Patrimoniu Ecoloxistes denuncien la contaminación de la cantera Latores by asturnet 17 de febreru, 2014 La Coordinadora Ecoloxista denuncia ante’l Conceyu d’Uviéu, la Conseyería de Fomentu, y la Dirección d’Enerxía y Mines la contaminación acústica que xenera de madrugada la esplotación de la cantera de Latores allugada na proximidá de la localidá de Cellagu nel conceyu d’Uviéu. Dende’l pasáu 1 febreru l’actividá de la cantera empieza a les 5 de la mañana sacante sábados qu’empieza a les 8 hores y el domingu que nun trabayen, cola consiguiente contaminación acústica que resulta bien fadia a los vecinos. El coleutivu vecinal ta fondamente esmolecíu pol impactu de l’actividá a eses hores porque torga’l so normal descansu. 17 de febreru, 2014 0 FacebookTwitterPinterestEmail
Tecnoloxía Los usuarios desconfíen de la llimitación de tases nes tarxetes de creítu by asturnet 17 de febreru, 2014 Los usuarios españoles camienten que la llimitación obligatoria de les tases d’intercambiu tendría un impactu negativu pa ellos y cuasi ocho de cada diez encuestaos nun considera que l’aforru de costos que supondría pa los comercios vaya traducise nuna rebaxa de los precios. Según una encuesta realizada por Ipsos pa MasterCard en 13 países europeos, el 69% de los españoles (65% a nivel européu) cree que la imposición d’un tope ríxidu nes tases d’intercambiu dexaría a los consumidores “en peor situación” de lo que s’atopen anguaño. El 77% d’españoles y el 82% d’europeos piensa que l’aforru de costos pa los comercios nun se vería reflexáu nos precios pa los consumidores. 17 de febreru, 2014 0 FacebookTwitterPinterestEmail
Lliteratura Apaez el númberu 13 de la Revista de Filoloxía Asturiana by asturnet 17 de febreru, 2014 Esti febreru vieno acabante d’asoleyase un nuevu volume de la Revista de Filoloxía Asturiana, publicación científica de la Universidá dUviéu editada pol grupu dinvestigación Seminariu de Filoloxía Asturiana dende va dellos años. El presente fail númberu 13 desta publicación añal, que correspuende al añu 2013. La edición desta revista faise en doble tirada, en papel y formatu electrónicu, siendo esta última de llibre accesu na plataforma Reunido de revistes científiques de la Universidá dUviéu. La RFA publícase ensin nengún tipu dayuda, pública nin privada. Los conteníos d’esti nuevu volume númberu 13 son los que vienen darréu: ESTUDIOS Usu de pruebes paramétriques pal determín duna perspectiva de xéneru na lliteratura asturiana del Surdimientu,por Xuan Santori Vázquez Léxicu asturiano nes xergues gremiales dAsturies,por Ramón dAndrés. ¿Más huellas del neutro de materia en los Siglos de Oro? Algunos testimonios de la región de Madrid,por Sara Gómez Seibane y Delfina Vázquez Balonga El papel de las otras lenguas en la clase de español,por Patricia Fernández Martín. -m´i. Prime considerazioni sulla Negazione in iberico,por Eduardo Blasco Ferrer NOTES ¿Dormir él? Dormiriola. Delles notes sobrol sufixu verbal -iola nasturianu, por Pablo Suárez García NECROLÓXICA María Jesús López Bobo, por Carmen Muñiz Cachón Martín Sevilla Rodríguez,por José Virgilio García Trabazo MATERIALES Topónimos de la parroquia de San Xuan de Navelgas (Tinéu),por Marta López Fernández RESEÑES Jesús García Rendueles, Obres (in)completes de don Enrique García-Rendueles (1881-1955) [Ramón dAndrés]. José Enrique Gargallo Gil, Maria-Reina Bastardas (eds.), De geolingüística i etimologia romàniques [Ramón dAndrés]. Bruno Camus Bergareche, Sara Gómez Seibane, El castellano del País Vasco [Ramón dAndrés]. M.ª Isabel González Rey (coord.), Unidades fraseológicas y TIC [Patricia Fernández Martín]. DiaTech. Herramienta para la dialectometría/Dialektometriarako erraminta [Ramón dAndrés] Crónica 17 de febreru, 2014 0 FacebookTwitterPinterestEmail
Mundu UPyD y les espulsiones de Bélxica by asturnet 17 de febreru, 2014 Unión, Progreso y Democracia (UPyD) espresó la so esmolición poles espulsiones de ciudadanos españoles en Bélxica nos últimos mese,s supuestamente por suponer “una carga” pal sistema belga y vieno acabante de presentar una entriga al gobiernu pa saber qué piensa al respective. La vocera d’UPyD na Comisión d’Asuntos Esteriores, Irene Lozano, rexistró unes entrugues escrites al Executivu nel Congresu nes que recuerda que, según los datos de la Oficina d’Extranxería de Bélxica, l’añu pasáu los ciudadanos de nacionalidá española fueron los terceros nel ranking d’espulsiones de dichu país. En Bélxica hai históricamente una importante colonia asturiana que nun dexó de xorrecer nestos caberos años cola mocedá que diba a la gueta trabayu fora del país dende los tiempos ya de Tini Areces y la so consideranza de “llenda urbana” pa cola mocedá emigrante del nuevu sieglu. 17 de febreru, 2014 0 FacebookTwitterPinterestEmail
