Portada Conceyos Adioses Show Choir presenta en Llugones “The Christmas Show”

Adioses Show Choir presenta en Llugones “The Christmas Show”

by redacción asturnews

Adioses Show Choir presenta en Llugones “The Christmas Show”, un conciertu-espectáculu en redol a la Navidá americana, al que’l públicu asistente va poder sumase en dalguna conocida tema. La cita, el vienres 23 d’avientu, a les 19.30 hores, nel Centru Polivalente Integráu de Llugones.

The Christmas Show ye un conciertu espectáculu en redol a la Navidá americana. Un viaxe a otra dómina, a otru llugar, pero sobremanera a la Navidá más risondera y romántica.

La esperiencia completa inclúi escuchar una selección de temes n’arreglos corales con distintos montaxes coreográficos y musicales, según los intermezzos cuidaos, ambientados y preparaos pal entretenimientu máximu del espectáculu.

Cada tema va tener una puesta n’escena distinta, según distintu númberu de cantantes y/o baillarinos, lo que va dar más vida y movimientu al espectáculu.

Temes corales dende 4 persones, solistes, cambeos de vestuariu, rider de lluces ad hoc pa cada unu de les temes, rider de soníu y microfonía personalizada, decoración… y munches sorpreses..

Adioses Show Choir ye un coru amateur avilesín formáu por voces que van dende los 16 años a los 70 y que busca siempres un repertoriu y una puesta d’escena distinta. Acompañáu al pianu por Olaya Esteban y so la batuta de José Antonio Lage, empieza un nuevu proyectu y una nueva andadura escontra un espectáculu más completu, dexando a un llau los conciertos corales tradicionales por una selección de temes distintes, coreografíes profesionales, efectos llumínicos y color, enforma color.

Tamién te podria gustar