Sociedá Entamen les XXXII Xornaes Internacionales d’Estudiu de l’ALLA by asturnet 5 de payares, 2013 Les XXXI Xornaes Internacionales dEstudiu, qu’organiza lAcademia de la Llingua Asturiana entamaron esta mañana cola presentación del númberu 109 de la revista oficial de l’ALLA, Lletres Asturines, y el númberu 3 de la revista de divulgación científica Ciencies. L’actu cuntó cola presencia de la decana de la Facultá de Filosofía y Lletres, Cristina Valdés, y cola Vicerrectora de Investigación, María Paz Suárez Rendueles, que falaron n’asturianu pa amosar la collaboración dafechu de la Universidá tanto coles Xornaes como coles revistes que se presentaben. Como cada añu les Xornaes desendólquense nel salón dactos de la Facultá de Filosofía y Lletres y la inauguración tuvo llugar cola presentación la edición dixital del Lletres Asturianes 109 y el tercer númberu de la revista dixital Ciencies. Cartafueyos de Ciencia y Teunoloxía 3, dixirida por Carlos Lastra. Tres de la presentación entamaron les xornaes propiamente diches con una ponencia del especialista de la Universidá de Michigan Steven Dworkin sobre la “Estabilidad y continuidad léxica en el hispano-romance”, presentáu por el caderalgu Xosé Lluis García Arias. Especialista en filoloxía románica y llingüística hispánica na Universidá de Michigan, la so área d’investigación principal ye la hestoria de la llingua española, con énfasis na evolución nel tiempu del léxicu español, y la naturaleza del cambéu d’idioma. Esti mesmu martes pela tarde, a partir de les 16 hores, vendrán, tres de otra aponencia sobre “Nuevas perspectivas en Sociología del lenguaje y lenguas minoritarias” d’Amado Alarcón de la Universidfá Rovira i Virgili, les primeres comunicaciones del programa: Una cuestión de terminoloxía xuridica, de Nicolás Bartolomé Pérez; Tratamientu del monollingüismu asturianu nel curriculu d’Asturies, d’Iris Díaz Trancho; “L’asturianu y les nueves tecnoloxíes: datos d’una encuesta d’usos llingüísticos” d’Inaciu Galán y González; “La comunicación audiovisual y multimedia en llingua asturiana” de Próspero Morán López y Percepciones y conciencia del asturianu en dellos estudiantes d’español pa estranxeros de la Universidá d’uviéu, de Marta Mori y María Prieto, pesllando la metá de la tarde con un alderique y posa. La segunda parte de la tarde, de magar les 18:45 hores, va tener espaciu pa la ponencia Lengua y escuela. Un modelo de enseñanza como garantía de los derechos lingüísticos de Moisés Selfa Sastre, de la Universidá de Lleida. Y depués, Isabel Hevia Artime, de la Universidá d’Uviéu siguirá con Valor cultural y educativu de la llingua asturiana. Na segunda xornada, la del miércoles 7, que va entamar a les cuatro la tarde, podrá sentise la ponencia Al ritmu de los díes de la vida propia: Una mirada circunstancial sobre poesía nueva de Xosé Bolado, y, depués del alderique, cuatro comunicaciones a partir de les cinco la tarde: El modernismu na lliteratura asturiana, de Xosé Ramón Iglesias Cueva; Había un conde n’Asturies_ asturianos na lliteratura baxomedieval francesa, de David Guiardado; “Los pecheros asturioanos a fines de la Edad Media” d’Andres Martínez Vega y Cuadernu de Notes d’un notariu de San Pedru de Teberga, de Raquel cuétara. Como dempués de cada bloque de ponencies, un alderique y posa. A les 18:15 vuelven les ponencies con Determín de comportamientos xeneracionales nel Surdimientu, de Xuan Santori; La torna de la obra poética d’Ausiàs March al asturianu, de Pablo Suárez García; y Les llechares: una aproximación a la primera poética de Rubén d’Areñes, de Pablo Rodríguez Medina. A les siete y cuartu habrá un nuevu alderique y darréu d’elli la ponencia “Pepín de Pría y sus apostillas al Vocabulario de Rato y hevia” de Beatriz Hernán-Gómez Prieto de la Universitá degli Studi de Milán. La encargada dabrir la tercer y cabera xornada, a partir de les cuatro la tarde, sedrá Myriam Benarroch de la Universidá de