asturnet

Compromisu por Asturies ta acabante facer pública la so preocupación pol retayu aplicáu pola Conseyería d’Educación del Principáu d’Asturies nes plantiyes docentes pal próximu cursu.

La nota remitida a los centros nel presente mes, na qu’apaez detallada la previsión de places pa les escueles y centros d’Educación Secundaria, dexa bien a les clares que la disminución de los recursos humanos. Al tiempu, esta mesma previsión, aplícase tamién a les Escueles de 0 a 3 años de titularidá municipal, coles ruines previsiones que-y tresllada la Conseyería a los Ayuntamientos qu’ufierten esti serviciu.

Asina mesmo dende Compromisu denuncien que, como yá pasara’l pasáu cursu, la Conseyería tienda sistemáticamente a tresformar les xornaes completes de los docentes a medies xornaes, lo que supón un retayu encubiertu que ye vendíu a la opinión pública con unes cifres totales que nun son tales; en tantu que nun ye lo mesmo cuntar con ochenta docentes a xornada completa qu’a media xornada, anque teamos falando del mesmu númberu.

Esti llunes inauguróse en Cangas del Narcea una edición nueva de la Universidá Asturiana de Branu (UABRA), entamada pola Academia de la Llingua Asturiana (ALLA), la Universidá d’Uviéu y el Conceyu de Cangas. Na inauguración participaron, como ye vezu, nel actu tuvo presente’l director del cursu, Xosé Antón González Riaño, la presidenta de l’ALLA, Ana Cano, l’alcalde de Cangas y un represenante de la Estensión Universitaria. Sicási esti añu nun tuvo presente la Conseyera d’Educación y Cultura, Ana González, que l’añu pasáu comprometiérase nesti mesmu marcu a tener avanzada una solución que permitiera al profesoráu d’asturianu tener reconocida la especialidá, lo que permitiría convocar oposiciones con normalidá y evitar la eterna interinidá que viven anguaño.

Nel so llugar tuvo Ana Fueyo, Directora Xeneral de Política Llingüística, que nun dio nenguna esplicación sobre l’ausencia de la Conseyera, anque si mandó un saludu nel so nome. Tampoco dio esplicación dala sobre la situación d’esti asuntu prometíu pola Conseyera l’añu pasáu.

Ana Cano faló de la importancia d’estos cursos, nos qu’esti añu collabora CaxAstur y ALSA como patrocinadores y recordó l’ésitu de poder llevar alantre tolos cursos pa los que s’abrió matrícula, per primer vegada. En total participen nos cursos, que se celebren na Escuela Llar de Cangas, 170 persones ente alumnos y profesores, con cursos d’asturianu pero tamién d’otres cuestiones, como internet, la xestión cultural, la hestoria… siempres col asturianu como llingua vehicular.

Dempués de la presentación, na Casa Cultura de Cangas, presentóse nesi mesmu llugar una esposición entamada por mor de la UABRA y dedicada a la ropa traidicional. Xandru Armesto, del Grupu San Félix de Candás, qu’entama esta amuesa, fizo de presentador con un paséu d’alumnos y autoridaes peles distintes partes de la mesma.

Esti llunes inauguróse en Cangas del Narcea una edición nueva de la Universidá Asturiana de Branu (UABRA), entamada pola Academia de la Llingua Asturiana (ALLA), la Universidá d’Uviéu y el Conceyu de Cangas. Na inauguración participaron, como ye vezu, nel actu tuvo presente’l director del cursu, Xosé Antón González Riaño, la presidenta de l’ALLA, Ana Cano, l’alcalde de Cangas y un represenante de la Estensión Universitaria. Sicási esti añu nun tuvo presente la Conseyera d’Educación y Cultura, Ana González, que l’añu pasáu comprometiérase nesti mesmu marcu a tener avanzada una solución que permitiera al profesoráu d’asturianu tener reconocida la especialidá, lo que permitiría convocar oposiciones con normalidá y evitar la eterna interinidá que viven anguaño.

Nel so llugar tuvo Ana Fueyo, Directora Xeneral de Política Llingüística, que nun dio nenguna esplicación sobre l’ausencia de la Conseyera, anque si mandó un saludu nel so nome. Tampoco dio esplicación dala sobre la situación d’esti asuntu prometíu pola Conseyera l’añu pasáu.

