Lliteratura Trabe presenta poemariu dEsperanza Medina nUviéu by asturnet 21 de febreru, 2013 Esti xueves día 21 de febreru na Consistorial (Plazal Sol, 2) dUviéu, a les 20:00 hores, celebraráse un diálogu poéticu con Esperanza Medina, presentandol so poemariu No recuerdo un invierno tan frío como éste, asoleyáu pola editorial Trabe. 21 de febreru, 2013 0 FacebookTwitterPinterestEmail
Cine Los Conseyos de Mocedá dAsturies y Uviéu organicen un ciclu de cine by asturnet 21 de febreru, 2013 Los Conseyos de Mocedá d’Asturies y Uviéu, organicen el ciclu de curtiometraxes ‘REcortos’, el vienres 22 de febreru a les 20 hores nel Teatru Filarmónica dUviéu. La escoyeta de los curtios ta a cargu de José Luis Cienfuegos, Director del Festival de Cine Européu de Sevilla. Nel actu podrá falase colos directores Alex Montoya y Marina Seresesky y tres la proyección celebraráse una fiesta en ‘La Caja Negra’ cola participación de Maribel&Sebastian DJ’s, con accesu llibre y de baldre. 21 de febreru, 2013 0 FacebookTwitterPinterestEmail
Sociedá Avilés celebral Día de la Llingua Materna con homenaxe a Bernardo Guardado by asturnet 21 de febreru, 2013 Ales 13:30 hores Avilés va celebrar el Día de la Llingua Materna con un actu homenaxe al escritor en llingua asturiana y avilesín de nacencia, Bernardo Guardado Rodríguez (1913-1982) nel CICLAC (Centru dinterpretación de La Carriona). Nel mesmu glosará la so vida y obra Miguel Solís Santos. Darréu fadráse una ufierta floral na so tumba y llectura de dalgunes de les sos poesíes. Cuntaráse cola presencia de Mª Jesús Guardado Tomás, fía del escritor. A les ocho la tarde, nel mesmu llugar, va tener llugar la presentación del llibru del escritor Lluis Portal, Cipriano Folgueras. Una gloria dAsturies.El llibru algamare nel 2012 el premiu Maximo Fuertes Acevedo d’Ensayu de la Conseyería d’Educación , Cultura y Deporte. 21 de febreru, 2013 0 FacebookTwitterPinterestEmail
Sociedá El Cabu Peñes celebral Día de la Llingua Materna presentando un llibru by asturnet 21 de febreru, 2013 Esti xueves 21 de febreru, na Casa La Escribana (Lluanco-Gozón), y con motivu del Día Internacional de la Llingua Materna, va presentase una campaña de normalización social del asturianu que la Mancomunidá d’El Cabu Peñes ta poniendo en marcha y que tien como oxetivu cimeru destacar la importancia de la familia como tresmisora xeneracional de la llingua materna, l’asturianu, como llingua vehicular nel usu comunicativu habitual de munches families. El llibru, que va entregase dende los Rexistros d’Empadronamientu, dendel propiu SNL, y nes Escueles de 0 a 3 añinos, (xunto con una carta del Presidente y del Vicepresidente de la Mancomunidá d’El Cabu Peñes) recueye información dinterés pa los padres y les madres. Esti material, col títulu “Llibru pa lo más piquiñino de casa”, recueye la evolución del neñu y la neña dende que nacen hasta los 3 añinos: etapes de crecimientu, calendariu de vacunación, fiches personales, sitiu pa dalguna foto… Pa ello, va presentase tamién un videu, fechu en collaboración colos CDTL de los dos Conceyos y quamuesal conteníu del llibru con un testu escritu y oral que mos va contandol desarrollu personal duna neña nos sos primeros tres añinos de vida y quella mesma recuerda agora con 9 años. Esti videu va espardese nes redes sociales, páxines web y demás sistemes multimedia intentando asina difundir el trabayu de la meyor manera posible. Al actu asistirán autoridaes de los dos Conceyos y la responsable del SNL. Ye ésta una campaña coordinada dende’l SNL de la Mancomunidá a comuña col restu de Servicios de Normalización Llingüística d’Asturies y que recibe l’ayuda de la Conseyería d’Educación, Cultura y Deporte d’Asturies. 21 de febreru, 2013 0 FacebookTwitterPinterestEmail
