Música Pablo Valdés actúa esti sábadu nes cenes d’El Sabil by asturnet 23 de xineru, 2014 L’albergue y restorán El Sabil, allugáu nel pueblu de Villanueva en conceyu Santo Adriano, vien entamando esti mes dellos conciertos nes sos cenes de los ábados con actuaciones peles que ya pasaron, ente otros. la cabera selmana David Varela y Anabel Santiago. Esti sábadu ufren una cena conciertu con Pablo Valdés, pudiendo cenar dende los 10 euros. 23 de xineru, 2014 0 FacebookTwitterPinterestEmail
Música Los Yerbatos de Bimanes entamen un cursu de tonada by asturnet 22 de xineru, 2014 Lasociación Los Yerbatos de Bimenes entama un cursu de canción asturiana de baldre y que va ser impartíu por Anabel Santiago. LAsociación Folklórica y Cultural Los Yerbatos entama esti cursu al traviés de la so Escuela de Música Tradicional na Casa Cultura los xueves de 16:30 a 18:30 hores. El cursu ye de baldre y ta dirixíu a residentes nel conceyu, entamando’l 23 de xineru y desendolcándose hasta’l 10 de mayu. Les inscripciones puen facese nel teléfonu. 636 12 38 48. 22 de xineru, 2014 0 FacebookTwitterPinterestEmail
Música Conciertu didáuticu de Daniel de La Cuesta n’Avilés by asturnet 22 de xineru, 2014 Esti xueves, a partir de les 19 hores, nel Centru Municipal d’Asociaciones de Llaranes, Avilés, celebrase un nuevu “Xueves didáuticu” cpm emtrada llibre hasta completar l’aforu. Na xornada d’esti 23 de xineru sedrá Daniel de la Cuesta’l que va ufrir un conciertu didáuticu d’harpa y bandurria. El próximu conciertu d’estos Xueves didáuticos del mes de xineru va ser el día 30 y va cuntar cola cantante de tonada asturiana Anabel Santiago. 22 de xineru, 2014 0 FacebookTwitterPinterestEmail
Política La Fundación Príncipe convoca per primer vegada’l premiu al Pueblu exemplar tamién en llingua asturiana by asturnet 20 de xineru, 2014 La Fundación Príncipe d’Asturies publica esti día na so páxina web la convocatoria al Pueblu Exemplar d’Asturies correspondiente al añu 2014 y, Pela primer vez, el reglamentu pa presentar candidatures pue consultase n’asturianu y en gallego-asturianu, amás del formulariu, que tamién se pue descargar en formatu pdf n’entrambes llingües. Esta iniciativa de la Fundación Príncipe d’Asturies cuntó cola collaboración na traducción del Serviciu de Política Llingüística que fai anuncia tamién de la noticia na so web. El Premiu al Pueblu Exemplar d’Asturies concédese como persaben tolos asturianos “al pueblu, llugar, nucleu de población, espaciu paisaxísticu o grupu humanu del Principáu d’Asturies que destacare de manera notable na defensa y caltenimientu de la so contornada natural, ambiental, del so patrimoniu históricu, cultural o artísticu, n’iniciatives d’impulsu económicu y social o na realización d’obres a comuña o otres manifestaciones de solidaridá estraordinaria”. 20 de xineru, 2014 0 FacebookTwitterPinterestEmail
Tecnoloxía Atopa: un nuevu buscador asturianu pa les webs asturianes by asturnet 20 de xineru, 2014 Un nuevu proyeutu en llingua asturiana vieno acabante d’aportar a la rede nel entamu d’esti 2014 embaxo’l nome d’Atopa y promete enllenar un espaciu que quedara vacíu dende la época d’Ulos, el primer buscador de webs asturianes desendolcáu al tiempu que’l portal Asturies.com a finales de los 90. Atopa ye como un buscador tipu Google, pero sólo de conteníu asturianu y tien ya una estensión pal navegador Chrome, amás de versión pal sistema Android. Atopa básase en software llibre pa recorrer automáticamente les páxines web y quédase sólo coles que tan n’asturianu o en castellanu que traten conteníu asturiano. Atopa esforcióse en dar un serviciu cenciellu a les persones que quieren buscar daqué rellacionao con Asturies. Amás los resultaos de les búsquedes nun tan influenciaos,de manera que lo que ves ye lo que’l buscador considera más acertao. El nuevu buscador acaba de nacer y ta en pruebes, polo que s’anima a aportar webs que puedan ser interesantes nes búsquedes. 20 de xineru, 2014 0 FacebookTwitterPinterestEmail