Política Círculu LLiberal intégrase na Unión Demócrata Asturiana by asturnet 14 de febreru, 2014 Ayeri aconceyó en Xixón el Círculu Lliberal d’Asturies, ex simpatizantes del Centro democrático Liberal ya independientes, y alcordóse la creación d’UDAs (Unión Demócrata Asturiana), coleutivu social nacíu col envís d’afitar un espaciu d’alderique y pensamientu pal asturianismu democráticu de centru, axuntando a xente qu’aporta la so visión de país con una variedá de procedencies allugada dende’l reformismu al lliberalismu, y enfotáu na defensa de los derechos civiles y llingüísticos de la ciudadanía asturiano. Esta xunta designó a Humberto Gonzali como voceru hasta la celebración del 1º congresu del coleutivu. A consecuencia d’esti alcuerdu, el Círculu Lliberal d’Asturies procede a la so disolución ya integranción na UDAs. 14 de febreru, 2014 0 FacebookTwitterPinterestEmail
Convocatories Esti mes fina’l plazu pa presentase a los concursos de l’Alla by asturnet 14 de febreru, 2014 Esti próximu 28 de febreru acaba’l plazu de presentación d’orixinales pa los concursos de l’Academia de la Llingua Asturiana, que na so convocatoria de 2014 con los concursos d’Investigación, de Llectures pa Rapazos, el de Creación Lliteraria Premiu Llorienzu Novo Mier, el Concursu de Recoyida de Material Lliterario Oral, el Concursu de Teatru y el Concursu de Recoyida de Material Lliterario Escrito Premiu Federico G.-Fierro Botas. La categoria de Concursos d’Investigación tien convocaos cuatro premios. El primer d’ellos ye la recoyida de material toponímicu, ensin asoleyar, qu’abarque la totalidá d’una parroquia, conxuntu de parroquies o Conceyu. Habrá un premiu d’Investigación llingüística, ensin asoleyar, que tenga aspectos llingüísticos o sociollingüísticos d’Asturies como oxetu del estudiu. Un premiu pa la recoyida oral de léxicu asturianu ensin asoleyar. Y un premiu pa un trabayu d’investigación sobre la lliteratura asturiana. El premiu “Llorienzu Novo Mier” tien por enfotu la creación lliteraria, en prosa, n’asturianu. El Concursu empobináu pa les llectures pa rapazos tien por oxetu algamar una bona lliteratura pa les xeneraciones más nueves. El Concursu de recoyida material lliterario oral enfótase na realización d’un trabayu d’investigación que recueya la lliteratura non escrita. El Premiu “Federico G.-Fierro Botas”, de recoyida de material lliterario escrito, premia los trabayos de recompilación d’escritos n’asturianu enantes de 1970. El Concursu de Teatru complementa esta edición de 2014 d’estos Concursos de l’Academia, cola fin de difundir la llingua asturiana nos sos má estremaos ámbitos. Los trabayos ganadores de cauna de les categoríes recibirán un premiu de 600,. Les decisiones del Xuráu van facese públiques nel Lletres Asturianes. Bases de los concursos de l’Alla 14 de febreru, 2014 0 FacebookTwitterPinterestEmail
Plástiques El Muséu do Pobo Galego de Santiago inaugura una esposición del Pueblu d’Asturies con semeyes de Baltasar Cué by asturnet 14 de febreru, 2014 Nel marcu del programa que conmemora 175 años de fotografía, esti xueves 13 de febreru, a les 19,30 hores. inaugurabase nel Muséu do Pobo Galego, en Santiago de Compostela, la esposición Baltasar Cue Fernández: Galería fotográfica de tipos populares, 1891- 1894. Esta esposición pertenez al Muséu del Pueblu dAsturies y el so treslláu a Galicia enmarcose nel programa d’actividaes que los museos de la rede municipal de Xixón entamaron anguaño por conmemorar los 175 de fotografía. La galería de tipos populares de Baltasar Cue Fernández (Llanes, 1856 -1918) ta integrada por 36 fotografíes y constitúi unu de los conxuntos más interesante de la hestoria de la fotografía española; reconocíu pol estudiosu norteamericanu Llee Fontanella nel so estudiu pioneru sobre la fotografía del sieglu XIX