Paris-La Sorbonne colla ponencia “La especificidad del asturiano vista a través del D’ERom” y tres del alderique cuatro nueves ponencies: “Dellos anfglicismos nel dominiu llingüísticu ástur” por Xosé Lluis García Arias, “La hidrotoponimia nel Valle de Santa Bárbola por Xulio Llaneza Fernández, “Los pronomes personales en Senabria” de Xuan Xosé Lajo y “PER,POR y PARA nel asturianu medieval” de Clara E. Prieto Entralgo. Dos ponencies servirán esti añu de pieslle a les Xornaes: una de la profesora de la Universidá de Lorraine Anne-Marie Chabrolle-Cerretini sobre “La lengua asturiana en los textos lingÑüísticos y diccionarios fgrancófonos” y una segunda de Michael Metzeltin de la Universidá de Viena sobre “L’asturianu ente les llingües romániques”. Les Xornaes son de llibre asistencia. 5 de payares, 2013 0 FacebookTwitterPinterestEmail
Política Compromisu diz que’l Tripartitu asturianu ye más pepero que’l PP. by asturnet 30 d'ochobre, 2013 Daniel Fernández, como voceru nacional de Compromisu por Asturies, destacó que Asturies ye la Comunidá Autónoma con más superávit n’agostu, un 0,34 % del PIB, cuando’l desempléu nel tercer trimestre de 2013 llega a 115.900 persones. Pa Compromisu por Asturies el Tripartitu que sofita al gobiernu asturianu de PSOE, IX y UPyD ye anguaño más pepero- que’l PP, asina ta primando cumplir les esixencies de Madrid y de la Troika frente a la supuesta principal esmolición del executivu que sofiten, que dicen ye l’empléu, onde por contra si tamos a lo cabero de too l’Estáu, algamando cifres récord nel tercer trimestre de 2013 con 115.900 paraes y paraos, lo que ye a cencielles insultante. Dende Compromisu por Asturies señalen que el superávit del 0,34 % del PIB de Asturies respuende a l’alloñanza de PSOE, IX y UPyD de los problemes de la xente, y a un executivu muncho más esmolecíu con nun fadiar en Madrid qu’en defender los nuesos intereses como asina reconoció’l mesmu Javier Fernández nel Alderique d’Orientación Política apocayá celebráu ya que lo qu’el nuesu Presidente entiende por llealtá institucional ye nun cafiar nin faer enforma ruiu cuando se tán pisando los intereses dAsturies, porque somos la Comunidá Autónoma peor tratada nos Presupuestu Xenerales d’Estáu, ensin qu’esti gobiernu tenga pensáu faer absolutamente nada. Compromisu por Asturies recuerda que Asturies tien una llende de déficit del 1,06 % pal exerciciu 2013, pero prefieren aplicar a raxatabla les polítiques d’austeridá del PP y de la Troika, anque ello sía condergar al desempléu a una cantidá inadmitible d’asturianes y asturianos, aumentu del paru que se produz a pesar del éxodu masivu de moces y mozos que nun tienen nenguna oportunidá llaboral nin personal na so tierra lo que Daniel Fernández calificó de indolencia d’unos partíos que sofiten un gobiernu inerte, más esmolecíos poles sos temes internos que polos problemes de la ciudadanía, con un PSOE que solo quier siguir gobernando, una IX atada polos sos problemes de corrupción y UPyD que convirtió a Asturies nun campu de batalla contra Catalunya concluyó. 30 d'ochobre, 2013 0 FacebookTwitterPinterestEmail
Política IX y Foro encamienten partíes económiques nos presupuestos xenerales del Estáu pala Academia de la Llingua Asturiana by asturnet 30 d'ochobre, 2013 Izquierda Xunida y de Foro Asturies presentaron esti martes nel Congresu de los Diputaos delles enmiendes pa que los Presupuestos Xenerales del Estáu del 2014 incluyan una partida pa l’Academia de la Llingua Asturiana, que ye la única Academia que nun recibe fondos del Estáu. El forista, Enrique Álvarez Sostres pide 143.000 euros, ya IX reclama 75.000, nun exemplu nidiu de la falta de perspeutiva xeneral alrodiu d’estes cuestiones que tienen los partíos asturianos. Nuna nota de prensa asoleyada esti día por Iniciativa pol Asturianu, esta asociación espresaba’l so agradecimientu a dambes formaciones polítiques, coles que s’aconceyara¡l presidente d’Iniciativa, Inaciu