Conceyos Denuncien que La Ribera nun usa la toponimia oficial by asturnet 20 de febreru, 2013 Dende Iniciativa pol Asturianu reiteren el so maltar polo que califiquen como continuu incumplimientu per parte de los Conceyos de los decretos de toponimia aprobaos. Nesti casu trátase del Conceyu de La Ribera, con decretu aprobáu de 2006, quien ficiera cambeos na so web institucional tres denuncies del vicepresidente de la organizaión, Vítor Suárez, mesmo al Conceyu como a los grupos municipales. Agora, esti Conceyu vien d’estrenar web turística en castellán, escaeciendo unu de los patrimonios más importantes d’Asturies y un valor añadíu no qu’a promoción de la diversidá y del calter estremáu de les cualidaes culturales del conceyu. D’otra miente, esta ausencia, denuncien tamién vien a sumase a la falta d’una versión n’asturianu de la web municipal y a la nula promoción del idioma por parte d’esti conceyu que contó con una gran inversión del Gobiernu d’Asturies n’equipamientos culturales por mor de la candidatura a los Premios Príncipe d’Asturies de Güeñu y qu’en tola cartelería de los mesmos fai usu únicu del castellán. Per otru llau, recuerden incúmplese tamién el Decretu de 2006 qu’establez la toponimia oficial y que yá tendría que tar más qu’asumíu, nos bandos municipales, señalización de carreteres y demás medios de comunicación municipales. Nesti casu apaecen toles formes deturpaes: Soto de Ribera, Fuejos, Palomar, Labarejos… y únicamente un topónimu en forma asturiana Soto Rei, anque con un fallu d’ortografía al poné-y tilde na i, espliquen. Dende la organización anuncien que van ponese en contautu col Ayuntamientu y colos responsables de la web pa qu’igüen estes cuestiones lo primero posible. 20 de febreru, 2013 0 FacebookTwitterPinterestEmail
Convocatories Iniciativa pol Asturianu celebra colos socios la so primer xunta xeneral añal by asturnet 20 de febreru, 2013 Iniciativa pol Asturianu axunta a los asociaos esti sábadu 23 de febreru de 2013, pa celebrar la primer Xunta Xeneral añal de la organización. Esti muérganu ye’l que tien les máximes competencies ente Congresos, que se faen cada trés años, y nél, según espliquen na so web “van discutise y votase dalgunes propuestes d’importancia, asina como les llinies de trabayu pal añu viniente.” L’actu va celebrase a partir de les 17 hores y hasta les 20, nuna sala del Auditoriu Príncipe d’Asturies d’Uviéu. Dende la organización recuerden que na Xunta Xeneral pueden participar tolos asociaos, collaboradores de la organización y persones interesaes en sumar el so sofitu, cuntando con votu los socios miembru de la organización, asina como que “pueden presentase propuestes de trabayu, suxerencies y otres iniciatives”. Na Xunta Xeneral la direutiva de la organización va presentar l’Informe de Xestión 2012, “onde dará cuenta de l’actividá d’Iniciativa pol Asturianu, les cuentes y demás cuestiones qu’afecten a l’asociación”. Amás, propondráse y discutiráse una fueya de ruta col llabor pa los vinientes doce meses, “col envís d’organizar el llabor de la organización”. Dempués de los actos, hacia les 21:30 hores, celebráse una espicha na Sidrería La Pumarada, asitiada na cai Gascona, el bulevar de la sidra d’Uviéu. Sedrá de magar les 21:30 hores. P’apuntase a la mesma han ingresase 18 euros na cuenta de la organización, nel Bancu Herrero 0081-5657-41-0001063111, conseñando’l nome del inscritu, y dando avisu darréu al corréu contautu@iniciativapolasturianu.org La espicha inclúi: Tortielles de pataca, chorizos a la sidra, croquetes de xamón, picadiellu con pataques, calamares a la romana, llacón con cachelos, pan y postres asturianos de la casa. Amás, con sidra, cerveza, vinu y agua incluyíos. 20 de febreru, 2013 0 FacebookTwitterPinterestEmail
