Mundu Berto García presenta “Inercia” en Les Vegues by asturnet 2 de xunu, 2013 El próximu miércoles 5 de xunu a les 7 la tarde nel Centru Sociocultural de Les Vegues, Berto García presenta “Inercia”, el so poemariu últimu. Tarán xunto al autor, Adolfo Camilo Díaz (Xerente de Cultura del Conceyu de Corvera), Rafael Valdés (Casa de la Llingua) y Esther Prieto, directora de Trabe, qu’asoleya’l volume. 2 de xunu, 2013 0 FacebookTwitterPinterestEmail
Entrevista de la selmana Xuanxo Mariño: Si en xunu nun tenemos el sofitu necesariu echaremos el pieslle a 27 años de Radio Sele by asturnet 31 de mayu, 2013 Radio Sele lleva nantena dende va 27 años como la única emisora dafechu nasturianu. En 1999 recibía la llicencia comercial per parte del gobiernu de Sergio Marqués, lo que-y permitiría profesionalizase. Pero la llegada del socialista Vicente Álvarez Areces a la presidencia del Gobiernu dAsturies torgó estos planes. Lexecutivu dAreces quitába-yos la llicencia y más tarde echábalos del so dial emitiendo per él la emisora pública RPA. Dempués de toes estes torgues, a la que se suma la eliminación de les ayudes autonómiques que recibía, la emisora vive un momentu trescendental que podría llevala a desapaecer. Xuanxo Mariño, director de Radio Sele, fala con Asturnews de la situación que viven y de la campaña pa facer socios que tienen en marcha pa superala. -¿Qué momentu vive Radio Sele agora mesmo? -Una situación complicada económicamente, esta ye una radio llibre y polo tanto necesita socios, bien persones faciendo programes o persones quayuden la sostenibilidá de la radio notros llugares ta faciéndose dende va munchos años. Yo conozco radios como esta, nItalia por exemplu, con 15.000 socios y con una programación en directu les 24 hores. Agora mesmo tán rodándose películes con aportación económica de persones independientes que quieren ayudar a quesi proyectu salga alantre. -¿La fin de les ayudes públiques ye la principal causante de que se tea afogando económicamente? -En parte sí, esta radio tenía varies fontes de financiación por exemplu dende va 10 años una productora que se fizo pa poder financiar la radio pero baxó nun 80% el trabayu. Otres fontes como la publicidá, pero baxó muncho, otra de les torgues ye la baxada de persones faciendo programes, les emisores quemiten en castellán nun suelen tener esti problema porque tienen xente a esgaya -¿Cómo se pue collaborar pa qu’esto cambie? -Pue collaborase faciendo un programa o bien faciéndose sociu de la radio a partir de 6 euros al mes. -¿Cómo ta siendo la respuesta de la xente, falta más militancia nel asturianismu? -Hastal momentu nun mos quexamos pero espero que siga asina, porque falta tovía pa llegar a lo que necesitamos pa poder siguir. -Como esplicaba hai problemes tamién pa enllenar la parilla de programación n’asturianu, ¿cuáles son les cuases? -Facer radio nasturianu nun ye fácil, requier un tiempu de preparación y una dedicación, pero bono tenemos persones que lo faen na so casa y mándenmos el programa grabáu, siempres damos facilidaes. -¿Qué posibilidaes hai de recuperar la llicencia retirada pol gobiernu d’Areces? -Posibilidaes poques. Agora tenemos un recusu presentáu pero yá volvió a valorar y dio la llicencia al mesmu que la tenía, dixéronnos que teníen munches presiones de la otra parte. -¿Podría profesionalizase Radio Sele entós y convertise nuna radio comercial? -Si la tuviéramos claro que sí. -¿Camienta qu’entós podría ser una radio con viabilidá económica? -Sí, sedría un proyectu rentable -Punxeron una fecha como llende pa echar el pieslle a la emisora, ¿qué otres soluciones podríen dase? -A finales de xunu tendremos una xunta y fadremos recuentu , veremos si podemos siguir alantre o non, espero que sí porque ye un proyectu de 27 años quentamamos a emitir por interné dende Asturies en directu cuando nun lo facía naide, les emisores comerciales tampoco. La única solución ye algamar los socios necesarios pa un plan de futuru de nun ser asina nun podría ser, los gastos añales na emisora estimámoslos en 6.000 euros cuntando que nun tengamos averíes. 31 de mayu, 2013 0 FacebookTwitterPinterestEmail