Galán nel Congresu de los Diputaos, en Madrid, nel mes de febreru. D’aquellos conceyos, esplica l’asociación nesa nota de prensa “surdieron dalgunos compromisos, como foi la busca d’una partida nos Presupuestos Xenerales del Estáu pa l’Academia de la Llingua Asturiana (ALLA), única academia de toles de les llingües del estáu español que nun tien nenguna partida asignada”. Y darréu d’ello confirmase agora la presentanción d’enmiendes a losPresupuestos per parte d’Izquierda Unida, (que yá presentar l’añu pasáu nel Senáu), y de Foru. Les enmiendes permitiríen que l’Academia cuntará la primer vez na historia con un presupuestu del gobiernu central pa financiase distintu del del Principáu que ye l’únicu del que dispunxo a lo llargo de tola so hestoria. 30 d'ochobre, 2013 0 FacebookTwitterPinterestEmail
Patrimoniu Los ecoloxistes del Patronatu del Parque Nacional de los Picos d’Europa denuncien que falta vixilancia y prevención by asturnet 30 d'ochobre, 2013 Los ecoloxistes del Patronatu del Parque Nacional de los Picos d’Europa alertaron esti martes de nueves quemes nesti entornu protexíu, denunciando al mesmu tiempu, tres d’un fuéu declaráu de madrugada, la falta vixilancia y prevención de les quemes forestales polos órganos xestores. Ficiéronlo nuna nota de prensa, na que tamién reclamaron que “el delitu de quema forestal s’escuerra sin pausa y sin tregua, con tolos medios posibles”, Los ecoloxistes atalanten que “si nun s’aplica la condena penal, prescíndese d’una ferramienta fundamental pa frenar que los que cometen les agresiones por intereses económicos al Patrimoniu Natural testeren nello”. Darréu d’ello soliciten que s’aplique “con rigor dafechu la Llei de Montes y se prohiba tou accesu de ganáu a les zones quemaes hasta la so completa rexeneración”. 30 d'ochobre, 2013 0 FacebookTwitterPinterestEmail
Patrimoniu Vezos dedica a la comunidá gallega los sos VI Alcuentros by asturnet 30 d'ochobre, 2013 El Conceyu de Cultura Tradicional “Vezos Astures” entama un añu más los alcuentros cola cultura tradicional, qu’esti añu na so VI edición van dedicadase a la comunidá gallega, d’onde van venir dellos investigadores a impartir unes charres y talleres el sábadu día 9 de Payares nel Antiguu Institutu de Xixón. La xornada, d’accesu llibre y gratuitu, entama a les 11 la mañana con una conferencia sobre “Ritos y tradición oral na nueche de tolos santos” a cargu de Bertu Peña, etnógrafu de la Fundación Belenos (Asturies), darréu seguimos con “A i-aña: ritual de les llabraes na comarca de O Condado” a cargu del grupu “O Tear de Llerena” (Pontevedra). Fadráse una posa pa xintar y de tardi a partir de les 17:00 hores va entamase un taller de los bailles rellacionaos colos ritos del meíz nel sur d’Ourense y otru taller de baille tradicional asturianu. Son munchos los que s’alleguen d’otres rexones pa estos alcuentros xenerando un braeru intercambiu de cultura tradicional na ciudá al que tamos toos covidaos. Los alcuentros van rematase nuna espicha con música en diréutu a cargu de “La Bontourné”. El Conceyu de Cultura Tradicional Vezos Ástures ye una asociación que tien como oxetivu recoyer, estudiar y espublizar el conxuntu de tradiciones asturianes, especialmente los aspeutos rellacionaos cola música, el baille y los elementos etnográficos que lleven acomuñaos. Más información na páxina web del Conceyu Vezos Astures 30 d'ochobre, 2013 0 FacebookTwitterPinterestEmail
