevos horizontes. Mientres esti últimu trimestre, Asturies ta presente tamién en Tripadvisor, onde ta activa una microsite de destín con información sobre Asturies en castellán, inglés, francés y alemán, amás duna campaña segmentada de banners que pretende captar turistes ineresaos en viaxar a la zona. TripAdvisor ta presente en 30 estaos y ye, con más de 60 millones de visitantes únicos al mes, el sitiu de viaxes más grande del mundu. 12 d'avientu, 2012 0 FacebookTwitterPinterestEmail
Política El Presupuestu de 2013 acabará con gran parte de les ayudes a la normalización del asturianu by asturnet 12 d'avientu, 2012 El proyectu de presupuestu que pautaron FSA-PSOE, Izquierda Xunida y UPyD pal añu 2013 va dedicar 1.706.735 euros a la promoción del asturianu, lo que supón una baxa, una cifra que supón una baxa del 14%. La Conseyera Ana González anunció que van eliminase les ayudes p’asociaciones, empreses y p’actividaes cinematográfiques quusen lasturianu, anque dixo que les de medios de comunicación y música van medrar. Esto supón que los pocos pasos daos na normalización del asturianu nel ámbitu de la empresa y lasociacionismu podríen vese desaniciaos en pocu tiempu. El grupu parllamentariu de Foru Asturies respondió a esta baxada cola intervención del diputáu Manuel Peña na Xunta Xeneral del Principáu nel turnu dafitamientu de posiciones na comparecencia de la Conseyera dEducación, Cultura y Deporte, Ana González: Tocantes a la promoción y normalización social de la Llingua asturiana, lamenorgamientu del 36,27 por ciento en comparanza colos actuales presupuestos prorrogaos ye un duru golpetazu pa la promoción del asturianu. El so problema cola llingua asturiana ye que nun saben qué facer con ella. Nun tienen una idea clara sobre ónde quieren vela asitiada nos próximos años. Ye más; nin siquiera fueron a pensar nello. Y, agora, esta falta de previsión ta enseñándose dramática. La so política, nestos años anteriores, foi siempre la del mal menor. Siempre-yos repunó esta cuestión. Siempre-y tuvieron munchu mieu al asturianu. Mieu a la normalización. Mieu al espardimientu. Mieu a la promoción. Mieu a les implicaciones alministratives de sentar cualquier precedente. Mieu al costu económicu futuru. Mieu a les implicaciones polítiques. Mieu al agraviu comparativu. Mieu, a última hora, a que tou esta tema se-yos escapare de les manes y quedare fuera de control; fuera del so control. Y por eso nunca s’atrevieron a tratar con grandor, con ambición, el futuru d’esti patrimoniu que nos pertenez a tolos asturianos. Nos sos munchos años de gobiernu ustedes nunca fixeron nada por presentar una llei que desenvolviera l’artículu 4 del nuesu estatutu. Tuvieron que ser otros los que tomaren la iniciativa. Y por eso, una vuelta aprobada lactual llei dusu y promoción, ustedes siempre la aplicaron de forma descaradamente restrictiva. La so política llingüística siempre descansó neso: en nun tener una idea clara y en facer ver que cumplíen col mandatu estatutariu que-yos obligaba a promover el bable. Y poco más. Y, eso sí, en conceder subvenciones. Eses fueron siempre les sos prioridaes: pa los sos faraónicos proyectos culturales había perres abondo. Pal Niemeyer, pa la Llaboral y pa la montonera de nuevos equipamientos culturales quustedes inventaron había recursos a embute. Recursos que bien sabemos ónde acabaron. Pero pal nuestrupatrimoniu non. Pal nuestru patrimoniu había bien poco. Nin pal prerrománicu, nin pal asturianu. Pa eso quedaben namás los restos. Pero el problema ye quagora ya nun queda nin siquiera eso. Agora ustedes ya nun sesmolecen en disimular siquiera. Y, por eso, agora nesti proyectu de presupuestos- los recortes brutales que tan ustedes aplicando a la promoción del asturianu enseñen a les clares el bien poco interés que siempre tuvieron con esti asuntu. 12 d'avientu, 2012 0 FacebookTwitterPinterestEmail
