Sociedá El Principáu va echar a andar tres iniciatives sobre voluntariau pa meyorar la vida de persones mayores y con discapacidá by asturnet 5 d'avientu, 2007 El Principado de Asturias dió a conocer los sos proyectos de voluntariáu na primer xornada del Congresu sobre Voluntariáu que se cellebra en Xixón dende ayeri y hasta güei miercoles 5 d’avientu. La Conseyera de Bientar Social del Principáu, Pilar Rodriguez anunció la prósima puesta en marcha de les inciatives “Cerca de ti”, sobre llabores d’acompañamientu a mayores; “Compartiendo aficiones”, proyectu pa iguar grupos de persones discapacitaes que compartan el tiempu d’ociu y “Vamos al parque”, acompañamientu de mayores y neños nos centros d’agospiu. Nel Congresu, que se cellebra nel recintu ferial de Xixón, aconceyense delles asociaciones rexonales y nacionales del sector del voluntariáu. Güei reciben la visita de los Príncipes d’Asturies, don Felipe y a doña Letizia, cola representación d’una obra de teatru. 5 d'avientu, 2007 0 FacebookTwitterPinterestEmail
Comunicación Los televidentes voten pola meyor seición del programa de la TPA “Al Aldu” by asturnet 4 d'avientu, 2007 El blogue RTPA NASTURIANU entama agora una encuesta sobrel programa Al Aldu. Col envís de conocer cuála ye la sección preferida polos telespectadores de la TPA desti programa diariu. Recordamos a los llectores les secciones dAl Aldu: Los llunes Carlos Suari ta al frente de la sección deportiva A galmiaes, que percorre lactualidá deportiva dAsturies, col so espaciu pal deporte tradicional. La risión, una sección coordinada por Lluis Antón González y onde apaecen dalgunos de los meyores monologuistes modernos del país. Miliol del Nido lleva a los espectadores les sos Recetes con cuentu los miércoles, mientres los xueves ye Inaciu Galán lencargáu dacercanos lactualidá internacional más entretenida con Xente de casa. Al aldu termina la so selmana los vienres con Mercedes Menéndez y la so Axenda dAsturies, quencamienta a los espectadores actividaes pa la fin de selmana. El programa emítese tolos díes a les 10’30 la mañana, en repetición a la 1:30 la nueche, y los sábados a les doce, emitiéndose al traviés de la TPA2, na TDT, una hora más tarde en tolos casos. VEA LOS VIDIOS DE LES 5 SECCIONES D’AL ALDU A GALMIAES: CON CARLOS SUARI LA RISIÓN RECETES CON CUENTU: MILIO’L DEL NIDO XENTE DE CASA: CON INACIU GALÁN L’AXENDA: CON MERCEDES MENÉNDEZ Vota na páxina web rtpanasturianu 4 d'avientu, 2007 0 FacebookTwitterPinterestEmail
Sociedá Izquierda Xunida y JCA organizen un alderique alredor del Che en Corvera by asturnet 4 d'avientu, 2007 Izquierda Xunida y les Juventudes Comunistes d’Asturies organizen pa güei, 4 d’aventu una charra sobre la figura d’Ernesto “Che” Guevara con motivu del 40 aniversario del so asesinatu. L’actu, que va entamar a les 18:00 hores nel centru Tomás y Valiente de Les Vegues (Corvera) va cuntar cola participación de la representante del Poder popular en Cuba, Mº Teresa Fiallo; Mónica Iglesias de Manos Fuera en Venezuela y dellos miembros d’IX y JCA. Durante’l trescursu del actu tamien se va proyectar el documental “No volverán”, el redor del procesu revolucionariu venezolanu. 4 d'avientu, 2007 0 FacebookTwitterPinterestEmail
Sociedá Aula Joven lleva a 50 representantes d’estudiantes de la Universidá a conocer el Parlamentu Européu by asturnet 3 d'avientu, 2007 50 escolinos representantes de la Universidá d’Uvieu marchen güei llunes a Bruseles, Amsterdam y París pa conocer les instituciones europees nun viaxe organizáu pola asociación d’estudiantes Aula Joven. El viaxe ye de baldre y por invitación del eurodiputáu Antonio Masip y va llevar a los participantes a Bruseles, onde visitarán la eurocámara y aconceyarán con dellos eurodiputos pa conocer el funcionamienti d’esta institución. El miercoles dirán a Ámsterdam ya’l a París pa regresar el prósimu llunes día 10. “Trátase d’averar Europa a los x óvenes, que todos sintamos de verdá la ciudadanía europea, dalgo a lo que tamien contribuyen programes como l’Erasmus que tan importante papel xugó nos 20 últimos años nesa llabor de tresmisión de ciudadanía”, declaró’l Presidente d’Aula Joven y responsable del viaxe, Jose Armas. 3 d'avientu, 2007 0 FacebookTwitterPinterestEmail