Fiestes Conceyu Abiertu por Llangréu llama a Festexos y al Ayuntamientu a “comprometese cola nuesa cultura” by asturnet 30 d'ochobre, 2013 Esti pasáu fin de selmana desendolcose en La Felguera una Feria Andaluza entamada pola Sociedá de Festexos San Pedro y que cuntó cola collaboración activa del Ayuntamientu de Llangréu y delles entidaes y empreses privaes escontra la que se manifiesta darréu Conceyu Abiertu por Llangréu por mor de la incoherencia cultural que presentara l’actividá. Nuna nota de prensa asoleyada esta selmana, Conceyu abiertu diz que “leventu presentó un programa con munches actividaes que pretendíen averar a los llangreanos la realidá cultural dAndalucia, al tiempu que trataba de dinamizar la zona de Llangréu Centru. Según los organizadores la feria foi un ésitu, anque la constante foi una irregular asistencia a la mesma, habiendo munches hores ondel recintu tuvo cuasi vaciu. Dende Conceyu Abiertu por Llangréu yá refugamos nel so día esti tipu de cellebraciones, la última vegada en Sama esti mesmu añu”. Les razones que lleven a la organización a refugar la cellebración desti tipu deventos flamenquistes en Llangréu son les que vienen darréu: – La utilización política ya ideolóxica de la cultura del Pueblu Andalú. Los poderes públicos lleven delles décades tratando dafitar la cultura denomada flamenca o andaluza polos dellos países del Estáu Español col envís de manipular la cultura propia y crear una uniformidá na identidá de los pueblos artificial ya interesada. – La visión sesgada y simplaya que se da de la cultura ya identidá andaluza nestos eventos, lo que mos reafirma nel sen de que lo únicu que busquen cola promoción destes cellebraciones ye la sustitución de la identidá nacional asturiana por una identidá única, que representaríal modelu cultural de la nación española. – Larrequexamientu y progresivu desaniciu de la cultura, llingua ya identidá propia dAsturies y Llangréu. Cada vuelta más les nueses señes propies queden relegaes a un segundu planu nes propuestes socioculturales que sentamen nos conceyos del nuesu país. Un exemplu ye la decadencia na que sumieron a eventos comol Tolo dAsturies o la falta de drechos llingüísticos de les persones asturfalantes, munches vecines de nueso. – El más que posible espilfarru de perres públiques nun eventu que nun revierte cuasi dineru nel nuesu conceyu. Pesie que dende la Sociedá de Festexos San Pedro falen désitu al referise a la Feria Andaluza, son poques entidaes privaes les que van llevar los beneficios, si los hai. Amás, entendemos que la inversión pública del Ayuntamientu tien de destinase nestos momentos a otru tipos de coses, y nel casu de dir a ociu y cultura entendemos que podría apoyase a grupos musicales dequí, actividaes venceyaes a la nuesa cultural, como amagüestos populares, etc. Asina, dende Conceyu Abiertu por Llangréu llamen a la Sociedá de Festexos San Pedro y al Ayuntamientu de Llangréu a “comprometese cola nuesa cultura y fuxir del flamenquismu, que nun supón más quaculturización pa Llangréu y Asturies. Tamién llamamos a la responsabilidá social destes entidaes, sabiendo percibir prioridaes nun conceyu que cada vuelta más marxina la so cultura propia pero tamién el bientar de los sos vecinos”. 30 d'ochobre, 2013 0 FacebookTwitterPinterestEmail
Comunicación ATLANTICA XXII publica los sobresueldos del PP d’Asturies by asturnet 30 d'ochobre, 2013 El cobru de sobresueldos ente los dirixentes del PP, que desvelaron los papeles de Bárcenas, nun beneficiaba solamente a la cúpula del partíu de la cai Xénova sino qu’amás n’Asturies tamién yera la práctica habitual, sigún va espublizar mañana nel so últimu númberu ATLÁNTICA XXII con un ampliu reportaxe de Fernando Romero. Sigún adelantaba la revista na so web esti día, el periodista tuvo accesu a les cuentes del PP asturianu de 2010, que reflexen esos sobresueldos de los que se beneficiaben los sos dirixentes y el que más cobró esi añu foi l’entós presidente y agora diputáu nel Congresu Ovidio Sánchez, que s’embolsaba 6.000 euros mensuales en dos sobresueldos distintos, al marxe del so sueldu. Esti númberu 29 de la revista tamién va informar, nun reportaxe d’Elena Plaza, de la imputación de trés persones, ente elles la ex xefa de Puertos del Principáu, pola esviadura de dineru n’obres executaes nos puertos asturianos de Puertu de Vega, Viavélez y San Esteban. Y ente los munchos trabayos que recueye’l númberu 29 tamién destaca otru artículu, de Xuan