Ana Cano atalanta qu’un minor enxamás nun va ser la solución pala presencia de la llingua nel EEES

La presidenta de l’Academia de la Llingua Asturiana y exdecana de la Facultá de Filoloxía de la Universidá d’Uviéu, Ana Cano, aguarda que s’algame la creación d’un ‘maior’ d’asturianu y non un minor como’l propuestu pol decanu d’anguaño, José Antonio Martínez, pa integralu dientro del futuru Títulu de Grau de Filoloxía.

La Caderalga atalanta qu’un minor nun ye abondo pa la formación del profesoráu de llingua asturiana porque la so carga llectiva ye inferior a la del actual títulu propiu ufiertáu pola Universidá y que s’exixe pa dar clas d’asturianu nel bachilleratu.