Lliteratura Javier Antonio Marinas algamal Premiu Alfonso Iglesias de cómic n’asturianu by asturnet 12 d'avientu, 2012 El diseñador y dibuxante Javier Antonio Marines García ye’l ganador de la cuarta edición del Premiu Alfonso Iglesias de cómic en llingua asturiana, que concedel Gobiernu dAsturies y que na pasada edición foi pa Isaac del Rivero Sr. El testu premiáu esti añu titúlase ‘Homes’, y presentóse embaxol nomatu d’El Rapiegu’. El xuráu tuvo compuestu polos especialistes en cómic Isaac del Rivero, Ruma Barbero y José Antonio García Fernández, y presidíu pola directora xeneral de Política Llingüística, Ana María Fueyo. Javier Antonio Marinas ye un autor de reconocíu prestixu. Ganó premios d’ilustración y cartelismu, ente ellos el Premiu Urriellu d’Ilustración nes sos ediciones de 1991 y 1992, o’l Primer Premiu d’Ilustración dámbitu estatal concedíu pola Universidá Popular de Castuera (Badayoz) en 1995. 12 d'avientu, 2012 0 FacebookTwitterPinterestEmail
Lliteratura Lescritor lleonés Fran Allegre asoleya Sentir, y nun sentir sentire by asturnet 12 d'avientu, 2012 Conocíu más pola música, como artesanu ya intérprete, Fran Allegre asoleya agora una obra de teatru na variedá lleonesa del asturianu. El llibru, autoeditáu, titúlase Sentir, y nun sentir sentire y ye la so segunda obra, dempués del poemariu Poemas pa nun ser lleidos, que sacó Ediciones Filandón en 2008. Un vocabulariu cola torna al castellán de dellos términos acompanga al llibru. Tán previstes presentaciones en Villarejo de Órbigo, Veguellina de Órbigo, Lleón y Estorga. 12 d'avientu, 2012 0 FacebookTwitterPinterestEmail
Cine Les Vegues acueye la proyección del documental Os reises, mazcaraes diviernu nAsturies by asturnet 12 d'avientu, 2012 Os Reises. Una tradición viva, yel títulu del documental que va proyectase mañana xueves, a les 20 hores, na Sala dArte del Centru Sociocultural de Les Vegues, en Corvera. Fechu pola Asociación Cultural Tíu Vitán de Tormaleo (Ibias), el documental recueye testimoniu gráficu duna de les poques mazcaraes diviernu que se caltienen nAsturies, en xunto con Os Reises dEl Valledor, aguilandu de Xedré, Sidros de Valdesoto, ente más otres. Nel documental analízase y esplícase la recuperación desta tradición pola xente mozo de la montaña del conceyu dIbias; amás de recoyer imáxenes del desarrollu de la mazcarada na primer fin de selmana de xineru, vemos cómo esti actu fai parte tamién de les señes didentidá asturianes venceyaes cola cultura popular. La entrada pa ver esti documental, quhastal momentu nun se proyectara en Corvera, ye abierta y gratuita. 12 d'avientu, 2012 0 FacebookTwitterPinterestEmail
Sociedá Alderique sobre la xestión cultural nEspaña y Europa nel Niemeyer by asturnet 12 d'avientu, 2012 Esti xueves 13 davientu a les ocho la tarde va celebrase un alderique na cúpula del Centru Niemeyer dAvilés, tituláu “La xestión de la cultura n’Europa vs la xestión de la cultura n’España”. Al actu pue asistise con entrada llibre quha retirase na recepción del Centru hasta completar aforu. La idea ye dar la visión y esperiencia de xestores españoles al mandu d’instituciones culturales internacionales. La moderación de la mesa va tar al cargu de Jesús Ruiz Mantiella, periodista y escritor, participando na mesma, Marta Gili, Directora de Jeu de Paume, París; Marifé Boix-García, Vicepresidenta de la Feria del Llibru de Frankfurt; Lisardo Lombardía, Director del Festival Intercélticu de Lorient y Cristina Fuentes La Roche, Directora Hay Festival, Reinu Xuníu/América Llatina. 12 d'avientu, 2012 0 FacebookTwitterPinterestEmail