Cándano, que detalla les causes que llevaron a la dimisión na alcaldía de Cuideiru de Gabriel López, lo qu’anició una crisis municipal ensin precedentes que va poner el Gobiernu d’esi conceyu en manos d’una xestora. Otra información de Lucas Padilla desvela’l funcionamientu del sindicatu Manos Llimpies y la so intención de formar un partíu políticu que compita nes elecciones ocupando’l llugar del populismu d’ultraderecha qu’entá nun cuayó n’España. La revista, qu’inclúi otros munchos artículos y entevistes nos sos 80 páxines habituales, pue adquirise nos puntos de vienta habituales d’Asturies, Madrid y Llión (Vil.lablinu y Villaseca de L.laciana) a partir del 31 d’ochobre. Web d’Atlantica XXII 30 d'ochobre, 2013 0 FacebookTwitterPinterestEmail
Lliteratura Les XII Xornaes de Lliteratura Infantil y Xuvenil de Samartín del Rei Aurelio entamen en Payares con talleres y teatru by asturnet 30 d'ochobre, 2013 Les XII Xornaes de Lliteratura Infantil y Xuvenil de Samartín del Rei Aurelio dirixíes a escolinos de toles edaes entamen el próximu llunes 4 de payares cola principal novedá desti añu de los talleres de llectura entamaos dende la Oficina de Normalización Llingüística de Samartín del Rei Aurelio en collaboración cola asociación Bocina Nalón y la Oficina dInformación Xuvenil del conceyu. La Conceyalía de Cultura, Educación, Igualdá y Deportes de Samartín del Rei Aurelio va celebrar esti mes de payares la décimosegunda edición de les sos Xornaes de Lliteratura Infantil y Xuvenil. La programación inclúi espectáculos teatrales, talleres infantiles y esposiciones dirixíes a los escolinos del conceyu colos que se pretende fomentar los vezos llectores y foi presentada esta selmana nel Ayuntamientu de SMRA. Estes xornaes abarquen les artes escéniques y les lletres cola finalidá danimar a la llectura a la infancia y la mocedá. Naguamos por educar dende lentretenimientu con una programación de calidá, acercando a la población escolar les últimes producciones teatrales y lliteraries. Tamién queremos sorrayar les creaciones de los autores del conceyu señaló la conceyala de Cultura, Educación, Igualdá y Deportes, Gema Suárez nesta presentación na que tuvieron tamién presentes representantes de les asociaciones collaboradores. La principal novedá desti añu son los talleres de llectura entamaos dende la Oficina de Normalización Llingüística de Samartín del Rei Aurelio en collaboración cola asociación Bocina Nalón y la Oficina dInformación Xuvenil del conceyu. Nellos van llevase a cabu xuegos y actividaes rellacionaes colos llibros Marta y el peludín de Carrandi de Chechu García y Tapín de Picupáu de Pablo Rodríguez Medina. La inscripción nestos talleres ye de baldre y van desendolcase tolos vienres del mes de payares a les 6 de la tarde na Casa de la Xuventú de Sotrondio y na Casona del Bravial de Blimea respeutivamente. En cuanto al teatru van representase nel Teatru Municipal obres destinaes a tolos ciclos de primaria, como Un gallinero en la azotea, Cuatro hojas y la máquina fantabulosa, Por las nubes o El pelegrín valiente, adautación esta última del cuentu dAntón García fecha pola compañía Nun Tris Teatru. Tamién va haber teatru nes escueles infantiles cola obra de Carlos Alba Sol, luna, arriba y abajo. Les xornaes complétense coles esposiciones sobrel llibru Mieu nel colexu dEl Bosquín de LEntregu y la muestra Hai una ringlera trazada, sobre los escritores del conceyu, que se va poder visitar na Casa de la Xuventú de Sotrondio y na Casona del Bravial. 30 d'ochobre, 2013 0 FacebookTwitterPinterestEmail