n’España. Cue retrató nel so estudiu a una serie bien variada de personaxes populares de la villa y el conceyu de Llanes, según vagamundos y músicos ambulantes que percorríen darréu tol Cantábricu. Esti fotógrafu morara en L’Habana, Londres y París, y nestes ciudaes papar de bohemia y cosmopolitismu. Amás d’a la fotografía, Cue dedicar a la enseñanza, a la cría de llagostes y a la vienta de quincallería. Foi tamién presidente de la Sociedá Obrera El Porvenir. La so biografía y obra fueron estudiaes por Francisco Crabiffosse Cuesta nel catálogu de la esposición que publicó’l Muséu del Pueblu dAsturies en 2012. Toles semeyes de tipos populares de Cue fueron realizaes nel so estudiu, utilizando como fondu’l mesmu telón qu’emplegaba pa les semeyes burgueses ya inclusive dacuando montando una escenografía propia pal personaxe. Son semeyes feches con gran dignidá, nos que de cutiu trataba d’afigurar la idiosincrasia de les persones al traviés de xestos característicos. Los negativos orixinales en placa de cristal de toes estes fotografíes fueron donaos al Muséu del Pueblu dAsturies por Carlos Suárez Cue, nietu del fotógrafu, en 2008. El Muséu do Pobo Galego fundase en 1976 y tien la so see nel conventu de Santu Domingu de Bonaval, na ciudá de Santiago de Compostela. Ye’l muséu etnográficu y hestóricu más importante de Galicia. Los sos oxetivos y les sos colecciones son abondo similares a los del Muséu del Pueblu dAsturies, y los dos dan muncha importancia a la fotografía como testimoniu del pasáu. Web del Muséu do Pobo Galego 14 de febreru, 2014 0 FacebookTwitterPinterestEmail
Escéniques Esti sábadu entama FETEN 2014 en Xixón by asturnet 14 de febreru, 2014 La víxesimo tercer edición de la Feria Europea d’Artes escéniques pa Neños y Neñes de Xixón, FETEN, arranca esti sábadu 15 de febreru con la Preferia, durante la que se proponen siete espectáculos como preludiu de la nueva edición que va tener llugar del 16 al 21 de febreru cola participación de setenta compañíes procedentes de siete países que van ufiertar alredor de 150 representaciones ente les que caben destacar l’estrenu de siete espectáculo. Toos ellos empobinaos al públicu infantil y familiar. La Feria Europea d’Artes Escéniques pa Neños y Neñes de Xixón, FETEN 2014, que va celebrar so ventiavu tercer edición ente los próximos díes 16 y 21 de febreru, va cuntar cola participación de setenta compañíes nacionales ya internacionales que van amosar na ciudá asturiana les sos últimes producciones escéniques, dirixíes a la infancia. Los distintos escenarios oficiales de la Feria van acoyer alredor de 150 representaciones de la mano de compañíes procedentes d’España, Arxentina, Bélxica, Francia, Bulgaria, Holanda ya Italia. Ente tolos trabayos, destaquen los siete estrenos absolutos que la organización incluyó na programación de la nueva edición. Consolidáu como un alcuentru de referencia y de xunta pa los numberosos programadores, distribuidores y ceadores qu’alleguen a Xixón mientres estes feches, FETEN 2014 va sirvir a toos estos profesionales p’analizar los nuevos enclinos creativos y trabayar pa impulsar un mercáu cultural que fortaleza’l sector, frente a les dificultaes de sostenibilidá de les artes escéniques. Amás de cuntar con una importante presencia internacional, la Feria Europea d’Artes Escéniques pa Neños y Neñes escoyó los espectáculos de compañíes procedentes de 15 comunidaes autónomes del nuesu país. Les casi 150 representaciones, creaes a partir de diverses disciplines artístiques, como la danza, los títeres y oxetos, la música, el circu o la maxa, ente munches otres, van tener llugar nos distintos escenarios oficiales de la Feria y en delles de les cais y places más emblemátiques de Xixón. Siete compañíes españoles van amosar mientres FETEN 2014 los sos espectáculos empobinaos a los más pequenos en calidá d’estrenos absolutos. Ye’l casu de la compañía asturiana Factoría Norte que va presentar l’espectáculu de cai ‘Llumeru’. Pela so parte, los castellán y lleoneses Teloncillo Teatru, qu’apocayá llograben el Premiu Nacional d’Artes Escéniques pa la Infancia y la Mocedá, recalen en Xixón con una nueva producción de pequenu formatu, ‘Niales’; ente que los cántabros La Machina Teatru van ufiertar en primicia ‘El neñu corpuspín’. Los valencianos Teatre del Bleu y La Pavana Compañía de Teatre van poner n’escena ‘Dong Dong Quixote’ y ‘L’home invisible’, respectivamente. Completen l’apartáu d’estrenos les compañíes de Marina Bollaín (Madrid) y Marie de Jongh (País Vascu) que van llevar a los escenarios de Xixón el musical ‘El Duende Calcetu’ y el montaxe de títeres y actores ‘Kibubu’. La Feria Europea d’Artes Escéniques pa Neños y Neñes de Xixón, FETEN, ta entamada pola Fundación Municipal de Cultura, Educación y Universidá Popular y el Conceyu de Xixón. 14 de febreru, 2014 0 FacebookTwitterPinterestEmail
