Sociedá Cristina del Valle reclama la oficialidá nel programa dIniciativa by asturnet 7 d'ochobre, 2013 La popular cantante asturiana Cristina del Valle vieno acabante de sofitar dafechu la oficialidá de la llingua asturiana y darréu d’ella de la cultura de nueso nuna entrevista qu’ufrirá’l programa de radio per internet de l’Asociación Iniciativa pol Asturianu. La cantante y activista asturiana conocida ent ol mundu pol grupu musical “Amistades Peligrosas” da asina una vegada más el so sofitu a la llingua asturiana nuna charra fondera que caltuvo estos díes. Una selmana más Samuel Gradín dirixe una edición nueva del programa de la organización, Iniciativa pol Asturianu nes ondes. La entrevista d’esta selmana ye a la percélebre cantante asturiana Cristina del Valle y n’ella sofita la oficialidá de la llingua asturiana y la cultura asturiana. La cantante y activista asturiana conocida ent ol mundu pol grupu musical “Amistades Peligrosas” da asina una vegada más el so sofitu a la llingua asturiana nuna charra fondera que caltuvo estos díes. Nel programa Cristina del Valle cunta, usando l’asturianu, la so hestoria personal y les razones que la llevaron a colar d’Asturies por mor de la violencia de xéneru y el so apueste personal por esta causa y munches otres a lo llargo la so vida. La cantante y activista fai asinamesmu un respás de la so trayeutoria musical y amuesa’l so ciñu pol país, ufriendo una güeyada perguapa d’Asturies. En rematando la entrevista, Cristina del Valle diz nun entender “el porqué de la situación llegal del asturianu en comparanza coles otres llingües del estáu” y ufre’l so sofitu “a toles persones que tan trabayando pola so diginificación y recuperación”. El programa inclúi tamién l’editorial mensual d’Iniciativa pol Asturianu, emitiéndose como órganu de difusión de la organización, nOnda Peñes, Onda Corvera, Radio Narcea, Radio QK, Radio Parpayuela, Radio Sele, Radio Ujo, AllerFM, Radio L.lena, Radio Kras, Radio Noreña, Radio Nava, Radio Alma (Bruseles)… y puede sentise tamién nes canales d’Iniciativa pol Asturianu n’Ivoox y YouTube. Sentir el programa cola entrevista a Cristina del Valle: 7 d'ochobre, 2013 0 FacebookTwitterPinterestEmail
Europa Francia quier torgar l’envíu gratuitu a Amazon y FNAC by asturnet 4 d'ochobre, 2013 L’Asamblea francesa aprobaba ayeri xueves una propuesta de llei presentada por diputaos de la Unión por un Movimientu Popular (UMP) y secundada pol Partíu Socialista, nel poder que pon al día la llamada llei Lang de 1981. El so oxetivu ye evitar lo que los llibreros independientes consideren una competencia deslleal per parte de los xigantes del comerciu electrónicu, prohibiendo qu’empreses como Amazon, Fnac y similares puedan añedir, al descuentu legalmente autorizáu del 5% nel preciu del llibru, la gratuidá de los gastos d’unviada. Esa práctica ye la del dumping o manipulación a la baxa del preciu del llibru, una práctica restrictiva de la competencia que taría afogando a munchos llibreros independientes yá apuraos pola crisis, sigún les editoriales y los medios de comunicación que pertenecen a emporios multinacionales, pero palos defensores del llibre comerciu nun ye sinon la competencia sana que fai que los precios s’axusten a la realidá y s’acabe col monopoliu de la cultura. La propuesta, presentada primeramente na Cámara baxa del Parlamentu francés, contenía un solu artículu, que modificaba’l primer enunciáu de la llei de 1981 pa establecer que la prestación de la entrega a casa nun puede ser incluyida nel preciu asina fitu. Esto ye, que tien de ser facturada aparte pol comerciante. Una enmienda adoptada pol Gobiernu precisa que dicha torga nun sería aplicable si’l llibru ye retiráu pol comprador nun puntu de vienta minorista de llibros. Esto ye, según la versión actual del testu lexislativu, si’l consumidor tien d’averase a una llibrería a recoyer el so paquete de Amazon o de Fnac.com, entós sí ye llegal nun cobrar polos gastos d’unviada. Na realidá nun ye sinon una torga a la llibre competencia y a la meyoría del serviciu al cliente final, potenciando l’emplegu de intermediarios. El testu tendrá de ser aldericáu nel Senáu antes de volver a l’Asamblea pa la so aprobación final. La ministra de Cultura, Aurélie Filipetti, denunció mientres l’alderique na Asamblea que Amazon practica una estratexa de dumping, de vienta con perda, según informen los medios galos. 4 d'ochobre, 2013 0 FacebookTwitterPinterestEmail