Música El grupu mozu “Alienda” estrénase en Cangues d’Onís esti sábadu by asturnet 31 de mayu, 2013 Alienda ye un nuevu grupu de folk asturianu. Ñació va ocho meses y dende entós trabayen colos ensayos. Esti 1 de xunu yel so primer conciertu como grupu. Sedrá en Cangues d’Onís, dientro de la IV Amuesa de Folclor. La xente dAlienda vien de distintos conceyos dAsturies y son seis los componentes del grupu: Illán Escalada cola gaita, Nacho Narciandi cola percusión, Bárbara González-Quevedo col vigulín, Fran cola guitarra, Darío García col buzuki y Nogue col baxu. Nesti primer conciertu entama a alendar esti conxuntu que según espliquen “quier dir a los raigaños de los nuesos sones pa viñar nel presente y nel futuru”. Ellos quieren que cola música que sal de los sos instrumentos y de la so alma pueda sentise otra vuelta lespíritu astur, siguiendo asinal camín tan granible quotros prestosos grupos asturianos entamaren. 31 de mayu, 2013 0 FacebookTwitterPinterestEmail
Lliteratura Convoquen el VII Concursu de Microrrellatos n’asturianu “L’Horru del Carbayedo” by asturnet 30 de mayu, 2013 Con motivu de les Fiestes de San Roque del Carbayedo, a facer nAvilés del 16 al 19 dagostu del 2013, y col aquel danimar a la creación lliteraria en llingua asturiana, lAsociación de Vecinos El Hórreo del Carbayedo, en collaboración cola Estaya de Normalización Llingüística del Conceyu dAvilés, dependiende del Serviciu de Promoción Cultural de la Conceyalía de Cultura, y baxol patrociniu del Conceyu dAvilés, entamal VII Concursu de Microrrellatos n’asturianu “L’Horru del Carbayedo” pa testos en llingua asturiana d’hasta 500 pallabres. La temática ye llibre, pero la redaición tendrá que respetar les normes ortográfiques y gramaticales marcaes pola Academia de la Llingua Asturiana. El plazu pa presentalos piésllase a les 14 hores del día 1 dagostu. La presentación namás pue facese pel corréu lletrónicu, unviando los rellatos en formatu WORD a: avvelhorreo@yahoo.es. Los trabayos dirán encabezaos per un títulu y firmaos namás con un nomatu. Nel corréu lletrónicu axuntaráse un archivu aparte, que la organización (A. VV. El Hórreo) guardará en secretu, ensin quel xuráu pueda conocelu enantes del fallu, colos datos siguientes: nome, teléfonu, señes, DNI, y títulu/os presentáu/os al concursu. Daránse dos premios: primeru, de 400 euros y troféu; segundu, de 200 euros y placa. Los dos premios nun pueden recayer nel mesmu autor/a. El 5 dagostu un xuráu formáu por reconocíes personalidaes de la cultura asturiana determinará los trabayos ganadores. El llunes, 19 dagostu, los/les autores lleerán los rellatos premiaos y recoyerán los premios, a les 20:00 hores, nel Salón dActos de la AA. VV. El Hórreo (C/Dr. Marañón, 16, baxu). Tolos rellatos presentaos, premiaos o non, van esponese al públicu al aire llibre, nel campu la fiesta (Parque del Carbayedo), los díes quéstes duren. 30 de mayu, 2013 0 FacebookTwitterPinterestEmail
Sociedá Esti vienres acaba’l plazu pa matriculase nos cursos de la Universidá Asturiana de Branu by asturnet 30 de mayu, 2013 Esti vienres 31 de mayu acaba’l plazu pa matriculase nos cursos de la Universidá Asturiana de Branu. A lo llargo de güei xueves, hasta les 7 la tarde y mañana hasta les 3, nel llar de l’Academia de la Llingua Asturiana n’Uviéu, fáense les matriculaciones. Esti añu van facese los cursos básicu y avanzáu d’asturianu, y otros d’afondamientu, con temes como la torna, los xuegos tradicionales, la hestoria d’Asturies o la xestión cultural. Estos Cursos tienen reconocencia oficial per parte de la Conseyería d’Educación del Principáu d’Asturies, darréu de l’acreitación de l’ALLA como “Entidá Organizadora d’Actividaes de Formación Permanente del Profesoráu” y formen parte del programa de Cursos de Branu de la Universidá d’Uviéu. Ufierta de cursos Los cursos (de 35 hores llectives) tienen calter selmanal y la UABRA plantega pal presente añu 2013 los que vienen darréu: 1. Capacitación pa la Traducción al Asturianu (29 de xunetu al 3 d’agostu de 2013). Esti cursu, qu’empobina Cristina Valdés Rodríguez, tien como oxetivu presentar sintéticamente los presupuestos teóricos que rixen la traducción a una llingua minoritaria. El trabayu d’aplicación al casu asturianu ye dafechu práuticu y nél tendráse en cuenta, de mou especial, l’exerciciu de tornes de testos lliterarios y periodísticos y de testos llegales y científicos. Nota.