Comunicación Presente y futuro de la TV n’asturianu nel Atenéu de Xixón by asturnet 20 de xineru, 2014 Esti prósimu martes, 21 de xineru, a les 19,30 hores, nel llocal social del Atenéu Obreru de Xixón (Cai Covadonga, 7 – 1o Izda.), Ástura organiza una charra sobre La llingua asturiana na televisión, que tendrá como base la reciente emisión na TPA (Televisión Autonómica Asturiana) del llargumetraxe dobláu al asturianu El rostro impenetrable, que fuere una esperiencia de doblaxe pionera nel mediu televisivo. Na charra van intervenir: -Naciu Varillas, periodista y escritor, trabayaor de la RPA (Radio del Principáu dAsturies). -Damián Barreiro, periodista, autor del ensayu Lespeyu onde miranos: televisiones de proximidá neuropa Occidental y procesos de recuperación identitaria. -Humberto Gonzali, escritor y xestor cultural, traductor/axustador del doblaxe El rostru impenetrable. Esta actividá ta dientro la collaboración ente les entidaes del Atenéu Obreru de Xixón y de ÁSTURA, pa facer una actividá mensual en torno a la promoción de la cultura asturiana. La entrada ye dafechamente llibre. 20 de xineru, 2014 0 FacebookTwitterPinterestEmail
Plástiques El Muséu de Belles Artes asoleya so calendariu 2014 by asturnet 20 de xineru, 2014 El Muséu de Belles Artes d’Asturies yá tien a la venta’l calendariu d’esti añu 2014 y edítalu, como vien siendo vezu, en tres llingües: asturianu, gallego-asturianu y castellanu. El muséu, organismu autónomu adscritu a la Conseyería d’Educación, Cultura y Deporte del Principáu d’Asturies, lleva publicando dende’l 2008 un calendariu de mesa con un tema monográficu y siempre lo fai nes tres llingües que se falen n’Asturies. Anguaño, cuando se cumplen 400 años de la muerte del Greco, el Muséu de Belles Artes dedica la publicación al Apostoláu del pintor cretense que la pinacoteca asturiana tien en depósitu dende l’añu 2002. Caún de los meses del calendariu va ilustráu con ún de los doce llenzos que componen la colección, una de les tres completes que se puen ver en mundu, amás d’incluyir un testu esplicativu sobre l’Apostoláu y El Greco. Web del Serviciu de Política Llingüística 20 de xineru, 2014 0 FacebookTwitterPinterestEmail
Música El premiu al meyor cantar 2014 escueyese’l 14 de marzu by asturnet 20 de xineru, 2014 El vienres día 17 de xineru publicóse nel Boletín Oficial del Principáu d’Asturies (BOPA) la convocatoria del “Premiu al Meyor Cantar” en llingua asturiana o gallego-asturianu, un gallardón qu’algama yá la so octava edición y col que se pretende visibilizar el talentu de los ceadores musicales qu’usen la llingua asturiana o’l gallego-asturianu en composiciones que sían dafechu orixinales y nueves, y que davezu sirvía pa escoyer a los participantes nel Liet International Festival qu’esti añu entá nun ta convocáu. La gala onde se tien d’escoyer. A esti gallardón puen optar los cantares con lletra n’asturianu o gallego-asturianu que se comercializaren ente’l 1 de xineru y el 31 d’avientu del 2013, siempres que se trate d’obres musicales de creación orixinal tanto na lletra como na música. Queden escluyíes les pieces tradicionales yá esistentes, les versiones o adaptaciones d’obres de creación publicaes orixinalmente n’otra llingua, y los cantares que nun fueren editaos y grabaos por primer vez nel añu 2013. Los intérpretes o grupos interesaos pueden solicitar la so participación hasta’l 30 de xineru, presentando una solicitú en modelu normalizáu, delles declaraciones responsables y un CD onde se recueya la canción escoyida pol grupu o intérprete pa concurrir al premiu, amás del Currículum del solista o grupu, incluyendo rellación nominal de componentes y instrumentos que toquen. Los interesaos tienen d’unviar tamién la lletra de la canción escoyida, debidamente mecanografiada. Convocatoria del Premiu al meyor Cantar 2014 20 de xineru, 2014 0 FacebookTwitterPinterestEmail