Ana Cano faló de la importancia d’estos cursos, nos qu’esti añu collabora CaxAstur y ALSA como patrocinadores y recordó l’ésitu de poder llevar alantre tolos cursos pa los que s’abrió matrícula, per primer vegada. En total participen nos cursos, que se celebren na Escuela Llar de Cangas, 170 persones ente alumnos y profesores, con cursos d’asturianu pero tamién d’otres cuestiones, como internet, la xestión cultural, la hestoria… siempres col asturianu como llingua vehicular.

Dempués de la presentación, na Casa Cultura de Cangas, presentóse nesi mesmu llugar una esposición entamada por mor de la UABRA y dedicada a la ropa traidicional. Xandru Armesto, del Grupu San Félix de Candás, qu’entama esta amuesa, fizo de presentador con un paséu d’alumnos y autoridaes peles distintes partes de la mesma.

El próximu llunes 29 de xunetu, a les 13:00 hores, nel Salón d’Actos de la Casa de la Cultura «Palaciu d’Omaña» de Cangas del Narcea, entamen los Cursos y les Actividaes Abiertes de la Universidá Asturiana de Branu (uabra): proyeutu lleváu a cabu gracies a la collaboración ente l’Academia de la Llingua Asturiana, la Universidá d’Uviéu y el Conceyu de Cangas del Narcea.

Nel actu intervendrán la Direutora Xeneral de Política Llingüística del Gobiernu del Principáu d’Asturies, Ana Mª Fueyo Llaneza, el Direutor de la Estaya d’Estensión Universitaria de la Universidá d’Uviéu, Leopoldo Sánchez Torre, la Presidenta de l’Academia, Ana Mª Cano González; l’Alcalde del Conceyu de Cangas del Narcea, José Luis Fontaniella Fernández y el Direutor de los Cursos, Xosé Antón González Riaño.

Los Cursos y xeres complementaries desendolcaránse ente los díes 29 de xunetu y 9 d’agostu y nellos van participar al rodiu de 170 persones.

Esti mesmu llunes, dientro de les Actividaes Abiertes d’esta edición de la UABRA, tendrá llugar la inauguración de la esposición «Asturies n’otra dómina. La ropa» na sala d’esposiciones de la Casa de Cultura de la villa canguesa.

El próximu llunes 29 de xunetu, a les 13:00 hores, nel Salón d’Actos de la Casa de la Cultura «Palaciu d’Omaña» de Cangas del Narcea, entamen los Cursos y les Actividaes Abiertes de la Universidá Asturiana de Branu (uabra): proyeutu lleváu a cabu gracies a la collaboración ente l’Academia de la Llingua Asturiana, la Universidá d’Uviéu y el Conceyu de Cangas del Narcea.

Nel actu intervendrán la Direutora Xeneral de Política Llingüística del Gobiernu del Principáu d’Asturies, Ana Mª Fueyo Llaneza, el Direutor de la Estaya d’Estensión Universitaria de la Universidá d’Uviéu, Leopoldo Sánchez Torre, la Presidenta de l’Academia, Ana Mª Cano González; l’Alcalde del Conceyu de Cangas del Narcea, José Luis Fontaniella Fernández y el Direutor de los Cursos, Xosé Antón González Riaño.

Los Cursos y xeres complementaries desendolcaránse ente los díes 29 de xunetu y 9 d’agostu y nellos van participar al rodiu de 170 persones.

Esti mesmu llunes, dientro de les Actividaes Abiertes d’esta edición de la UABRA, tendrá llugar la inauguración de la esposición «Asturies n’otra dómina. La ropa» na sala d’esposiciones de la Casa de Cultura de la villa canguesa.

El Parque de la Prehistoria de Teberga y l’Asociación Cultural La Ponte ufierten una nueva actividá na que’l públicu va poder averase a los Valles del Osu y esfrutar d’un entreteníu programa pa tolos públicos nuna redolada escepcional.

Esta actividá va tener llugar tolos domingos de xunetu y agostu, y amás los díes 29 de setiembre, 27 d’ochobre y 24 de payares. Inclúi una ruta (de 10:30 a 13:30 hores). Mientres esta ruta de trés hores de duración, con entamu y final nel aparcaderu de Tuñón (Santo Adriano), visítense la Cueva del Conde y l’Abrigu de Santu Adrianu, dambos xacimientos con arte parietal. Amás, fadráse una visita y taller temáticu nel Parque de la Prehestoria (puede participase nesta actividá a lo llargo del día, nes distintes frecuencies que s’ufierten). Una entretenida manera de conocer el pasáu y entender la evolución, coles mesmes qu’afayar l’orixe del arte.

Ye imprescindible acutar enantes nos teléfonos 985 76 14 03 y 637 06 16 10 o nel corréu lletrónicu info@laponte.org