Portada Conceyos Alcuentru abiertu a tola ciudá d’Avilés nel Regresu al Monte Comestible

Alcuentru abiertu a tola ciudá d’Avilés nel Regresu al Monte Comestible

by redacción asturnews

Una quedada entamada por El Patiu de Mocedá pa percorrer y curiar esti espaciu llenu de frutales y plantes autóctones que dexa a les avilesines y avilesinos realcontrase cola naturaleza, ye l propuesta d’un alcuentru abiertu a tola ciudá d’Avilés nel Regresu al Monte Comestible.  Na cai José Cueto, tres la Escuela d’Idiomes, esti sábadu 22 de xunu de 11 a 13.30 hores.

Esta selmana en que la primavera da pasu al branu, llega unu de los meyores momentos para esfrutar en tola so rellumanza d’un llugar relativamente desconocíu, el Monte Comestible d’Avilés. Asitiáu na cai José Cueto, tres la Escuela d’Idiomes, El Patiu de Mocedá entama ellí’l Regresu”, un alcuentru abiertu a toles avilesines y avilesinos que quieran conocelo y curialo. Esti sábadu, 22 de xunu, dende les 11 a les 13.30 hores.

Ye’l Monte Comestible un espaciu verde distintu n’una ciudá qu’acorica los sos parques. Creáu como un percorríu ente pradería, frutales, plantes arumoses y melecinales, árboles autóctonos, inclusive güerta con hortolices, dexa enfusase en paisaxe humanizáu cantábricu ensin salir de la ciudá, nel barriu d’El Quirinal.

L’oxetivu d’esta quedada llibre ye preparar un espaciu abierto y nacío pal esfrute de cara al entamu d’una nueva temporada d’actividaes. Una xunta na qu’esfrutar y trabayar de forma colectiva, segar, preparar la tierra, sallar, semar, y tamién recoyer les propuestes de tolos participantes, tanto p’ameyorar esti llugar públicu como pa entamar nuevos eventos qu’aumenten les visites y la conocencia de la ciudadanía.

Tolos que quieran participar puen faelo la mañana d’esti sábadu ensin necesidá d’inscripción, esfrutar d’un espaciu vivu y en constante tresformamientu, y bona compañía. Xuna iniciativa d’El Patiu de Mocedá, desenvueltu pola asociación Ye too ponese, y dependiente de la conceyalía de Mocedá d’Avilés, que quier establecer un nuevu venceyu de les avilesines y avilesinos de toles edaes con esta cortil.

Tamién te podria gustar