Asoleyase la Nueva Guía de Programes Educativos de Xixón

Yá ta a disposición de la comunidá escolar la Guía de Programes Educativos del cursu 2019-2020. La Guía de Programes Educativos de Xixón ye una publicación en formatu dixital que contien la ufierta d’actividaes que la comunidá educativa tien a la so disposición para’l nuevu cursu escolar 2019-2020.

Los centros educativos van poder inscribise na mayor parte de les actividaes hasta’l 27 de setiembre a les 14:00 hores. Otres ufiertes educatives como FETEN o’l Festival de Cine tienen el so propiu calendariu. La inscripción realízase al traviés de l’aplicación informática específica para los centros educativos, a la cual ellos apuerten por aciu la so tarxeta ciudadana. Nesti enllaz pueden consultase les condiciones xenerales de participación.

L’empiezu de la mayoría de les actividaes ta marcáu pal 21 d’ochobre.

Amás de les actividaes, la Guía de Programes Educativos recueye la siguiente información:

A) Un directoriu colos centros educativos del conceyu y les entidaes participantes nes actividaes.

B) Anexos con información sobro distintos eventos y recursos educativos:

Subvenciones pa centros y entidaes educatives 2020.
Premios Educativos “Eleuterio Quintanilla” del Conceyu de Xixón/Xixón.
Homenaxe al personal docente que se va xubilar en 2020.
Proyectu socioeducativo en absentismo escolar.
Programa Municipal de Meyora de Convivencia y Prevención del Acoso Escolar (TEI).
Xixón/Xixón, ciudá educadora.
Día Internacional de la Ciudá Educadora.
Efemérides conmemorativas de Gaspar Melchor de Xovellanos.

Más información sobro les actividaes complementaries na nuesa web

– Guía en formatu flash.
– Guía en formatu pdf.