Comunicación Alberto Álvarez Peña comenta los actos del VIII Seminariu Belenos na Cadena Ser by asturnet 1 d'avientu, 2007 L’etnógrafu y miembru de la Fundación Belenos, Alberto Álvarez Peña, va comentar los actos qu’entamaron esta mañana en La Puela d’Allande, les actividaes del VIII Seminariu d’Estudios Asturianos de la Fundación Belenos. Na entrevista, que va facer Inaciu Galán, va conectase col etnógrafu, qu’esta mañana daba llectura a una comunicación sobre “La mitoloxía asturiana nel marcu les mitoloxíes europees”. “Falando d’Asturies” emítese tolo sábados a partir de la una la tarde nel programa A vivir que son dos días Asturies, dirixíu por Begoña Natal y nes onde de Radio SER Xixón, nel 96.5 del FM. Pela sección dirixida por Inaciu Galán tienen pasao munches de les figures culturales más d’actualidá d’Asturies. 1 d'avientu, 2007 0 FacebookTwitterPinterestEmail
ConvocatoriesFiestes Preséntase en Xixón el Premiu Federico González-Fierro Botas d’investigación by asturnet 30 de payares, 2007 Ta acabante d’entamar el plazu pa presentar trabayos al Premiu Federico González-Fierro Botas, galardón que la Conceyalía de Cultura Tradicional y Llingua Asturiana del Conceyu de Xixón organiza n’alcordanza de la figura de González-Fierro Botas y pa fomentar la investigación nos siguientes ámbitos: cultura asturiana, cultura rusa o eslava, memoria social y colectiva de los pueblos rusu y asturianu y memoria social y colectiva de Xixón. Na presentación d’esta primer edición del premiu, que se cellebró’l pasáu vienres 29 de payares na Sala de Prensa del Ayuntamiento de Xixón participaren Xaime Fierro, sobrín de Federico González-Fierro Botas ya’l concejal de Cultura Tradicional y Llingua Asturiana de Xixón, Jesús Montes Estrada. 30 de payares, 2007 0 FacebookTwitterPinterestEmail
Sociedá Fernando Ornosa saludó les declaraciones del PP favoratibles a un nuevu marcu llegal pala llingua by asturnet 30 de payares, 2007 Fernando Ornosa saludó esti día les últimes declaraciones de representantes del Partíu Popular (concretamente’l diputáu autonómicu Joaquín Aréstegui y l’alcalde d’Uviéu, Gabino de Lorenzo) mostrando’l so interés pola conservación de la llingua y apostando pola busca d’un nuenvu marcu llegal, recordando-y al PP que “agora tien de dar el pasu y apoyar la declaración d’oficialidá”. El voceru del CAO llamentó en rueda de prensa, sigún Europa Press, les declaraciones de la FSA: “Ye un posicionamientu que conduz a los falantes d’asturianu a tener menos derechos que los ciuadanos d’otres comunidaes con llingües propies, o que los ciudadanos d’Asturies falantes de castellán”. 30 de payares, 2007 0 FacebookTwitterPinterestEmail
Sociedá El CAO va denunciar el martes énte la UE la situación del asturianu by asturnet 30 de payares, 2007 El Conceyu Abiertu pola Oficialidá, CAO, va denunciar énte la Unión Europa l’actual situación de “discriminación” de la llingua asturiana por mediu de dos representantes d’esta agrupación, Fernando Ornosoa y Xulio Casado, que van treslladase a Bruseles esti mates pa entrevistase col comisariu européu de Multillingüismu, Leonard Orban, pa entrega-y un informe críticu col contestu actual de “falta de reconocencia de la llingua”. En Bruseles van sentase con cuatro miembros del gabinete d’Orban, Patricia Bigñot, Johan Haggman, Eva Valle y Ann Vanwinsberghe, a los que van entregar un dossier “de denuncia de la situación llingüística que sufre Asturies”. Los representantes del CAO tamién quieren convidar a Leonard Orban a “venir a Asturies pa que conoza a toles partes implicaes nel procesu de la llucha pla oficialidá”, en referencia a les organizaciones integrantes del CAO, la Xunta pola Defensa de la Llingua, y a los partíos políticos representaos nel Parlamentu Asturianu, ente otros colectivos: “Queremos que n’Europa s’enteren de que lo que ye un derechu civil, los mesmos partíos que lu apoyen n’otres comunidaes equí se nieguen a reconocelu”. 30 de payares, 2007 0 FacebookTwitterPinterestEmail