Comunicación El director de la RTPA, Antonio Virgili, diz “comprometese” a cumplir la llegalidá toponímica nel Ente Públicu by asturnet 20 de febreru, 2013 Antonio Virgili, director xeneral de la RTPA, contestó a la carta que-y mandare la Xunta pola Defensa de la Llingua Asturiana (XDLA) el primeru de febreru pasáu pidiendo que se respetare la llegalidá toponímica nes sos emisiones. Na contestación, Virgili declárase «consciente» del llabor del Ente Públicu como divulgador y promotor de la cultura y la llingua asturiana. Aclaria quen tou momentu remitiéronse al usu de les formes oficiales quapaecen nel BOPA, pero que «pa una mayor seguridá» treslladó lescritu de la XDLA a tolos programes ya informativos de la Televisión y la Radio del Principáu dAsturies pa que revisen lusu que tán faciendo. El director de la RTPA agradez les suxerencies que-y faiga la XDLA «payudar a detectar posibles errores». La XDLA denunciaba na carta que nos informativos de la televisión delles veces usen les formes oficiales nos lletreros quacompañen la información y otres non, y que los presentadores poques veces usen oralmente la forma oficial. Lo mesmo asocede colos demás programes en cuantes al respetu a la llegalidá en toponimia. Na radio, lusu de les formes oficiales ye nulu (nun siendo les formes que coinciden, evidentemente). Tamién se-y suxería al director de la RTPA que, atendiendo a un criteriu de normalización básicu, nel casu de los topónimos que saprobaron con una forma doble (Gijón/Xixón, Llangréu/Langreo, etc.) sería aconseyable usar la forma asturiana oralmente porquel doblete sería absurdu nesa situación. «Usar namás la forma castellana implicaría la condena a que nunca soyera na televisión y la radio públiques la forma que se quier recuperar», dicíase na carta unviada a Antonio Virgili. La XDLA agradez lactitú collaboradora del director de la RTPA, anque va tar atenta al cumplimientu del compromisu que fai na so carta, amás daprovechar panimar públicamente a los telespectadores y radioyentes a que faigan llegar al Ente Públicu los errores que detecten nes sos emisiones. Como esplicaba la XDLA na so carta, «la oficialización nel BOPA de les denominaciones de les entidaes de población implica questes susen siempre, oralmente y nes rotulaciones, independientemente de la llingua na que se faigan los programes». 20 de febreru, 2013 0 FacebookTwitterPinterestEmail
Lliteratura Convoquen una edición más del Premiu Fernández Lema de rellatos curtios by asturnet 20 de febreru, 2013 La Fundación Cultural Benéfica Fernández Lema, creada pola iniciativa y xenerosidá de Dolores Fernández Lema, convoca la edición desti añu del so premiu lliterariu, al que pueden presentase obres nasturianu y en castellán. El Premiu al ganador pa la modalidá en llingua asturiana ta dotáu con 2.500 euros, mientres quel de castellán tien un premiu de 5.000 euros. Les obres han tener un máximu de 20 folios din-A4 mecanografiaes a una sola llana y con un tamañu mínimu de fonte de 12 puntos. Los participantes han de presentar les sos obres por sestuplicao, faciendo constar, según correspuenda, pa concursar al Premiu de Relatu Curtiu “Fernández Lema, Añu 2013, Modalidá en Llingua Castellana” o Premiu de Relatu Curtiu “Fernández Lema, Añu 2013, Modalidá en Llingua Asturiana”. Pa cualquier esclaración, los interesaos puen empobinase al teléf. de la Casa de Cultura de L.luarca-Valdés: 98 547 05 78. La presentación pue realizase hasta’l 15 de marzu de 2013, inclusive Bases completes del concursu 20 de febreru, 2013 0 FacebookTwitterPinterestEmail
Música Lasturianada llega esti miércoles al Atenéu de La Calzada by asturnet 20 de febreru, 2013 El salón dactos del CMI Atenéu La Calzada acueye esti miércoles 20 de febreru, a les 19.30 hores, una espectáculu de lAsociación dIntérpretes de Canción Asturiana (AICA) con canción tradicional asturiana acompañada dun gaiteru. Nesta ocasión van participar Andrés Cueli Robledo, Noemí Torrado Rodríguez y Faustino Braña Peláez, cola música del gaiteru Jesús Noriega Galguera. Les actuaciones preséntales Julio César Baragaño. 20 de febreru, 2013 0 FacebookTwitterPinterestEmail
Mocedá El CMPA inaugura llar con más espaciu na cai Fuertes Acevedo by asturnet 19 de febreru, 2013 Esti martes 19 de febreru a les seis de la tarde, el Conseyu de la Mocedá del Principáu dAsturies (CMPA) inaugural so llar ampliáu na cai Fuertes Acevedo dUviéu, y dempués dun tiempu nun llocal provisional na Plazal Sol. Nesta nueva etapa quieren ufrir un CMPA más abiertu a les asociaicones y a la mocedá, y pa ello ponen en marchal ‘Centru de Recursos p’Asociaciones del CMPA. 19 de febreru, 2013 0 FacebookTwitterPinterestEmail