Comunicación La revista Vértigu presentó n’Uviéu so versión impresa by asturnet 18 de xineru, 2014 Esti vienres 17 de xineru presentabase en sociedá na capital d’Asturies la edición en papel de Vërtigu, web cultural que lleva un tiempu asoleyando en llingua asturiana información de toa mena. Y facíalo con un númberu especial, con exemplares llimitaos, y con una fiesta, no que yera la so puesta de llargu cola so versión impresa. La presentasión tenía llugar na Sala Whipoorwill, esti vienres 17 de xineru, dende les 22.30 hores, cola participación de David Rionda, como maestru de ceremonies, Losone, Nacho García, Alvarito, Pablo X. Suárez, Alba Ynomas, pinchadiscos de la casa y dalguna qu’otra sorpresina más. La entrada foi llibre, y poniendo un bote pa los músicos, vas poder marchar pa casa con un exemplar especial de Vërtigu. 18 de xineru, 2014 0 FacebookTwitterPinterestEmail
Comunicación Una Uiquimaratón cellebra esati añu en Samartín del Rei Aureliu’l Día Internacional de la LLingua Materna del 21 de febreru by asturnet 18 de xineru, 2014 El 21 de febreru, coincidiendo col Día Internacional de la Llingua Materna va desendolcase nel conceyu de Samartín del Rei Aurelio un taller de presentación del proyeutu y d’edición de la Wikipedia y una Uiquimaratón d’artículos rellacionaos col mesmu (incluyendo la xuba d’imáxenes venceyaos a los mesmos). Na xornada proponse escribir del Conceyu y de la hestoria del mesmu, asina como del so patrimoniu cultural. La Uiquipedia, una enciclopedia llibre en 277 idiomes, tien ya na so versión n’asturianu 19,395 artículos. La enciclopedia dixital más conocida de la rede superó en marzu de 2008 los 11.000 artículos na so edición nasturianu y los responsables de la mesma entamaron dende entós non tanto a medrar en númberu como facelo en calidá de los artículos. Pa ello, entamaron d’aquella la La Quincena a Sestaferia un proyectu col envís dameyorar, enachar y encadarmar la Uiquipedia a lo llargo de quince díes. La idea de los responsables ye facela más útil y afitala como una ferramienta pal espardimientu del asturianu na rede. En Payares de 2013 cellebraríase la segunda edición d’es Sestaferia. La edición n’asturianu de la Wikipedia perpasó n’Ochobre del añu pasáu los 19.000 artículos, con una entrada sobro la ‘Hestoria de la Llingua catalana’ que foi a ser la númberu 19.000. Un fechu que s’algamó dientro de la I Nit de la Llengua al Món Dixital, celebrada en Barcelona y na que Vítor Suárez participó en representación de la llingua asturiana, como Vicepresidente d’Iniciativa pol Asturianu. La Uiquipedia asítiabase asina, depués de cásique 10 años de xera dende qu’entamra en 2004, como l’idioma númberu 100 con más artículos nesta enciclopedia dixital, 63 posiciones perbaxo del puestu 37 qu’ocupaba nel 2005, cuando la ‘wiki’ n’asturianu cuntaba con 3.000 entraes y yera una de les más actives. Anguaño’l crecimientu de la Uiquipedia n’asturianu ye enforma más sele y nun algama les mil entraes por añu, razón pola que se vien agora a sofitar un llamamientu a los interesaos en collaborar pa que seyan más activos. Páxina principal de la Uiquipedia n’asturianu 18 de xineru, 2014 0 FacebookTwitterPinterestEmail