Comunicación Nomes dAsturies yel programa prefiríu pol públicu de la RPA by asturnet 29 de payares, 2007 Ta acabante de pesllase una encuesta fecha pol blogue de los siguidores de les emisiones nasturianu de la RTPA, na que se buscabal programa nasturianu preferíu polos oyentes de la radio pública asturiana. El resultáu 48% de los votos y el primer puestu pal programa Nomes dAsturies y mui cerca, col 41% Rockmería. Nomes dAsturies ye un programa qual mou de les vieyes noveles radiofóniques percorre la hestoria d’Asturies al traviés de la dramatización con actores de la vida de personalidaes asturianes y llugares ya instituciones del país, dirixíos por Chechu García y con Eva Vallines, Rocío Pinín, Roberto Corte, Silvino Torre, Chechu García, Azucena álvarez y otros como actores. Los guiones tán fechos por escritores como Cristina Muñiz, Inaciu Galán y González, Ana Belén Suárez o Carlos Suari. El programa emítese los llunes de 13:05 a 13:30 hores y en redifusión de 23:30 a 00:00 hores. Rockmería, el segundu preferíu polos oyentes ta dirixíu pol músicu y empresariu Xune Elipe y algamól 41% de los votos. En tercer puestu, col 4% los votos, quedó Música, músiques, onde Ismael Arias percorra los caminos de la música asturiana más averada al mundiu de la tonada. Curtu quedó, col 2% Paraísu Natural, magacine presentáu agora por Antón García y en distintes etapes por Consuelo Vega y Carlos Suari. El blogue RTPA NASTURIANU entama agora una encuesta sobrel programa Al Aldu. Col envís de conocer cuála ye la sección preferida polos telespectadores de la TPA desti programa diariu. Recordamos a los llectores les secciones dAl Aldu: Los llunes Carlos Suari ta al frente de la sección deportiva A galmiaes, que percorre lactualidá deportiva dAsturies, col so espaciu pal deporte tradicional. La risión, una sección coordinada por Lluis Antón González y onde apaecen dalgunos de los meyores monologuistes modernos del país. Miliol del Nido lleva a los espectadores les sos Recetes con cuentu los miércoles, mientres los xueves ye Inaciu Galán lencargáu dacercanos lactualidá internacional más entretenida con Xente de casa. Al aldu termina la so selmana los vienres con Mercedes Menéndez y la so Axenda dAsturies, quencamienta a los espectadores actividaes pa la fin de selmana. Blogue de los siguidores de los programes n’asturianu de la RTPA 29 de payares, 2007 0 FacebookTwitterPinterestEmail
Sociedá Bueno llama a los conceyales de Xixón “incultos y analfabetos” por tener que pidir la so Fundación les subvenciones como les demás by asturnet 28 de payares, 2007 El filósofu y profesor eméritu de la Universidá d’Uviéu, Gustavo Bueno, manifestó’l martes que’l Conceyu de Xixón retiró la subvención de 12.000 euros a la Fundación qu’él mesmu preside por “incultos y analfabetos”, mentantu que’l conceyal encargáu precisaba que lo que tien de facer la entidá que preside’l conocíu filósofu ye solicitar l’ayuda mediante convocatoria. Sigún Europa Press, el filósofu dixo lliteralmente que “el Conceyu piensa que na Fundación facemos Xuntes escontra’l PSOE”. El profesor de Filosofía realizó estes manifestaciones a Europa Press momentos enantes d’aconceyase la Comisión pa la Recuperación de la Memoria Histórica creada pol alcalde d’Uviéu, Gabino de Lorenzo, pa cambiar el nome de les cais franquistes y de la que Bueno forma parte. El filósofu asturianu, qu’aseguró que s’enteró pola prensa de la retirada de la sovención, esplicó qu’hai dos niveles diferentes. Nel primeru, dixo, “el Conceyu de Xixón pue retirar la sovención ensin dar nenguna esplicación”, y nel segundu, manifestó, que la “represalia” nun foi por dalgo tan puntual como la publicación del so llibru ‘Zapatero y el pensamientu Alicia. Un presidente nel país de les maravilles’, sinón por dalgo más “global”. Gustavo Bueno dixo entender que la ‘Selmana Negra’ “ye dalgo que atrai a munches persones y que’l mundiu de la filosofía ye dalgo pa unos pocos”. Amás, detacó que la Fundación “fai un gran llabor y convida a xente de toa España y d’América”. Bueno manifestóse nestos términos dempués de que’l Grupu Municipal Popular aletara ayeri, per mediu del conceyal Manuel Pecharromán, de que’l Conceyu de Xixón retirara la sovención qu’anualmente recibía de 12.000 euros. Pela so parte, el conceyal de Cultura del Conceyu de Xixón, Justo Vilabrille, negó que’l Conceyu denegara una sovención a la Fundación Gustavo Bueno, pa la celebración del so alcuentru anual. Según l’edil, “nun hai nenguna decisión de tipu políticu nin ideolóxicu” que se tenga en cuenta a la hora d’otorgar sovenciones. Nesti mesmu sen pronuncióse güei’l voceru de la Xunta de Gobiernu del Conceyu de Xixón, José María Pérez, qu’aseguró que “nun se-y denegó a nenguna entidá la so subvención pal 2008”. El responsable municipal precisó que lo que debe facer agora la entidá que preside’l conocíu filósofu ye solicitar l’ayuda mediante convocatoria. 28 de payares, 2007 0 FacebookTwitterPinterestEmail