Portada Conceyos Alberto & García train pop-rock clásicu a Colunga

Alberto & García train pop-rock clásicu a Colunga

by redacción asturnews

Alberto & García ye una banda de bien ampliu percorríu, un grupu con raigañu nel folclore llatinoamericanu, el pop-rock clásicu, la electrónica y los testos en castellán que va estrenase nel Parque Hernán Pérez Cubillas de COlunga.

Esti septetu ta conformáu por amigos y familiares con base n’Asturies a los que se-yos xunen col tiempu dos miembros d’América Llatina (Ecuador y Arxentina) que llueu pasen a ser de la familia “García”.

Cunten nel so haber con un EP autoeditado, Exiliados (2011) y los discos Llei de Gravedá (Sony Music, 2014), el discu documental Voladores (Boomerang Disco, 2016) -grabáu en distintos puntos del oriente asturianu- y El Bon Selvaxe (Boomerang Disco, 2018), el EP Fenómenos Paranormales (Boomerang Disco, 2019), el llarga duración Flores Negres (Boomerang Disco, 2020) y anguaño, atópense presentando una colección de singles -de los que yá ta disponible’l primeru d’ellos, Río Bravo- producíos, al igual qu’El Bon Selvaxe, Fenómenos Paranormales y Flores Negres por Toni Brunet (Quique González, Coque Malla).

Parque Hernán Pérez Cubillas – Plaza España T:
661 604 627

Tamién te podria gustar