Comunicación Twitter va algamar en Bolsa una valoración 10500 millones by asturnet 4 d'ochobre, 2013 Twitter espera recaldar 1.000 millones de dólares col allugamientu de parte de la so capital a la bolsa de Wall Street nuna estimación que podría ser entá mayor si crez la demanda, superando los 10.500 millones de valoración. La compañía rexistró demientres los primeros seis meses del añu ingresos per valor de 253,6 millones de dólares. L’ingresu de Twitter disparóse un 200% cuando se compara l’exerciciu 2011 y 2012, hasta los 317 millones de dólares. Espérase que llegue hasta los 583 millones mientres anguaño y que s’avere a los 1.000 millones en 2014, para en 2015 algamar a los 1.300 millones. Na última información unviada al supervisor bursátil, Twitter, qu’escueye’l símbolu TWTR, indica que los sos ingresos crecieron un 107% comparáu colos primeros seis meses de 2012. Esti datu, sicasí, amuesa una moderación na crecedera de la cifra de negociu que puede refundiar dalguna solombra, al pie de los riesgos que señala de cara al futuru. Tamién indica que rexistró perdes de 69,3 millones ente xineru y xunu. L’estrenu podría tener llugar a final d’ochobre o empiezos de payares. Twitter fala d’una rápida crecedera nel so negociu y ta amenorgando en paralelu les perdes. Pa tou 2012, tuvo unes perdes de 79,4 millones, menos que los 128,3 millones en 2011. 4 d'ochobre, 2013 0 FacebookTwitterPinterestEmail
Música El Club Musical fina en TPA su primer temporada con DRD by asturnet 4 d'ochobre, 2013 Lúltimu capítulu de la primer temporada del programa El Club Musical (TPA, domingu 11:30 h.) ta protagonizáu pol tríu DRD, con diez años de vida yá a recostines y un trabayu de renovación de la música tradicional asturiana bultable y novedosu. Creaos pa participar nun ciclu de conciertos tituláu Folk de cámara, deciden siguir como grupu estable y empiecen a estudiar la tradición musical asturiana y a investigar les sos posibilidaes nun llinguaxe sonoru más contemporáneu. DRD ya foi protagonista d’otros espacios en llingua asturiana en temporaes pasáes, como asocedió cola so apaición nel espaciu “Nós”. Con dos trabayos discográficos publicaos DRD gocia dun gran prestixu na escena folk, mostrándose como unos grandes instrumentistes, compositores y arreglistes de los ritmos y estilos de la tradición sonora del país, de la quellos tienen una conocencia fonda. Rubén Bada (buzuqui), Dolfu R. Fernández (violín y voz) y Borja Baragaño (flauta) lleven la música asturiana a una dimensión nueva, faciéndola atractiva y moderna. Con esti capítulu llégase al final de la primer temporada dEl Club Musical (en total foron trece), per onde pasaron dellos de los grupos y intérpretes más emblemáticos del panorama musical asturianu: Blues & Decker, Lorena Álvarez y su Banda Municipal, Crudo, El Patio de tu Casa, Alexandra in Grey, Toli Morilla, Skama la Rede, Doctor Explosion, Pauline en la Playa, Patrulla Dixie, Delagua, Misiva y DRD, quabarquen estilos comol rock, pop, punk, jazz, canción dautor, indie o folk, cantaos nasturianu, castellanu y inglés. Dende los responsables del proyectu, Goxe Producciones, manifiesten el so enfotu en que, dada la mui bona acoyida entel públicu y los músicos, la TPA decida siguir cola emisión desti espaciu nun futuru próximu. Amás dello, quieren agradecer a tol equipu involucráu nel programa la so profesionalidá y la disponibilidá y apoyo de la escena musical del país. 4 d'ochobre, 2013 0 FacebookTwitterPinterestEmail
