Aprender a Aprender abre plazu d’inscripción nel cursu 2021/22

La Oficina de la Mocedá vuelve poner en marcha’l programa Aprender a Aprender que tien ya abiertu’l plazu d’inscripción nel cursu 2021/22 hasta’l miércoles 20 d’ochobre.

Camuda la to forma d’aprender. Yá nun volverá ser la mesma !REVOLUCIONA EL TO ESTUDIU Aprender. L’estudiu ye muncho más qu’un procesu de memorización y reproducción de datos. Cada vez somos más conscientes de la necesidá de conocer y saber utilizar ferramientes que nos dexen entamanos y planianos para llograr un mayor rendimientu. Amás, la capacidá de concentración xuega un papel fundamental nesti procesu y, por ello, tenemos de trabayala y conocer técniques que nos dexen caltener la concentración mientres l’estudiu y asina, consiguir ser más granibles.

Por ello, ye necesariu apurrir al alumnáu estratexes efectives qu’aplicar mientres l’estudiu y asina evitar la desmotivación, el fracasu escolar o l’abandonu de los estudios que se taben llevando a cabu. D’esta forma, vamos tar apurriéndo-yos autonomía y oportunidaes para ameyorar el so rendimientu académicu al traviés de les ferramientes fayadices.

Por eso se quier apurrir a los estudiantes de secundaria, bachilleratu, opositores y universitarios toles ferramientes necesaries que-yos dexen:

Conocer los distintos elementos qu’inflúin nel estudiu y aprender a xestionalos.
Ufiertar ferramientes de planificación del tiempu coles mires de crear un vezu d’estudiu fayadizu.
Conocer y aprender técniques d’estudiu que dexen ameyorar el rendimientu académicu y aumentar la motivación énte l’estudiu.
Desenvolver un estilu d’aprendizaxe fayadizu a les necesidaes y característiques de cada persona potenciando los sos puntos fuertes p’amontar la so autoestima.
Conocer y aprender estratexes pa xestionar l’ansiedá que puede producise énte los exames o n’etapes de muncho trabayu.

Organizador: Oficina de Mocedá Cuando:
Del 11 d’ochobre de 2021 al 20 d’ochobre de 2021 De 09:00 a 12:00

Más información