Música El Teatru Prendes de Candás estrena “Palabres” del Grupu San Felix los díes 8 y 9 de payares by asturnet 30 d'ochobre, 2013 El Teatru Prendes de Candás (Carreño) acueye la estrena del espectáculu escénicu “Palabres”, los díes 8 y 9 de payares pol Grupu de Baille San Félix de Candás que presenta la obra basada nuna idega orixinal del escritor Xurde Fernández, en coproducción col propiuTeatru Prendes, . La propuesta tien un nidiu calter multidisciplinar y axunta música, baille tradicional, lliteratura y arte audiovisual nun espectáculu únicu del que ya amosó avances el grupu n’imporantes actuaciones como les que lu llevaron a Lorient. PALABRES ye un espectáculu del Grupu de Baille San Félix de Candás que, en coproducción col Teatru Prendes de Candás, desendolca una idea orixinal del escritor Xurde Fernández (Candás,1975). Nella, la música, la lliteratura, la danza tradicional y l’arte audiovisual conviven nun mesmu espaciu escénicu, xenerando asina un discursu artísticu nuevu que s’articula alredor d’un doble oxetivu: el respetu a la tradición propia; y la anovación y creación de víes d’accesu afayadices p’atraer a nuevos públicos interesaos en reflexonar sobre’l propiu conceptu de tradición. Pa ello, l’espectáculu PALABRES cuenta con música en directu, de nueva creación, compuesta pola cantante y contrabaxista Mapi Quintana y el curdionista Marcos García. Tarán acompañaos n’escena pol guitarrista Rubén Bada, el multipremiáu percusionista Fernando Arias y el trompetista holandés Thomas Welvaadt. La música arropará a los escritores Aurelio García Ovies, Xandru Fernández, Pablo Texón, Concha Quintana, Elías Veiga y Xosé Miguel Suárez que lleerán fragmentos de la so obra en directo, iguando’l discursu sobre’l que s’articula l’argumentu de la obra. Les empreses de producción audiovisual Señor Paraguas y Proima-Zebrastur axunten al espectáculu un trabayu sofitáu n’elementos de lluces y solombres, clips de videu, pantayes que modifiquen les percepciones del públicu y xuegos audiovisuales que completen la propuesta de PALABRES. Too ello cola misión d’ufiertar nuevos puntos de vista dende los qu’analizar la realidá llingüística asturiana danguañu. 30 d'ochobre, 2013 0 FacebookTwitterPinterestEmail
Sociedá El sector cultural ta en caída llibre sigún l’Anuariu de la SGAE by asturnet 30 d'ochobre, 2013 España cunta con un sector, el de los bienes y servicios culturales, que va al debalu, en cayida llibre y global. En dellos casos, especialmente’l de la danza, el descensu ye en picáu, hasta’l puntu de que s’atopa en trance de desapaición, en palabres de Francisco Galindo, secretariu de la Fundación SGAE, entidá responsable del anuariu la entidá qu’acaba de presentar estos datos peresmolecedores. La situación ye complicada. Falamos d’un añu nel qu’hai una baxada importante en toles industries rellacionaes cola cultura, en munchos casos alredor d’un 10 % y que remata un quinqueniu tarrecible, nel que, perdimos un 30% nes artes escéniques, diz Antonio Onetti, presidente de la Fundación El tonu del informe ye, dende la so primer frase, revelador: En 2012, un añu más, los descensos acusar en tolos ámbitos del sector cultural analizaos. Lo que sigue son 40 páxines de males noticies esbillaes actividá per actividá. En teatru, comparando los datos de 2012 colos del añu anterior, el descensu foi del 10,44 %; del 9,8 % n’asistencia y del 8,32 % en recaldación. El teatru baxó en toos el indicadores esistentes, diz Onetti, que nin siquier confía en que l’emburrión que-y dio l’estáu nos presupuestos pa 2014 vaya a ser definitoriu. Nel casu del cine la situación nun ye menos precoupante: el númberu de sesiones cayó un 10,95 %, con un amenorgamientu del 13,51% nel númberu d’espectadores, anque la recaldación en taquilla baxa solo un 1,82 % debíu a la medría del preciu de les entraes. Música: mientres el pasáu añu celebráronse 116.446 conciertos n’España, un 4,3 % menos qu’en 2011, con 26 millones d’espectadores y una recaldación de 171,7 millones d’euros, nun sector al que-y ta afectando gravemente’l descensu na contratación per parte de les entidaes públiques. Nin siquier la puxante industria del videoxuegu llibrar d’este sálvese quien pueda. Nun añu perdió un 16%, o lo que ye lo mesmo, 157 millones d’euros menos. 30 d'ochobre, 2013 0 FacebookTwitterPinterestEmail