Portada Conceyos 177 persones participen en 8 cursos de formación telemática n’Avilés

177 persones participen en 8 cursos de formación telemática n’Avilés

by redacción asturnews

Cásique 200 persones participen en 8 cursos de formación telemáticos del Conceyu d’Avilés, nuna convocatoria que tuvo casi’l doble de solicitantes. Los 8 cursos imparten formación profesional, formación complementaria y formación tresversal y van desenvolvese los meses d’abril y mayu.

Un total de 177 alumnos y alumnes participen nos cursos online pa la meyora de les competencies de les persones desemplegaes del conceyu qu’impulsa la área de Formación y Emplegu del Conceyu d’Avilés. Les places disponibles escosáronse rápido, lo que demuestra l’interés qu’esiste nestes actividaes, polo que los solicitantes que quedaron fora pasen a formar parte d’una llista de reserva para una próxima convocatoria. En total el númberu de solicitúes presentaes foi de 344.

Los criterios de selección, por orde de prioridá, fueron: primero les persones d’Avilés que tán realizando un procesu d’acompañamientu llaboral coles orientadores llaborales del Serviciu de Formación y Empléu. Segundu, les persones d’Avilés que nun tán realizando esti procesu d’acompañamientu. Y terceru, les persones de fora d’Avilés.

La situación actual de confinamientu pol Estáu d’Alarma fai qu’esta formación, que se venía realizando en modalidá presencial, pase a desenvolvese nel ámbitu dixital, nun escenariu que tamién ye óptimo pa exercitar competencies como la flexibilidá  a la d’escoyer formatos y recursos, capacidá d’adaptación al cambéu, manexu de la incertidume o disposición a ensayar, equivocar, reformular y diseñar nuevos caminos.

La primer convocatoria contempla 8 cursos yá zarraos y que van empezar a funcionar según el calendariu programáu pel área de Formación y Emplegu:

Más información

Tamién te podria gustar