Educación Baleares podría allargar el cursu escolar al 30 de xunu by asturnet 4 d'ochobre, 2013 Baleares amaneció esti vienres cola amenaza d’Educación qu’alvirtió a los fuelguistes de que se prepara p’allongar el cursu escolar 2013-2014 hasta’l 30 de xunu. Unes mil persones, la marea verde con camisetes pola educación pública ensin retayos, diéronse cita esti xueves delantre la see gubernamental de la Conseyería d’Educación en Palma pa sofitar al comité de fuelga. Los delegaos sindicalistes, dos decenes, llantaronse nel interior de la sala de xuntes pa forzar la torna de la delegación gubernamental, que diera por rematada la maratoniana sesión, ensin alcuerdu. Esti xueves, los dos partes, fuelguistes y Gobiernu, van volver a la mesa de diálogu coles estorbises de la implantación de les clases n’inglés, el trillingüismu del TIL (Tratamientu Integráu de Llingües) y la llei de símbolos, que contempla multes d’hasta 10.000 euros por esibir nes escueles la senyera catalana. L’anunciu de la previsión oficial d’enllargar el calendariu escolar y les clases hasta entráu’l branu ye un elementu de presión a los docentes y, especialmente, un xestu ante la opinión pública y les families de los escolares afectaos. El Gobiernu trata de compensar el tiempu que perdieron los alumnos, que tendrán de recuperar nel currículu. Asina lo aseguró Guillem Estarellas, home fuerte de la Conseyería d’Educación y negociador central nel conflictu llaboral y social. 4 d'ochobre, 2013 0 FacebookTwitterPinterestEmail
Política IX alvierti al presidente qu’el so cambéu de camín na reforma electoral pon en riesgu la estabilidá del Gobiernu by asturnet 3 d'ochobre, 2013 El coordinador d’IX Asturies, Manuel González Orviz, alvirtió esta mañana al presidente d’Asturies, Javier Fernández , que la so posición sobre la reforma de la llei electoral pon en riesgu la estabilidá del so gobiernu. El líder d’IX criticó que’l PSOE, tres comprometese a la reforma, aprobase colos sos votos la propuesta del grupu d’espertos de la Comisión Electoral y, tres la so presentación a trámite, se descuelgue. Queremos mandar un mensaxe d’atención al Presidente, al presidente Javier Fernández: sabe que se ta xugando la estabilidá, puede malbaratar el difícil equilibriu parlamentariu frutu de les elecciones. Él va saber lo que quier, si caltener el estatus actual o apurrir la llave de la gobernabilidad a la derecha. Manuel González Orviz refugó que los compromisos del PSOE puedan dase por cumplíos pol fechu de presentar a la so tramitación la llei de reforma, más cuando, agora, los socialistes falen de una mayoría reforzada. N’Izquierda Xunida tamos cansaos yá de l’actitú del Partíu Socialista del permanente incumplimientu de los alcuerdos qu’algama coles fuerces polítiques. Nun nos gusta la lletra pequena de los contratos. Eso ye pa los tahúres, pa la gran banca y el capital. Nós somos de la xente qu’un apertón de manos significa un contratu. 3 d'ochobre, 2013 0 FacebookTwitterPinterestEmail
Política Andecha Astur critica l’actitú del estáu pa con Asturies by asturnet 2 d'ochobre, 2013 QuAsturies seya la comunidá del Estáu na que más baxa la inversión estatal dexa nidio tantu la política daniquilación a la que somete España a Asturies, comu la incapacidá cuandu non complicidá del Principado ye la crítica que fai esti día la organización nacionalista Andecha Astur darréu de les caberes noticies que sobre’l Presupuestu de 2014 se supieren. Sigún Andecha “una vuelta más, les polítiques discrimitatories del Estáu español pa col nuesu país tornen a ser evidentes: Asturies ye la comunidá na que más baxa la inversión estatal en 2014, y failo en condiciones: frente a una media estatal dun amenorgamientu dun 7,1%, nAsturies los retayos algamen el 31%.” Les cifres falen por sigo mesmes, y una vuelta más dende Andecha Astur tornamos a denunciar la política daniquilación a la que mos somete lEstáu español, hipotecandol nuesu presente y fundiendol nuesu futuru; y el patetismu y la incapacidá del Principado, tantu comu istitución impuesta dende Madrid comu en cuantes a los políticos ellí representaos que nun pasen de ser xestores alministrativos dun gobiernu sucursal, valeru de conteníos y de voluntá política. Andecha Astur considera quun gobiernu que pretenda representar a los asturianos nun pue permanecer infinitamente calláu y servil énte les contines agresiones del Estáu español, y acusa al Principado de ser a la fin un cómpliz necesariu de les polítiques de destruición del texíu económicu y social asturianu. 2 d'ochobre, 2013 0 FacebookTwitterPinterestEmail