-Tendrán prioridá na matrícula d’esti cursu los enseñantes de los Cursos d’Especialista y Espertu en Filoloxía Asturiana (yá titulaos o cursando la Especialidá). 2. Escuela y anovaciones nInternet (29 de xunetu al 3 dagostu de 2013). El cursu ufierta nueves y prestoses posibilidaes pa que’l profesoráu de Llingua Asturiana d’Educación Primaria y Secundaria pueda acceder a los recursos qu’ufierta la rede y pueda diseñar, darréu d’ello, xeres y actividaes d’aula pal deprendizax oral y escritu de la Llingua Asturiana. El so coordinador ye David Melendi Palacio . 3. Xuegos y tradiciones populares asturianes(29 de xunetu al 3 dagostu de 2013). Esti cursu empobina hacia una meyor conocencia de los xuegos y tradiciones populares asturianes dende la perspeutiva de la so presencia escolar y con un nidiu enclín pa sofitar el deprendizax contestualizáu del asturianu. El so coordinador ye Roberto González-Quevedo González. 4. Xestión cultural nAsturies: xestionando llingües y cultures (del 5 al 9 dagostu de 2013). Loxetivu desti cursu, empobináu por Isabel Hevia Artime, ye afondar na conocencia de la teoría y les ferramientes práutiques de la xestión cultural venceyaes nespecial a los campos de la xestión de la política llingüística y la cultura nAsturies, averándonos a la conocencia de la situación de la estaya y apurriendo ferramioentes básiques pal trabayu nel campu de la xestión cultural nAsturies, dende un puntu de vista teóricu y práuticu. 5. El Navia-Eo: espacio, cultura y futuro(del 5 al 9 dagosto de 2013). El programa d’este curso ofrece un afondamento na conocencia social, cultural y artística del Navia-Eo por parte del profesorao de Gallego-Asturiano dEducación Primaria y Secundaria y é, entós, ua búa ferramenta pra diseñar actividades daula. El sou coordinador é José Antonio Fernández Vior 6. Asturies y la so historia recién(del 5 al 9 dagostu de 2013). Daccesu llibre y dirixíu por Rubén Vega García, esti ye un cursu que tien como oxetivu cimeru averase a la historia del Principáu dende la dómina de la Transición hasta anguaño. Nél analizaránse la situación de la economía, la sociedá, la política y la cultura de lAsturies de güei. Más información sobre la UABRA 30 de mayu, 2013 0 FacebookTwitterPinterestEmail
Sociedá Charra sobre la llingua asturiana nel IES Rei Pelayo de Cangues d’Onís by asturnet 30 de mayu, 2013 Los alumnos de terceru de la ESO del Institutu Rei Pelayo de Cangues d’Onís van participar nuna charra sobre la llingua asturiana qu’organiza Iniciativa pol Asturianu por petición del profesor del centru, Fonsu Martín, esti vienres 31 de mayu de magar les 12:25 hores. Na charra, espliquen, “falaráse colos alumnos de la situación del asturianu y de la so visión como alumnos matriculaos na asignatura”. A esti actu súmase otru que va celebrase yá pela tarde-nueche nel chigre Filandón de Cangues, onde va presentase’l númberu 11 de la revista Formientu con un recital d’autores mozos y una presentación de la organización nel conceyu, a partir de les ocho de la tarde. 30 de mayu, 2013 0 FacebookTwitterPinterestEmail