Música Dixebra arranca la xira de “Tiempos Modernos” n’Uviéu by asturnet 14 de febreru, 2014 Esti sábadu 15 de febreru, a les 23 hores, na sala Wippoorwhill dUviéu Dixebra va ufiertar el conciertu de la so nueva xira 2014, onde van presentar el so últimu trabayu discográficu, tituláu Tiempos Modernos. Un discu que fail númberu doce na so yá bien llarga carrera, apaecía a finales del añu 2013 con quince temes destilos distintos (rock, punk, reggae, ska, folk, funk, metal-rap…), como ye avezao nesta banda; al traviés de les pieces incluyíes nél faen un repasu de lactualidá -asturiana y internacional-, con lletres crítiques y reflexives onde dan el so puntu de vista sobre asuntos como la crisis, la solidaridá, la represión, la resistencia o la perda de derechos. “Tiempos Modernos” ta teniendo una acoyida mui bona ente públicu y crítica, asitiando a esti trabayu nuevu de Dixebra ente les sos meyores producciones. Con esti conciertu empiecen a defendelu en directo, nel que se mueven bien a gustu estos ocho músicos y que ye ún de los sos fuertes. Pa la ocasión van interpretar una decena de les canciones nueves más dellos de los sos himnos más conocíos y festexaos polos sos siguidores, too ello entemecío con samples preparaos pa la ocasión. Con esti conciertu la banda principa la xira del 2014, que los va llevar a presentar la so obra nueva per bien de llugares dAsturies y de fuera, asina la siguiente cita va ser el 21 desti mes en Madrid, onde dende hai unos años vien actuando con regularidá. 14 de febreru, 2014 0 FacebookTwitterPinterestEmail
Sociedá La XDLA denuncia lactitú asturfóbica de Maurio Bogomak, conceyal de Deportes de Siero by asturnet 14 de febreru, 2014 La XDLA denuncia lactitú asturfóbica de Maurio Bogomak, conceyal de Deportes de Siero, por prohibir lusu del nuestru idioma na camiseta oficial de la XXV Media Maratón, faciéndonos retroceder a situaciones de marxinación que nun se recordaben dende la década de los 80 y qu’entamen a tornar otra vuelta nos caberos años tanto nos conceyos como na Universidá y otres fasteres institucionales. El problema de la camiseta ye, como se pue ver na semeya, tres lletres que diferencien lasturianu del castellanu de Campeonatu dAsturies. La Xunta pola Defensa de la Llingua Asturiana (XDLA) quier denunciar lactitú asturfóbica de Maurio Mauricio Bogomak Medeiro, conceyal de Deportes, Seguridá Ciudadana y Rellaciones Institucionales del Conceyu de Siero, quacaba de prohibir lusu del asturianu na camiseta oficial de la XXV Media Maratón de Siero, prueba quentra dientro del Campeonatu dAsturies. Precisamente, son namái tres lletres que diferencien lasturianu del castellanu de Campeonatu dAsturies les que tanto cafíen al conceyal y que valieron pa quecharal diseñu de la camiseta patrás. La situación ye tovía más grave cuando desta persona y de la so Conceyalía depende la Política Llingüística desti Conceyu. La XDLA entiende que ye bien difícil que se produza dalgún avance nesi sentíu si la persona que tien les competencies pa visibilizar el nuestru idioma tien tantos prexuicios hacia lusu del asturianu. Ye de reseñar que nel campu de los deportes, el Conceyu de Siero vien faciendo, al traviés del Patronatu de Deportes, un usu normal de la llingua al traviés de la rotulación billingüe de los equipamientos deportivos, midíes que tuvieren laceptación pola xente de Siero. Por too ello, la XDLA esixe una rectificación de Maurio Bogomak énte esta discriminación grave hacia los falantes dasturianu y esti ataque al patrimoniu llingüísticu del país. Nun pue ser que los sos prexuicios personales supongan un pasu atrás en dalgo que la ciudadanía de Siero yá acepta como dalgo normal. 14 de febreru, 2014 0 FacebookTwitterPinterestEmail