Alcuentru colos músicos en Xixón: Charra con Martín García, pianista

La Sociedá Filarmónica de Xixón y el Taller de Músicos de la FMCE y UP van faer posible esti martes a les 19, 30 na Biblioteca Xovellanos un acercamientu más personal ente’l públicu y dalgunos de los músicos que participen nos conciertos de la temporada, al traviés d’una charra-coloquiu participativa.

Nesta ocasión, el concertista convidáu va ser el mozu pianista xixonés Martín García García, nacíu en 1996, que va ufiertar un conciertu al otru día nel Teatru Xovellanos, cola collaboración de la Fundación Alvargonzález.

El virtuosu pianista xixonés Martín García fai’l so esperáu debú na Sociedá Filarmónica de la so ciudá natal nun momentu de la so carrera en que recueye, amás del aplausu del públicu en sales de too el mundu, prestixosos premios en concursos internacionales baltes como’l recién Primer Premiu del Concursu Internacional de Pianu de Cleveland (EEXX) o’l tercer premiu y el premiu a la meyor interpretación de conciertu del emblemáticu Concursu Internacional de Pianu Fryderyk Chopin en Varsovia.

Biblioteca Pública Xovellanos
11 de xineru de 2022 a les 19:30