Lliteratura Vanessa Gutiérrez y Ángeles Mastretta nel Ciclu de Pallabra del Niemeyer by asturnet 29 de mayu, 2013 El Ciclu de Pallabra sigue nel Centru Niemeyer d’Avilés con Ángeles Mastretta y Vanessa Gutiérrez. La entrada ye gratuita hasta completar l’aforu, previa retirada de convidada. Ángeles Mastretta (Puebla, México, 1949) graduóse en Periodismu na Facultá de Ciencies Polítiques y Sociales de la UNAM. En 1985 asoleyó la so primer novela, Arráncame la vida (Seix Barral, 1992), cola que se fizo col Premiu Mazatlán en Méxicu y se convirtió nun verdaderu fenómenu editorial, tanto nel mundu de fala hispana como en socesives traducciones a quince llingües. Ana Vanessa Gutiérrez (Urbiés, Mieres, 1980) ye presentadora del magazine cultural Pieces na Televisión Pública Asturiana (TPA), y dirixe y presenta’l programa Entrelíneas dedicáu a la lliteratura en Punto Radio Asturies. Amás, ye colaboradora habitual en secciones d’opinión del periódicu El Comercio. Ente los sos llibros de poemes Onde seca lagua (2003), La danza de la yedra (2004) Premiu Teodoro Cuesta- y Passà el temps desfant la memoria (2006), l’ensayu El país del silenciu (2007) y, en narrativa, Les palabres que te mando (2006) y La cama (2008) 29 de mayu, 2013 0 FacebookTwitterPinterestEmail
Lliteratura Últimos díes pa presentase al Concursu de Cuentos pola Oficialidá de Bimenes by asturnet 29 de mayu, 2013 El Conceyu Bimenes tien abiertu’l plazu pa presentase al XVI Concursu de Cuentos pola Oficialidá del Asturianu. Los cuentos que se presenten al certame han de tar redactaos nasturianu y nun pasar de les diez fueyes, mecanografiaes a doble espaciu y per una sóla cara. El plazu de presentación de trabayos final 31 de mayu. Lapertura pliques tendrá llugar el 3 de xunetu y la entrega premios fadrásel 12 de xunetu, nel trescursu duna xornada lliteraria. Limporte económicu de los premios ye: 600 pal primeru, 450 pal segundu y 300 pal terceru. Los cuentos, de los quhai que presentar lorixinal, trés copies y una copia más en versión informática, han dunviase a la direición que vien darréu: Conceyu de Bimenes. Martimporra, s/n. 33527 Bimenes. Dende la organización del concursu recuerden que “ye de destacar el compromisu del Conceyu Bimenes de caltener esti certame lliterariu, y lesfuerzu quello-y supón, magar questi añu, a diferiencia de los anteriores, nun va cuntar col sofitu nin de la Conseyería dEducación, Cultura y Deporte nin de la Obra Social y Cultural de Caxastur”. 29 de mayu, 2013 0 FacebookTwitterPinterestEmail
Educación Feliciten al Colexu Públicu de Motiana por usar la toponimia oficial y tradicional by asturnet 29 de mayu, 2013 El Colexu Públicu Montiana, de Xixón, ta acabante recibir l’aprobación de la Conseyería d’Educación pa que’l centru pase a denomase “Montiana”, nome tradiconal y dende va años oficial del llugar onde s’asitia, en llugar del deturpáu “Monteana”. Iniciativa pol Asturianu unvió una felicitación al centru aprovechando pa convidalos a siguir dando pasos na visibilidá del asturianu nel centru, talos como siguir faciendo medrar la matriculación na asignatura, usar l’asturianu na páxina web y na rotulación del centru, etc. Esta decisión, que surdió del propiu centru, demuestra pa la organización que “l’alministración va mui per detrás de la ciudadanía nel usu de la toponimia tradicional y oficial d’Asturies”. Recuerden que yá va unos años, el CP de Xove, tamién en Xixón, camudaba la versión castellanizada “Jove” pola agora oficial y usada polos xixoneses dende siempres. 29 de mayu, 2013 0 FacebookTwitterPinterestEmail
Sociedá La Fundación CyN entrúgase aú va la llingua asturiana nel sieglu XXI by asturnet 29 de mayu, 2013 La Fundación Caveda y Nava, presidida por Ramón d’Andrés, entama esti sábadu día 1 de xunu nel Muséu de la Sidra de Nava a les 11:00 de la mañana y cola asistencia de la Directora Xeneral de Política Llingüística y lAlcalde del Conceyu de Nava, un alderique públicu baxol títulu “¿Aú va la llingua? Perspectives pal sieglu XXI”. Nel mesmu van participar Pilar Fernández, profesora; Antón García, escritor y editor; David Guardado, filólogu; y Taresa Lorences, escritora y filóloga, baxo la moderación de D’Andrés. La guía colos temes del alderique pue descargase na páxina web de la Fundación Caveda y Nava. GuÃa de temes d’alderique 29 de mayu, 2013 0 FacebookTwitterPinterestEmail