Sociedá Un anunciu sexista y denigratoriu de l’Academia la Publicidá pa ensalzar a la RAE prende les redes sociales by asturnet 2 d'ochobre, 2013 L’Academia de la Publicidá vieno siendo esti día’l blacu de toles crítiques de les redes sociales por ellaborar un anunciu sexista pa rindir homenaxe a la Real Academia Española nel so tercer centenariu y que ta provocando tamién les crítiques de les asociaciones feministes “pol so conteníu sexista y discriminatoriu escontra la muyer”. L’anunciu amuesa una muyer que fala como si fora una ignorante regaña al so fíu porque ésti tiró al suelu un bote d’artimora y agora tóca-ya ella llimpialo. Darréu llega’l dicionariu de la RAE, que llimpia, fixa y da rellumanza. Y asina, de sópitu, la madre dexa de ser vulgar, fala como si fora Lope de Vega y la cocina queda ‘niquelada’ . La Federación de Muyeres Progresistes, la d’Asociaciones de Muyeres Separaes y Divorciaes y la Fundación Muyeres emitieron un comunicáu conxuntu pidiendo a la RAE que desautorice l’anunciu. “Esta ye la oportunidá por que la RAE asitiar nel camín escontra la igualdá ente homes y muyeres”, sorrayen les asociaciones, que denuncien tamién que la institución académica nun se caracteriza precisamente por promover la igualdá nel so propiu organismu. “Nos sos 300 años d’hestoria, apenes ocho mujer fueron académiques de la llingua; y de los sos 43 miembros actuales, namá siete mujer son académiques”, recuerden les feministes. 2 d'ochobre, 2013 0 FacebookTwitterPinterestEmail
Sociedá El paru xorrez nel sector servicios d’Asturies penrriba l’Estáu by asturnet 2 d'ochobre, 2013 El númberu de trabayadores inscritos como paraos n’Asturies xorreció nesti pasáu mes de setiembre en 2.263 persones lo que supón un 2,37 por cientu y fai algamar una cifra total de 101.922 paraos nel país, convirtiéndose la quinta mayor xuba relativa de tol Estáu. L’aumentu de 2.263 paraos en setiembre n’Asturies debióse sobremanera al comportamientu negativu del sector servicios, tantu nel subsector de la cultura como0l de la Restauración, onde’l desempléu elevóse en 2.339 persones, del colectivu ensin emplegu anterior, con 237 y tamién n’industria (45), y n’agricultura (28). La xuba relativa del paru n’Asturies ta bien penriba de la rexistrada nel conxuntu del país, onde xorreció en 25.572 paraos, un 0,54% al respecto d’agostu, el so meyor datu nun mes de setiembre dende’l 2007. Col mentáu xorrecimientu ponse fin a seis meses siguíos de cayíes y el númberu de paraos sube hasta los 4.724.355 paraos, según informó esti miércoles el Ministeriu d’Empléu y Seguridá Social. 2 d'ochobre, 2013 0 FacebookTwitterPinterestEmail
Política IX denuncia qu’Asturies va recibir en 2014 5 vegaes menos que’l restu de les CCAA by asturnet 1 d'ochobre, 2013 Izquierda Xunida refugó esta mañana los presupuestos Xenerales del Estáu, qu’al aplicase van suponer un agraviu comparativu p’Asturies y la vuelta de tuerca definitiva pal esmantelamientu del Estáu del Bienestar. El coordinador de la formación, Manuel González Orviz escenificó’l maltratu del Gobiernu del PP para col Principáu esplicando que, per cada euru conseñáu pa 2014 p’Asturies, el restu de les comunidaes van recibir, de media, 5 euros. González Orviz refugó entrar nel analís pormenorizáu de les cifres yá que, dixo, les cifres macro despinten el drama qu’estes cuentes van acarretar pa millones de persones, que se van vese afectaes por retayos en tolos ámbitos. Los presupuestos de 2008 a 2011 del PSOE, y del 11 y 12 del PP lo que fixeron foi desmontar l’Estáu Social. Cargase la Llei de Dependencia, cargándose la sanidá, la educación etc, etc. 1 d'ochobre, 2013 0 FacebookTwitterPinterestEmail