“La Guerra les Galaxes”, “Lo que’l vientu llevó” y otres películes hestóriques tán yá n’asturianu

Mientres la TPA sigue arrequexando l’asturianu en cerca del 1% de la programación selmanal, partículares siguen faciendo trabayos que, con pocos medios, amuesen lo fácil que diba ser pal Ente de Comunicación del Principáu d’Asturies doblar películes y series pa emitilos pela canal autonómica. Nesta ocasión son cachinos de películes clásiques como Pulp Fiction o Lo que’l vientu llevó. Momentos inolvidables del cine qu’agora pueden vese n’asturianu, gracies al trabayu desinteresáu de dos dobladores asturianos.