Aconcéyase’l Xuráu del Princesa d’Asturies de la Concordia

Los próximos díes 1 y 2 de setiembre van tener llugar n’Uviéu les xuntes del xuráu encargáu d’otorgar el Premiu Princesa d’Asturies de la Concordia 2015, postreru de los ocho galardones internacionales que convoca anguaño la Fundación Princesa d’Asturies, y que cumplen esta vegada la so XXXV edición.
El patronatu de la Fundación alcordó nuna xunta estraordinaria celebrada n’Uviéu’l pasáu mes ochobre’l cambéu de nome de la institución y de los sos premios que pasaron a denominase Fundación Princesa d’Asturies y Premio Princesa d’Asturies, respectivamente.

Los Premios Princesa d’Asturies tán destinaos, según los Estatutos de la Fundación, a galardonar “el llabor científicu, técnica, cultural, social y humanitaria realizada por persones, instituciones, grupu de persones o d’instituciones nel ámbitu internacional”. Conforme a estos principios, el Premiu Princesa d’Asturies de la Concordia va concedese por un llabor que contribuya cimeramente “a la defensa de los derechos humanos, al fomentu de la paz, de la llibertá, de la solidaridá, de la protección del patrimoniu y, polo xeneral, al progresu y entendimientu de la humanidá”.

A esti Premiu opten un total de 27 candidatures, procedentes d’Alemaña, Arxentina, Colombia, Dinamarca, Emiratos Árabes, Estaos Xuníos, Finlandia, Francia, Grecia, Hungría, Iraq, Irlanda, Italia, Xordania, Llíbano, Lituania, México, Nueva Zelanda, Países Baxos, Paraguay, Perú, Polonia, Portugal, Rumanía, Tailandia y España. El Premiu ta dotáu con una escultura de Joan Miró, la cantidá en metálicu de 50.000 euros, un diploma y una insinia.

El xuráu del Premio Princesa d’Asturies de la Concordia va aconceyar como davezu nel Hotel Reconquista.